radheef.info
ރަދީފު


ހީ
ނ (1) ޝައްކު (2) ކަށަވަރުކަމެއްނެތި ހިތަށްއަރާ އެއްޗެހި (3) ފިނިކަމުން ހަށިގަނޑަށް ލިބޭ އުނދަގޫ
ފާޓުލުން
މ ރިޔަލާއި ސަތަރި ފަދަ އެއްޗެހީގައި ފާޓެއް ގުޅުން
)ފުށޮޅިފަރާތް( ފިށަތްބިތް
ނ )ޏ ސ ( ވަޅިފަދަ އެއްޗެހީގެ ތޫނު ނޫން ފަރާތް
ފިނދު
ނ (1) އާދަމުގެ ދަރިންނާއި ޖަނަވާރާއި ދޫނި ސޫފާސޫފީގެ ބޮޑުކަމު ނަޖިސް ނުކުންނަ ދޮރާއި ކުޑަކަމު ނަޖިސް ނުކުންނަ ދޮރު. (2) ތެލަނގަ އާއި މަޑިފަދަ އެއްޗެހީގެ ފަހަތުކޮޅުގައި ގުޅާނަގޫ. (3) އިންސާނުންނާއި ޖަނަވާރުގެ ފިނދުމަސްގަނޑު. (4) އެއްލާގުޑީގެ ތެރޭގައި ހިމެނޭ ވާލުގެ ފަހަތުކޮޅުން ދެފަޅިއަށް ފަޅައިފައި ހުންނަތަން. (5) ކުކުޅު ހާލާއި ދޫނީގެ ފިނދުފަތްގަނޑު.
ފިތް
ނ (1) އާދަމުގެ ދަރިންނާ ކުކުޅުހާފަދަ ބައެއް އެއްޗެހީގެ އެތެރެ ހަށީގައި އޮންނަ ވަރަށް ކުޑަ ގުނަވަނެއް. މިއީ ހަޖަމު ކުރުމުގެ ދިޔަ އުފައްދާ ގުނަވަނެވެ. (2) ބައެއް ތަކެތި ހަދައިފައި ހުންނައިރު އެއްސިފަޔަށް އުފުލިފައި ހުންނަހެން ހަދައިފައި ހުންނަ ތަންތަން. މިސާލު: ގޯނބިލިފުޅީގެ ފިތް. (3) ކެވޭ އެއްޗަކުން ނުވަތަ އެހެންވެސް ގޮތަކުން ގައިގެ ތަންތަނުން އުފުލޭ ތަންތަން. (4) ލުނބޯ ފޮނިލުނބޯ ފަދަ އެއްޗެހީގެ އެތެރޭގައި ބައިބައި ވަކިކޮށް ނެގެން ހުންނަ ބައިތަކުން ބައެއް. (5) މިޔުޒިކް ކުޅެން ގެންގުޅޭ ބައެއް އެއްޗެހީގައްޔާއި ރޭޑިޔޯގައި ހުންނަ ބައިތަކުން ބައެއް. (6) ބައިސްކަލް ޗޭނާއި ގަޑީ ޗޭނާއި ކަމަރުފަދަ ތަކެތީގެ ބަދައެއް. (7) ފިތްޖެހި ތެލީގައި ހުންނަ ކޮންމެ އަޑިތަނެއް. (8) ފުމެން ގެންގުޅޭ ދުންމާރީގެ ކޮޅަށް ފަނުން ނުވަތަ އެނޫންވެސް އެއްޗަކުން ހަދައިގެން ޖަހައިފައި ހުންނަ އެތިކޮޅު
ފިތްނެގުން
މ (1) ހަށިގަނޑުގެ ތަންތާގައި ބައެއް ޒާތުގެ އެއްޗެހި ހެފީމާ އެ ތަނެއް ދުޅަވުން. (2) މީހެއްގެ ނުވަތަ ކުއްޖެއްގެ ގައިގައި އިލޮށި ފަތިން ނުވަތަ އިލޮއްޓަކުން އަދި ނުވަތަ އެއްތެޔޮ ގަނޑެއް ފަދަ ހިމަ އެއްޗަކުން ޖެހީމާ އެތަނެއް އުފުލުން (3) ވިހައެއްގެ ސަބަބުން ނުވަތަ ބައްޔެއްގެ ސަބަބުން ހިރުވައިފައި ނުވަތަ ނުހިރުވާ ހަށިގަނޑުގެ ތަންތަންކޮޅު އުފުލުން
ފިލާޖެހުން
މ ބިތާއި އަލަމާރި އާއި ދޮރުފަތް ފަދަ އެއްޗެހީގައި ފިލާ ހަރުކުރުން
ފިލި
ނ (1) އަކުރުގެ އަޑުނެރޭގޮތް އޮޅުން ފިލުވައިދިނުމަށް ޖަހާ ނިޝާން. މިސާލު: އަބަފިލި އިބިފިލި (2) ގަހެއްގެ ނަން (3) ފުރޯދަނޑިއާއި ވަޑާން ކައްޓާއި ކޮށާވަޅި ފަދަ އެއްޗެހީގެ މުށްގަނޑުގައި ދަގަނޑުން ނުވަތަ ލޮއިން އަޅައިފައި ހުންނަ ބަންދު (4) އެންހިފާއިރު ދަލުތެރެއަށް ޖަހަން ފިލިމަހުން ކަހައިފައި ހުންނަ މަސް (5) ފަރު ކެޔޮޅުކަމުގައި މަސްތިލަ ކުރުމަށް އުކާ ކަރުގޮހޮރު ފަދަ ތަކެތި (6) "ފިލުން" މިބަހުގެ ނިމިނިމުނުކަން މަޖާޒު: (7) ރިޝްވަތު (8) ކަމެއް ކުރުވުމަށް ބާޜުއެޅުވުމުގެ ގޮތުންދޭ އެއްޗެހި
ފިލިއެޅުން
މ ވަޅި ފުރޯ ފަދަ އެއްޗެހީގެ ތިލަ ހިފެހެއްޓުމަށާއި މުށްގަނޑު ނުވަތަ ދަނޑިފެޅުނަ ނުދިނުމަށްޓަކައި މަޢުދަނަކުން ހަދައިފައިވާ ބަންދެއް އެޅުން
ފިލީގައިޖެހުން
މ (1) އެންހިފާއިރު ފިލިޖެހީމާ އެންތައް އައިސް ފިލިކާން ފެށުން (2) މަޖާޒު: ފަބިއައްޔީގައި ޖެހުން
ފިޔަ
ނ (1) އުދުހޭ އެއްޗެހީގެ ވަރަ. (2) މާމެލާމެލީގައި ކަރުގަނޑުގެ ވަށައިގެން ބޭރަށް ނުކުމެފައި ހުންނަ ބައިތައް. (3) ފަންކާއާއި ބުރަފަތި ފަދަ ތަކެތީގައި ހިމަދިގުކޮށް ނުވަތަ ކުރުފަލަކޮށް ވަށައިގެން ބޭރަށް ނުކުމެފައިވާ ވައިފޮނުވައިދޭ ނުވަތަ ފެނުތެރޭ އަނބުރައިދޭ ބައި މިފަދަ ތަކެތީގައި ޢާއްމު ގޮތެއްގައި ހުންނާނީ ތިންފިޔައެވެ (4) ފިޔަ އަކުން ނައްޓައިލެވޭ ފަށް
ފިޔަބިނދުން
މ (1) ފިޔަ ހުންނަ އެއްޗެހީގެ ފިޔަ މުގުރުން (2) މަޖާޒު: ކަމެއް ކުރެވޭނެ ގޮތެއް ނެތުން
ފިޔައިގެ ވައިހުސްވުން
މ މަޖާޒު ވެރިޔެއްގެ ނުވަތަ ސާހިބެއްގެ އެހީން ބޭރުވުން
ފިޔަފަތް
ނ (1) އުދުހޭ އެއްޗެހީގެ ވަރަ (2) ފަންކާއާއި ބުރަފަތި ފަދަ ތަކެތީގައި ނުވަތަ ފެނުގައި އަޅައިގަންނަ ގޮތަށް ހުންނަ ބައިތަކުގެ ތެރެއިން ބައެއް (3) މަތިންދާ ބޯޓުގެ ދެއަރިމައްޗަށް ނެރެފައި ހުންނަބައި
ފިޔަދިގުވުން
ނ (1) ދޫނި ސޫފާސޫފީގެ ފިޔަފަޅައިގެން އުދުހޭ ވަރުވުން (2) ފިޔަ ކޮށައިފައި ހުންނަ އެއްޗެހީގެ ފިޔަފަޅައިގެން އުދުހެވޭ ވަރުވުން
ފިޔަގަނޑު ކަކުނި
ނ އެއްދަތްގަނޑު ބޮޑުކޮށް ހުންނަ ކަކުނި. މި ކަކުނި ދުވާއިރު އެ ދަތްގަނޑު އުފުލާނެއެވެ ހީވާނީ ރަތްކުލައިގެ ފިޔަގަނޑެއް ހެންނެވެ
ފިޔަޖެހުން
މ (1) ދޫނި ސޫފާސޫފި އުދުހޭ އިރު ދެފިޔައިން ޙަރަކާތްކުރުން (2) ތަރި ނިވިނިވިފައި ދިއްލޭހެން ހީވުން
ފީހުން
ނ މަޑުގޮތަކަށް އަންނަ ހުމެއް މިހުމުގައި ކުޑަކުޑަކޮށް ހީކެރުވުމެއް ހުންނާނެއެވެ
ފީކަރުބެއްދުން
މ މިޔަރުފަދަ އެއްޗެހީގެ ކަންފަތްގަނޑުގެ ދަށުން ވާ ބެއްދުން
ފުށްގަހުގުރާ
ނ (1) ޑިންޑިން ކޮވެލި ފާޑަށް އިންނަ އެއަށްވުރެ ކުޑަ އެއްގަމު ދޫންޏެއް (2) މަޖާޒު: މާގިނައިން ފުށްޖަހައިފައި ތިބޭ މީހުންނަށް މަލާމާތުގެ ގޮތުން ބުނެއުޅޭ ބަހެއް މިސާލު: ހީވަނީ ފުށްގަހު ގުރައެއް ހެންނެވެ (3) ސަމައްތަރު ހެޔޮ ޗާލު އަންހެން ކުއްޖެއްގެ ރީތިކަން ބަޔާން ކުރުމަށް ބޭނުންކުރާ ބަހެއް
ފުރެއްދެލަވަ
ނ ހިންދުސްތާނު ލަވައެކޭ ހީވާގޮތަށް އިހުގައި ހަދާފައި ހުންނަ ލަވަ