radheef.info
ރަދީފު


ނަން
ނ އެލަފުޒަކުން މީހެއްކަން ނުވަތަ ތަނެއްކަން ނުވަތަ އެއްޗެއްކަން ނުވަތަ ކަމެއްކަން ނުވަތަ ސިފައެއްކަން ދޭހަވާ ކޮންމެ ލަފުޒެއް
ދޮންނަމެޝިން
މ ފޭރާން ފަދަ ތަކެތި ދޮންނަން ހަދައިފައި ހުންނަ މެޝިނެއް
ދޮންނަސައިބޯނި
ނ އެއްޗެހި ދޮންނަން ހަދައިފައި ހުންނަ ސައިބޯނި
ތަންނި
ނ ފަރުމާނުގެ ދަށުގައި އެއްކޮޅުން އަނެއްކޮޅަށް އެލުވައިފައިއޮންނަ ވައިރު މިއީ ރިޔާ ބަންނަން އަރައި އުޅުމަށްޓަކައި ބޭނުންކުރާ ވައިރެކެވެ
ތަންމަތިވުން
މ ބިކަޙާލުގައި ގިނަދުވަހު އެނދުގައި އޮންނަންޖެހުން
ތަރުވާޒު
ނ ބުނަން ބޭނުންވާ ވާހަކައެއް ބުނުމުގެ ކުރިން އެކަމާގުޅޭގޮތުން ދައްކާ އިތުރުވާހަކަ
ތަޅަމުދިކަން
ނ ކަންގަތި ކޮއްޔެއްގެނަން
ތަޅު
ނ (1) ނަންބަރު ދިމާކޮށްގެން ނުވަގަ ތަޅުދަނޑިފަދަ އެއްޗަކުން ހުޅުވޭގޮތަށް ދޮރާއި ފޮށިފަދަ އެއްޗެހީގައި ހަރުކޮށްފައި ނުވަތަ ލައިފައި ހުންނަ އެއްޗެއް (2) ލަކުޑިފަދަ އެއްޗެހީގައި މަކުޑިކަނޑައިގެން ތަޅުލެވޭގޮތަށް ތައްޔާރުކުރާ ތައްޔާރުކުރުން
ތަޅުލުން
މ (1) ތަޅުދަނޑިއަކުން ނުވަތަ އެފަދަ އެއްޗަކުން މެނުވީ ނުހުޅުވޭގޮތަށް ތަޅެއް ބަންދުކުރުން (2) ނަންބަރުތަޅުހުންނަ ފޮށިފޮށީގައި ނަންބަރުދިމާ ކުރުމުން މެނުވީތަޅު ނުހުޅުވޭގޮތް ހެދުން
ތައް
ނ (1) ތައްކަށިންޖަހާ ފާހަގަ މިފާހަގަ ޖަހަނީ ރުއްގަހުގެ ވެރިފަރާތް ފާހަގަކުރުމަށްޓަކައެވެ ފާހަގަހުންނަނީ ވަށްކޮށް ކަނޑައި ނަގައިފައެވެ (2) ނަން ގިނަކުރުމަށް ބޭނުންކުރާ އަކުރެއް މިސާލު: މޭޒުތައް (3) )ބދ ( އަނގަ މިސާލު: އޭނާއިނީ ތައް ބައްދައިގެންނެވެ
ތައްގަނޑަށްއެޅުން
މ އޮންނަންވީ ގޮތަށް ފެތުން
ތައްޔާރީހެދުން
ނ ބޭނުންވާ މިންތަކަށްފަހައި ތައްޔާރު ކޮށްފައި ގަންނަން ލިބޭ ގޮތަށް ފިހާރަ ފިހާރައިގައި ހުންނަ ހެދުން
ތަލްގީން
ނ ޝާފިޢީ މަޒުހަބުގައި މުސްލިމުން މަރުވެގެން ވަޅުލާއިރު ކަށްވަޅަށް ފަސްލައި އެއްވަރުކޮށްލުމަށްފަހު ކިޔާޚާއްޞަ ޢިބާރާތްކޮޅެއްގެނަން
ތަޔައްމަމު
ނ ޚާއްޞަވެގެންވާ ގުނަން ތަކެއްގައި ނިޔަތަކާއެކު ވަކިގޮތަކަށް ސާފު ތާހިރު ހިރަފުހުން ފުހޭ ފުހުމެއް
ތާށިކަން
ނއނ ތާށި މިބަހުގެ ނަން އިތުރުގެނަން
ތާށިވުން
މ (1) ދެއެއްޗެއްގެ ދެމެދުގައި ނުވަތަ ހަނިދޭތެރެއެއްގައި ނުނިކުމެވޭގޮތަށް ދަތިވުން މަޖާޒު: (2) މައްސަލައެއްގައި ބެދުން (3) މަސައްކަތެއްގައި އެކަމުން ދުރަށް ނުދެވޭގޮތަށް ހުންނަން ދިމާވުން
ތާގައު
ނ )ސ ( ރާނަން ބިންގާއަޅާއިރު ދެފާރުބައްދަލުވާ ކަނުގައިއަޅާގާ
ތިލަވުން
މ (1) ފުންކަންކުޑަވުން (2) ވިސްނަންފަސޭހަވުން
ތުނބަހަނދި
ނ ހަނދީގެ ބާވަތެއް މިއީ ހަނދީގެ ގިނަބާވަތް ތަކަށްވުރެ ބޮޑުކޮށް ފަތިކޮށް ހުންނަ ހަންޖެކެވެ މިހަނދީގެ ތުނބުގައި ބޯ ހަންފަށެއްހުރެއެވެ މިހަނދީގެ ކުލައަކީ ރިހިއަޅިކުލައެވެ މިބާވަތުގެ ހަނދީގައި ހުންނާނީ ފަނޑު ފެހިކުލައަކަށްދާ ކުލައެކެވެ ދެއަރިމަތީގައި ގަދަރީނދޫކުލައިގެ ލައްތަކެއް ވަރަށް ފައުޅުކޮށް ފެންނަންހުރެއެވެ
ތުރުކީކޮށި
ނ އިހުގައި ރާއްޖޭގައި ބަޑިޖަހަން ދަސްކޮށްދީ އުޅުނު ކޮށިކޮށީގެ ތެރެއިން ކޮއްޓެއްގެ ނަން
ތެތަށްކެނޑުން
މ (1) ހިއްކައިގެން ކިރުވާ އެއްޗެހި ހުންނަންވާ ވަރަށް ހިކިފައި ނެތުމުގެ ސަބަބުން ހިކޭނެކަމަށް ލަފާކުރެވޭ ވަރު ބަރުދަނުން އުނިކުރުން (2) މަޖާޒު: ވާހަކަދެއްކީމާ އެއިން ދޮގަށްވާބައި ދޫކޮށްލުން