radheef.info
ރަދީފު


ހުރެ
އ (1) ހެދި މިބަހުގެ މާނަ ދޭހަވަނީ އެހެން އެއްޗަކާއި ގުޅުވައިގެން ބުނީމައެވެ މިސާލު: މަދިރިޔާ ހުރެ ނިދޭކަށް ނެތެވެ (2) )ގ ( ރޫ
ގާހުލި
ނ ރުކުމަޑިއާ ސިފަވައްތަރު އަޅިކުލައިގައި ހުންނަ އުދުހޭ ސޫތްޕެއް މިއީ ފައިތަކުގެ ބާރުގަދަ ގަދަފަދަ އެއްޗެކެވެ މީގައި ވަރަށްދިގު ދެނަރުވާ ހުރެއެވެ
ގާވިޔަމަސް
ނ ފާނައާ ވައްތަރު ވިހަގަދަމަހެއް މިމަހުގެ ބުރަކަށިމަތީގައި ވިހަ ކަށިތަކެއް ހުރެއެވެ މިމަސްއުޅޭނީ ގާތަކުގެ ތެރޭގައި ބަނޑުޖަހައިގެންނެވެ
ގިރުނބާފިލާ
ނ ގިރުނބާގެ ފިލަޔާ ވައްތަރަށް ފަތްހުންނަ ފަތްޕިލާވެއްޔެއް އެގަހުގެ ފަތްވާނީ ދެތިންއިންޗިވަރެވެ ފަތުގައި ކުދިކުދި ކަށިތަކެއް ހުރެއެވެ މީގެ ފަތްބޯވެފައި ބިނދޭހާ މުރަނައެވެ ފަތުގެ ތުނޑުކޮޅުހިމައެވެ
ގިއުޅި
ނ ނޫފެހިކުލައިގައި ބޮނޑިކޮށް ހުންނަ ފަރުމަހެއް މިމަހުގެ ލޮލުގެ ކުރީގައި އަޑިވެފައި ހުންނަ ދިގުރޮނގެއް ހުރެއެވެ ކަންފަތްގަނޑު ކުރުވެފައި އޭގެ ކޮޅުވަށެވެ މަތީ ކޮތަރިބައިގައި ކަޅުކުލައިގެ ލައްތަކެއް ހުރެއެވެ
ގިތެޔޮމިރުސް
ނ މިރުހުގެ ބާވަތެއް މިއީ ރަހަ ވަރަށްމީރު ކުޅިރަހަ ގަދަ މިރުހެކެވެ މި މިރުސް ހުންނަނީ ތިންއަރިޔަށް ވާކަހަލަ ގޮތަކަށް ކުރުފަލަކޮށެވެ ތޮށިގަނޑުގައި އަޑިއަޑިކޮޅު ހުރެއެވެ މީގެ ތަފާތު ވައްތަރުތައް ހުރެއެވެ މިސާލު: )ހ( ފިއްތިގިތިޔޮ މިރުސް )ށ( ފަގުޑި މިރުސް
ގިގުނި
ނ (1) ހަލުވައިލީމާ އަޑުކިޔާ ގޮތަށް އެތެރެޔަށް ހަރުއޮށެއް ކަހަލަ އެއްޗެއް ނުވަތަ އެތިކޮޅުތަކެއް ލައި ބައްދައިފައި ހުންނަ މައުދަނީ އެއްޗެއް މީގެ ކިތަންމެ ވައްތަރެއް ހުރެއެވެ މިސާލު: ހަލާދަނޑީގެ ފުލުގައި ލުމަށާއި ނަށާ މީހުންގެ ފައިގައި އަޅައި އުޅުމަށް ބޭނުންކުރާ ގިގުނި (2) ވިހަ ގިގުނި ގަހުގެ ހިކިތޮޅި
ގިޓާ
ނ މިޔުޒިކު ކުޅެން ގެންގުޅޭ ނަރުފުރައިފައި ހުންނަ އާލަތެއް މީގައި ނަރުފުރައިފައި ހުންނަނީ މައިގަނޑުން ބޭރަށް ހުންނަ ދަނޑިއެއްގައެވެ ކަރަންޓުން ބޭނުންކުރާ ގިޓާއާއި އާދައިގެ ގިޓާހުރެއެވެ
ގުރުވަ
ނ މޫދުގައި އުޅޭ ވަރަށް ރީތި ފަރުމަހެއް މިމަހުގެ ދިގަށް ގަދަކުލައެއްގެ ރޮނގުތަކެއް ހުރެއެވެ
ގުލްހަޒާރުމާ
ނ ގުލްހަޒާރު ގަހުގައި އަޅާމާ މިމަލަކީ މީރުވަސް ދުވާ ހުދުމަލެކެވެ މީގެ ދެވައްތަރެއްގެ މާ ހުރެއެވެ
ގުލްއަލާ
ނ ދިގު ތަނޑެއްގައި ހުންނަ ބޮނޑި މަލެއްއަޅާ ގަހެއް މިގަސް ހެދެނީ އަސުރުމާ ގަހާ ދާދި އެއް އުސްމިނަކަށެވެ މިމަލުގެ ތަފާތު ކުލަކުލަ ހުރެއެވެ
ގޮށި
ނ (1) އެތެރެއަށް އެއްޗެހި އެޅޭގޮތަށް ނުވަތަ އެއްޗެހީގެ މަތިންޖެހޭ ގޮތަށް ފުލަށް ހިމަކޮށް ތޫރިކޮށް ހަދައިފައި ހުންނަ އެއްޗެއް މިތަފާތު އެއްޗިހިން ވަރުވަރަށް ހަދައިފައި ހުރެއެވެ މިސާލު: )ހ( ކަރުދާހުގޮށި )ށ( ބިޑިއަނބުރާގޮށި (2) މުކައްބަ
ގޮނޑި
ނ (1) އިށީނުމަށް ހަދައިފައި ހުންނަ އެއްޗެއް މި ތަފާތު އެއްޗެހިން ތަފާތު ވައްތަރު ވައްތަރަށް ހަދައިފައި ހުރެއެވެ (2) ބިއްސާއި އޮށާޅަ އާއި މުލިހި ފަދަ އެއްޗެހީގެ އަޑީގައި އުފެދިފައި ހުންނަ ހަރުބައި (3) ބައެއްކަހަލަ ގަސްގަހާގެހީގެ މައިމުލާ ގުޅުވައިގެން ބިމުގެ ތެރެޔަށް ފައިބާ ބައި މިސާލު: )ހ( މުރަނގަ ގޮނޑި )ށ( ފަޅޯ ގޮނޑި )ނ( މުޅާ ގޮނޑި (4) ބަނޑުއަޅައި ވިހާ ތަކެތީގެ އުރަމަތީގައި އުފެދިފައި ހުންނަ ހަރުބައި
ގޮޅާ
ނ ކަނޑުފަޅުގެ ތިލަ ހިސާބުގައި އުޅޭ ބޮލީގެ ބާވަތެއް މިއީ ތޮށިގަނޑު ބޯއެއްޗެކެވެ މީގެ ތަފާތު ވައްތަރުތައް ހުރެއެވެ މިއީ މަސްކާއެއްޗެކެވެ
ޏަމުޏަމުގަސް
ނ ބިލަމަގު ގަހާ ދާދި އެއްވަރަށް ހެދޭ ގަހެއް މި ގަހުގެ ފަތުގެ ނާރު ހުންނަނީ ފަތުގެ އެއްފަރާތަށް ބޮޑުކޮށެވެ ކޮންމެ ތަނޑެއްގައި ދެފަތް ހުރެއެވެ މިގަހުގެ ފަތަކީ ފެހިކުލައިގެ ބޯފަތެކެވެ ފަތުގައިލަނީ ފެން ރަހައެވެ
ސަނޯރާގަސް
ނ މިރިހިގަހުގެ ފަތާ ވައްތަރު ގޮތަކަށް އެއަށްވުރެ ތުނޑުތައް ބޮޑެތިކޮށް ފަތްހުންނަ ގަހެއް މިގަހުގެ ތިންވައްތަރެއް ހުރެއެވެ އެންމެ ގިނައިން ހުންނަނީ ވަރަށް މަޑުމަޑު ރީނދޫ ކުލައިގެ މަލެއްފޮޅޭ ވައްތަރެކެވެ
ސަބުދެލި
ނ ގަހެއްގައި އަޅާ ފޮނިމޭވާއެއް މި ދޮންވީމާ ފުށްގޮތެއް ހުރެއެވެ މީގެ ބޭރުތޮށި ހުންނަނީ ވިލާތު އަލުވީގެ ތޮށީގައި ހުންނަ ކުލަޔާ ގާތް ކުލައެއްގައެވެ
ސައިކުރާ
ނ ސައި ކައްކަން ބޭނުންކުރާ ކަންވާރެއް މިއީ ފެން އޮއްސުމަށް ވައްގަނޑެއް ލައިފައި ހުންނަ އެއްޗެކެވެ ހިފާނެ އުޅައްގަނޑެއްވެސް ހުރެއެވެ މީގެ މަތި ހުންނަނީ ނަގައިޖެހޭ ގޮތަށެވެ
ސައިމާ
ނ ފަތުގައި ތުނޑު ހުންނަ މެދުމިނަކަށް ހެދޭ ގަހެއްގައި އަޅާ ބޮޑުމަލެއް މީގެ އެކިވަރައްތަރު ހުރެއެވެ މިސާލު: )ހ( ކަރުލީ ސައިމާ )ށ( ބޮނޑި ސައިމާ
ސައިފަތް
ނ ސައިފަތް ގަހުގެ ފަތް. މިއީ ތިރިކޮށް ހެދޭ ގަހެއްގެ ފަތެވެ. މިފަތް ހޫނުފެނަށް އެޅުމުން ފެނުގައި ކުލަހިފައެވެ. މީގެ ދެކުލައެއް ހުރެއެވެ. އެއީ ރަތްކުލައާއި ފެހިކުލައެވެ. މިއީ ހޫނުފެނަށް އަޅައި ކުލައާއި ރަހަނެރެ ބޯންބޭނުންކުރާ އެއްޗެކެވެ މިގޮތަށް ތައްޔާރު ކޮށްފައި ހުންނަ އެއްޗިއްސަށް ކިޔަނީ ސައެވެ
ސައިފަތްގަސް
ނ އެގަހެއްގެ ފަތް ހޫނުފެނަށް އަޅައިގެން ބޯންބޭނުންކުރާ ގަހެއް މިގަހުގެ ފަތަށް ކިޔަނީ ސައިފަތެވެ މީގެ ދެވައްތަރެއް ހުރެއެވެ އެއް ވައްތަރެއް ހޫނު ފެނަށް އެޅީމާ ހުންނަނީ ރަތްކުލައެވެ އަނެއް ވައްތަރެއް ހޫނުފެނަށްއެޅީމާ ހުންނަނީ ފެހިކުލައެވެ ދުނިޔޭގައި އެންމެ ޢާންމުކޮށް ބޭނުންކުރެވެނީ ރަތްކުލައެވެ