radheef.info
ރަދީފު


ހުންނާ
ނ )ގ ( ރާއެރިން އެތުގައިލާ އެންމެ ކުޑަ ގުޑި
ފަރަށްމަސް
ނ އާންމުގޮތެއްގައި ފަރުފަރުގެ ތޮށިގަނޑާއި ވަރަށް ކައިރީގައި ބައިބަޔަށް އުޅޭ މަހެއް. މިމަހުގެ ތުން ހިބަރުގެ ތުންގަނޑާ ވައްތަރުވާނެއެވެ އަދި ނަގޫފަތުގެ ދެފަރާތުގައި ދެކަށި ހުންނާނެއެވެ
ފަރާތް
ނ (1) ކިބަ. މިސާލު : އޭނާގެ ފަރާތުން )އޭނާގެ ކިބައިން( (2) ފުށް. މިސާލު: މަންމަ ފަރާތުގެ ބޮޑުބޭބެ. )މައިފުށުގެ ބޮޑުބޭބެ( (3) ގަނޑުގެ އެފަރާތް ގަނޑުގެ މިފަރާތް. (4) ބިތް. މިސާލު: އަތޮޅުގެ އުތުރު ފަރާތުން ދަތުރުކުރާށެވެ. )އުތުރުބިތުން ދަތުރުކުރާށެވެ.( (5) ފަޅި މިސާލު: ޖަލްސާއަށް ދިޔަމީހުން އިށީނދެ ތިބީ ހޯލުގެ ވާތްފަރާތުގައެވެ )ވާތްފަޅީގައެވެ ( (6) މީހުންނާއި ކުލަބު ޖަމްޢިއްޔާ ފަދަ އެކުވިނަންތައް ގުޅުވައިގެން ބޭނުންކޮށް އުޅޭ ބަހެއް މިސާލު: މިކަމަށް އެދޭ ފަރާތްތަކުން
ފަރުމާނުމަންދޭލަ
ނ ހަމަރިޔާ ނަގާއެއްޗެހީގެ މައިރިޔާ ނެގުމަށް ހަންޖަލަށް ލުއިކޮށް ދިނުމަށް އަރަލުގެ މެދުގައި ޖަހައިފައި ހުންނަ ދެރޯޒުގެވާ މިހުންނާނީ ދެފުރޮޅުލީ ދެކައްޕި ގުޅައިފައެވެ ބޮއްކުރާ ނަގަނީވެސް މަންދޭލުންނެވެ
ފަރުތޮޅި
ނ ކަނޑުއޮޅިތަކުގެ އަނގަމަތީ ގައްޔާއި އެތެރެވަރީގެ ދެފެން ދޭތެރެއާއި ފެންމަތީގައި އުޅޭ ތުންދިގު ހިމަދިގު މަހެއް މިތޮޅި މާތޮޅިޔަށްވުރެ ބޮޑު ވާނެއެވެ އަނގައިގައި ވަރަށް ގިނައިން ދަތް ހުންނާނެއެވެ
ފައިހައްވަ
ނ ރާކަނީގެ ބާވަތެއް މީގެ ފައިތައް ހުންނާނީ އެއްފަރާތަށް ލެނބިފައެވެ
ފައިހަމަކުރުން
މ (1) މީހުންނާއެކު ހިނގާއިރު ފައި އެއްވަރުކުރުން (2) މަޖާޒު: އަނެކަކާ އެއް ހަމައެއްގައި އުޅެވޭވަރު ކުރުން
ފައިންޕުޅުދުށުން
މ މާތް މީހުންނާ ބައްދަލުކުރުން
ފައިވައް
އޮޑިދޯނި ފަހަރުގެ ވަތް ވަތުގައި މަޑޫތައް ހިފެހެއްޓުމަށް އެތެރެ ފަރާތުން ބަނޑުފިލައިގައި ލަކުޑިން އަޅާ އެއްޗެހި މިހުންނާނީ ބުޑުވަކަށް ވުރެކުރުކޮށެވެ
ފައްތުފިލާ
ނ އޮޑިދޯނި ފަހަރުގެ ބޮޑު ފަށްގަނޑުގެ ފަހަތު ކޮޅުގައި އަރިބިތަށް ހުރަހަށް ހަރުކުރާ ފިލާ މި ފިލާ ހުންނާނީ ހީރާންސި ފިލާގެ ދަށުގައެވެ
ފަލީތާލުން
މ (1) ފަލީތާ ހަރުކުރުން ނުވަތަ ގުޅުން (2) މަޖާޒު: ކަމެއް ކުރުމަށްޓަކައި މީހަކާ ނުވަތަ ބަޔަކު މީހުންނާ ގުޅައިގެން އެކަމެއްވޭތޯ ބަލަން އެތަނަކަށް ގިނަގިނައިން ގޮސް އުޅުން (3) ކަމެއް ނުބައި ކުރުމަށް މީހެއްގެ ގާތުގައި ވާހަކަތަކެއް ދައްކައިފައި ނުދެނުހުރި ކަމަށް ހަދައިގެން ހުރުން
ފަސްމީރުކޭން
ނ 7671 މ. ހާތާނގައި ކައްކައި އުޅުނު ކޭމެއް. މި ކޭމުގައި ހުންނާނީ 5 ތަށި ފޮނިރިހަ 5 ތަށި ދިޔާރިހަ )ތަފާތުކޮށް( ތެލުލިމަސް ލޮނު ހަކުރު ކިރު )ފޮނިކޮށް ކައްކައިފައި ހުންނަ( ގިތެޔޮ ބިސްގަނޑު ކަލިޔާ ހަލުވާ ޒިލޭބި ފެންފޮޅި މިއީ މުޅިކޭމުގެ މަތި ނިވާވާ ވަރަށް އަޅާ ފޮޅިއެކެވެ
ފަސްލޭންބައްތި
ނ ކުރު ފުޅިއެއްގެ ތެރެއަށް ތެޔޮއަޅައި އެފުޅީގެ މަތީގައި ތުނބެއް ޖަހައި އެ ތުނބުގައި މެދަށް ފަލަކޮށް ހުންނަ ދިގުބިއްލޫރި ހޮޅިއެއް ޖަހައިފައި ހުންނަ ދިއްލާ އެއްޗެއް މިހުންނާނީ ދުނިގަނޑަކަށް ލައްވައިފައި އެލުވޭ ގޮތަށެވެ
ފަޓުލޫނު
ނ ދެފަޔަށް ވަކިން މެހިފައިއުނަގަނޑަށް ހިފެހެއްޓިފައި ހުންނަ ގޮތަށް ފަހައިފައި ހުންނަ ފޭރާމެއް މީގެ ދެފަރާތު ގައްޔާއި ފުރަގަހުގައި ތަފާތު ގޮތްގޮތަށް ޖީބުލައިފައި ހުރެއެވެ ގޮށްފޮތި ހުންނާނީ ކުރިމަތީގައެވެ
ފަޗިސްކުޅިބައި
ނ ރާޒުވާ ފަދައިން ލިޔެލާ ޖަހައިފައި ހުންނަ ގޮޓިއޭ ކިޔާ ކުޅިތަކެއް މި ހުންނާނީ ހަތަރު ކުލައިގައެވެ ދެން އޮންނާނީ އެތެރެއަށް ތިމަރަ އަޅައިފައި އޮންނަ ރިހާކުރުބޮލީގެ ކުދިވަރުގެ ހަ ބޮއްޔެވެ
ފާ
ނ (1) ކުއްޅަވަކާއި ކަނޑޫ ފަދަ ތަކެތި ހެދިފައި ހުންނަ ތަންތަން. (2) ބޮނބި މަޑުކުރަން އަޅާފައި ހުންނަ ތަންތަން. މިތަންތާނގައި ހުންނާނީ ފެން ހެދިފައެވެ. (3) ދަނޑި މޫދު އަޅާފައި ހުންނަ ތަންތަން. (4) އަށްހިޔަބޮލި (5) މޭވާ ފަދަ ތަކެތި ދޮންވެ ފައްކާވެގެން ގޮސް ވާ މަޑު. (6) ވިހައިގެން އުޅޭ މީހުންނަށް ހިލާ ބޭހެއް. (7) ކައިރި ހިސާބެއްގައި ކުނިބުނި ވަޅުލެވިފައި ހުރުމުގެ ސަބަބުން ނުވަތަ ގިނައިން ފެން ނެގުމުގެ ސަބަބުން ބައެއް ވަޅު ވަޅުގެ ފެން ގަނޑަށް އަންނަ ބަދަލު (8) ހަށިގަނޑުގެ ތަނަކަށް ހާނީއްކައެއް ލިބި އެތާނގެ ލޭ ނުބައިވުމުގެ ސަބަބުން ވާމަޑު
ފާނޫޒު
ނ ކަރާސީނު ތެޔޮ އަޅައިގެން ދިއްލާ ފަތި ފީތާއެއްލައިފައި ހުންނަ ބައްތިއެއް މިބައްތީގެ ހޮޅި ހުންނާނީ ވަށްކޮށް ނަރު ދުނިގަނޑެއްގެ ތެރޭގައެވެ
ފާރުދޮށުކޭން
ނ އިހުގައި ބޮޑުފާރުދޮށް ނޮޅާމީހުނަށް ގެންދާ ކޭން. މިކޭމުގައި ހުންނާނީ ބަތާއި ހަނާކުރިމަހާއި ލޮނުލުނބޮޔާއި އުއްސަކުރެވެ
ފާރޮށިއުނދުން
ނ ފާރޮށިފަދަ ތަކެތި ފިހަން ބޭނުންކުރާ އުނދުން. މިއީ ވައި ނުވަންނާނޭހެން ހޫނުކަން ހިފެހެއްޓި ހުންނާނޭގޮތަށް ދުން ބޭރުކުރާ ހޮޅިއަކާއެކު ރާނައިފައި ހުންނަ ތަނެކެވެ
ފާޅަ
ނ ފެންފޯޢްރުކުގެ ފަނުގެ ތިރީބައި މިބައިހުންނާނީ ރުކުގައި ހިފާފައެވެ ފަން ދޮންވެގެން ވެއްޓޭއިރު ވެއްޓޭނީ މިބަޔާއެކުގައެވެ
ފެންވަޅު
ނ ފެން ބޭނުން ކުރުމަށްޓަކައި ބިންގަނޑު ކޮނެ ފެނުތެރޭގައި ބައެއް ހުންނާނޭހެން ރާނައިފައި ނުވަތަ އެނޫންވެސް ގޮތަކަށް ތައްޔާރުކޮށްފައި ހުންނަތަން