radheef.info
ރަދީފު


ހަދަ
ނ )ސ ( ފުފޭ
މަޤާމްފުޅު
ނ ރަސޫލު ބޭކަލުންނާ ނަބީބޭކަލުންނާ ވަލީވެރި ބޭކަލުންގެ އަސަރުފެނިގެން ނުވަތަ އެބޭކަލުންގެ ހަނދާނުގައި ހަދައިފައިވާ ތަންތަނަށް މަތިވެރި ކުރުމުގެ ގޮތުން ކިޔާއުޅޭ ނަމެއް މިސާލު: އިބްރާހީމުގެފާނުގެ މަޤާމުފުޅު ތަބުރޭޒުގެ ފާނުގެމަގާމުފުޅު
މާހެފުން
ނ ރޯދައަށް ކުރިމަތިކޮށް އެމަސްފެށުމުގެ ކުރިން އެމަހުގެ ފުރަތަމަ ދުވަހާއި ގާތްދުވަހެއްގައި ޖަމާޢަތް ހަދައިގެން މާހެފުމުގެ ނަމުގައި ކާ ކެއުން )އިހުޒަމާނުގައި މިކަންކޮށް އުޅެނީ ޝަޢުބާންމަހު 92 ވަނަދުވަހުއެވެ
މާނަބެރު
ނ (1) އެއްބެރަށްވުރެ ގިނަބެރު ޖަހާއިރު ފުނަބެރު ފިޔަވާ ދެން ހުންނަ ބެރު (2) މާނަބެރު ޖަހަން ހަދައިފައި ހުންނަ ބެރު
މާރަނގަފިލާގަނޑު
ނ މާރަނގަ ކުރަނގިފަދަ ދޫނި ބައިތިއްބުމަށްޓަކައި ހަދައިފައި ހުންނަ ފިލާގަނޑު މިފިލާގަނޑު ހަރުކޮށްފައި ހުންނާނީ ކޮޅަށް ޖަހައިފައި ހުންނަ ދަނޑިއެއްގެ ކުރީގައެވެ
މާދާ
ނ އޮޑިދޯނި ފަހަރުގައި ހުންގާނު އެޅުވުމަށް ހުންގާނާއި މައްޔަލުގައި ލޮއިން ހަދައި ހަރުކޮށްފައި ހުންނަ ބައި
މާލޯފާނު
ނ (1) ލޯމާފާނު (2) ރަދުންގެ އަމުރުފުޅުތަކާއި ތާރީޚީ ވާހަކަތައް ލިއުމަށް ލޮއިން ނުވަތަ އެނޫންވެސް ވިރިކެކޭ މަޢުދަނަކުން ހަދައިފައިހުންނަ ހަނިދިގު ފޮތިތަކެއް
މާގަނޑު
ނ (1) ރާނބާގަސް ކަނދޮޅުގަސް ފަދަގަސް ގަހުގައި އަންނަ މައު. (2) އިހުޒަމާނުގައި ބައެއް މީހުން ލައިއެޅުނު ހަރުވާޅުގެ ދާގަނޑުގެ ކޮޅުގައި ނުވަތަ މުންޑުގެމަތިން އައްސާ ރޮދިގަނޑުގެ ކޮޅުގައި ފަށުވިން ނުވަތަ އުއިން ނުވަތަ އެފަދަ އެހެން އެއްޗަކުން ވައްކޮށް ނުވަތަ އެހެންވެސް ސިފައަކަށް ހަދާހަރުކޮށްފައި އޮންނަ އެތި. (3) ފެން ވެރުމަށްޓަކައި ފެން އިސްކުރުދޫކޮށްލުމުން ފެންދޭ އެއްޗެހިން ފެންފައިބާގޮތަށް ފެން އަންނާނެހެން ހަދައި މަތީގައި ހަރުކޮށްފައި ހުންނަ އެއްޗެއް. (4) ގާއޮޑިލަވަ ލަނގިރި ދަނޑިޖެހުން ފަދަ ކުޅިވަރު ކުޅޭއިރު ގެންގުޅޭ ދަނޑީގެ ކޮޅުގައްޔާއި ދުންކުނި އަނބުރާ ދަނޑީގެ ކޮޅުގާ ފޮތިން ނުވަތަ އުއިން ނުވަތަ ކަރުދާހުން ވައްކޮށް ނުވަތަ އެހެންވެސް ސިފައަކަށް ހަދައި ހަރުކޮށްފައި އޮންނައެތި (5) މޫދުމާގަނޑު (6) ބައެއްމީހުން ރީއްޗަކަށް ބައިސްކަލުގެ ފުރޮޅުގެ ބޫސް ދަގަނޑަށް މަހާލައިގެން ބޭނުންކުރާ އެއްޗެއް މިހަދައިފައި އޮންނާނީ ވައްކޮށް ދެތިންކުލަ އެކުލެވޭ ގޮތަށެވެ
މާގަސް
ނ (1) މޭވާއެއްނާޅާ ހަމައެކަނި މާ އަޅާގަސް (2) މާގަހާ އެއްގޮތަށް ހަދައިފައި ހުންނަގަސް
މާޖަހާއެތި
ނ ޒީނަތްތެރި ކުރުމުގެ ގޮތުން މާޖަހަންހަދައިފައި ހުންނަ އެތި. މި ތަފާތު އެއްޗެހިން ތަފާތުގޮތްގޮތަށް ހަދައިފައިހުރެއެވެ
މިނާ
ނ (1) ބިއްލޫރިއާއި ތަށިމުށިފަދަ ތަކެތީން ކުދިކޮށް އޮށްތަކެއްހެން ހަދައިފައި އެމުނޭގޮތަށް މެދުގައި ލޯވަޅެއް އަޅާފައި ހުންނަ އެއްޗެއް (2) މައްކާގެ ވަކި ހިސާބެއް (3) ބދ މިންވަރު
މިސްކިތް
ނ މުސްލިމުން އަޅުކަން ކުރުމަށް ހަދައިފައިވާ ތަންތަން
މިސްކިތްފޮށި
ނ (1) މިސްކިތުގައި ހުންނަ ފޮތާއި ޚަތިމުތައްލާފޮށި (2) ހަތަރުފުރާޅަށް ހިޔާކޮށްފައި ހުންނަ ގެއެއްހެން މަތިގަނޑު ހަދައިފައި ހުންނަ ފޮށި
މިޔާނގުދަޅު
ނ މިޔާގުން ހަދައިފައި ހުންނަ ދަޅު
މުށި
ނ (1) ރަތްކުލައާއި އަޅިކުލައާ އެއްވީމާ ނިކުންނަ ކުލަތައް (2) އަތްކަންކުރާ މީހުން ރަންރިހިތަޅަން ގެންގުޅޭއެތި (3) ބިންމަތީގައި ގޮޅި ގޮޅިއަށް ރޮނގު )މުށިގެ( އަޅައިގެން ކުޑަކުދިން ކުޅޭ ކުޅިވަރެއް (4) ތަވައާއި ފުފޭފަދަ އެއްޗެހި ހެދުމަށް ކޯރު ކިސަޑުން ހަދާއެއްޗެއް (5) ގަސްއިންދުމަށް ހަދައިފައި ހުންނަ އެއްޗެހި (6) އެއްޗެހި ދޮންނަން ހަދައިފައި ހުންނަ މުށިގަނޑު
މުށިވަޅު
ނ ވިރިކެކޭ އެއްޗެހިން ހަދައިފައި ހުންނަ ބައެއް ތަކެތީގައި ޖަހައިފައި ހުންނަ ފިތްވަޅު
މުށިތަށި
ނ ތަށިމުށިން ހަދައިފައި ހުންނަތަށި
މުށިގަނޑު
ނ (1) ގަސް އިންދުމަށް ހަދައިފައި ހުންނަ އެއްޗެހި (2) އެއްޗެހި ދޮންނަން ހަދައިފައި ހުންނަ މުށި (3) ހަލާކުވެފައި އޮންނަ މުށީގެ އެތި ގަނޑެއް
މުށްގަނޑު
ނ އެއްޗެހީގައި ހިފަން ހަދައިފައި ހުންނަތަން މިސާލު: ހަނދީގެ މުށްގަނޑު ވަޑާން ކަށީގެ މުށްގަނޑު
މުންނާރު
ނ ބަންގީގެ އަޑު ދުރަށް އިއްވުމަށްޓަކައި މިސްކިތާ ގުޅިގެން ނުވަތަ ކައިރީގައި އުސްކޮށް ހަދައިފައި ހުންނަ ތަންތަން
މުރުސަލު
ނ ރަސްރަސްކަލުންގެ ޢިއްޒަތުގެ ތެރޭގައި ގެންގުޅެވޭ ޚާއްޞަ އެއްޗެއް މިއީ ސާމަރާދޫނީގެ ފަތާއި ކެނދިފަށުއިފަދަ އެއްޗެހިން ހަދައިފައި ހުންނަ އެއްޗެކެވެ މީގެ ބޭނުމަކީ މެހި ފޮޅުމެވެ. މިއަށް ހުންނާނީ މީރުވަސްދުވާ އަތަރު ޖަހައިފައެވެ.