radheef.info
ރަދީފު


ބަ
އ އައްބަ
ފުރިހަމަ
ނއ (1) ހުރިހާ ގޮތަކުން ރަނގަޅު (2) އެއްވެސް އުނިކަމެއް އައިބެއްނެތް (3) ފައްކާ (4) ހުރިހާކަމެއް ފުދިފައިވާ (5) އެއްޗެއް ނުވަތަ ކަމެއް ދާންވީ އެންމެ ރަނގަޅު ހިސާބަށް ދާދިއުން
ފުރިހަމަކަން
ނއނ (1) ހުރިހާ ގޮތަކުން ރަނގަޅުކަން. (2) އެއްވެސް އުނިކަމެއް އައިބެއް ނެތްކަން (3) ފައްކާވެފައިވާކަން (4) ކަމަކުން އަވަދިވެފައިވާކަން (5) ހުރިހާ ކަމެއް ފުދިފައިވާކަން (6) އެއްޗެއް ނުވަތަ ކަމެއް ދާންވީ އެންމެ ރަނގަޅު ހިސާބަށް ގޮސްފައިވާކަން
ފުރިހަމަކުރުން
މ (1) އެއްވެސް ކަހަލަ އުނިކަމެއް ނުހުންނާނޭ ގޮތްހެދުން (2) ހުރިހާ ގޮތަކުން ރަނގަޅުކުރުން (3) ފައްކާކުރުން (4) ކަމެއް މުޅިން ނިންމުން (5) ހުރިހާ ކަމެއް ފުދޭނޭގޮތް ހެދުން (6) އެއްޗެއް ނުވަތަ ކަމެއް ދާންވީ އެންމެ ރަނގަޅު ހިސާބަކަށް ގެންދިއުން
ފުރިހަމަޞިއްޙަތު
ނ ބަލިތަކާއި ރޯގާތަކުން ސަލާމަތްވެފައިވުން
ފުރިފައިހުރި ބަނޑިޔަލެއް ގުޑުގުޑެއްނާޅާނެ
)މުސްކުޅިބަހެއް( ފުރިފައިހުރި އެއްޗެއް ގުޑުގުޑެއް ނާޅާނެ
ފުރިފައިހުރި އެއްޗެއް ގުޑުގުޑެއްނާޅާނެ
)މުސްކުޅިބަހެއް( ސާބިތު ހިތެއްގެ ވެރިޔަކު މީހަކު ބުނާހާ ބަހަކަށް ނުވަތަ މީހަކު ކުރާހާ ކަމަކަށް ނުހެއްލޭނެކަން އެންގުމުގެ ގޮތުން ބުނެއުޅޭ ބަހެއް
ފުރުން
މ (1) އުޅަނދެއްގައި ދަތުރަށް ފެށުން. (2) އެއްޗެއްގެ ތެރެއަށް އެއްޗެހިތަކެއް އަޅައި މައްޗާއި ހަމަކުރުން. (3) އެއްޗަކަށް ވެލި ނުވަތަ ފެން އޮއްސުން. (4) ވަކި ތަރުތީބަކުން ފަށްތަކެއް ދެމުން. މިސާލު: އުއި ފުރުން ރޯނުފުރުން އެއްތެޔޮ ފުރުން (5) އެއްޗެއްގައި ލިޔަންވީ ވަރަށް ލިޔެ ނިންމުން މިސާލު: ފޯމު ފުރުން (6) އެއްޗެއްގައި އިތުރަށް ލިޔާނެ ތަނެއް ނޯންނަ ވަރަށް ލިޔެ ނިންމުން (7) ހުސްތަން ނެތުން (8) ހުސްޖާގައެއް ނެތުން
ފުރުއްވުން
މ (1) "ފުރުން" މިބަހުގެ 1 ވަނަ މާނައިގެ މާތްގޮތް. މިސާލު: ދޮންމަނިކު ޙައްޖަށް ފުރުއްވައިފި. (2) "ފުރުން" މިބަހުގެ 2 3 4 5 ވަނަ މާނައިގެ މާތްގޮތާއި އެންމެ މާތްގޮތް
ފުރުވާލުން
މ (1) ދަތުރު އެރެހެއްޓުން (2) ތަނަކަށް ދިއުމަށް ދަތުރު ކުރަން ބޭނުންވާމީހާ އެތަނަކަށް ދެވޭނެމަގު ތަނަސްކޮށްދީ ދަތުރަށް ފަށްޓުވައި ދިނުން (3) ތަނަކަށް ދަތުރު ކުރަން އުޅޭ އުޅަނދުގެ ދަތުރަށް ބޭނުންވާ ހުރިހާކަމެއް ހަމަޖައްސުވައިދީ ދަތުރު ފައްޓުވައި ދިނުން (4) ބޮނބި އޮޑިއާއި ކަނދުދޯންޏާއި ބޮނބިގަނޑެއް ފަދައެއްޗެއް ދަތުރު ކޮށް ފައިދާން ދޫކޮށްލުން (5) ބައްސާލުން މިބަހުގެ 1 ވަނަ މާނަ ބަލާ!
ފުރުވުން
މ "ފުރުން" މިބަސް ކުރުވުމުގެ މާނައިގައި ބޭނުންކުރާގޮތް
ފުރެންދުން
މ )ބދ ( (1) ބަދަލުކުރުން (2) ނެތިކުރުން
ފުރެއްދެބަސް
ނ ބޭރު ބަސް
ފުރޭ
ނ (1) "ފުރުން" މިބަހުގެ ވާކަން (2) )ޏ( ފުރޯ
ފުރޭނި
ނ (1) ދިޔާއެއްޗެއްސާއި ހިކި ތަކެތީގެ ރާޅު ބައި ނުވަތަ ކަމުނުދާ ބައި ވަކިކުރުމަށް ލޯވަޅުތަކެއް ހުންނަ ގޮތަށް ހަދައިފައި ހުންނަ އެއްޗެއް. މިސާލު: ސައި ފުރޭނި ފުށް ފުރޭނި (2) "ފުރޭނުން" މިބަހުގެ ނިމިނިމުނުކަން
ފުރޭނުން
މ (1) ދިޔާ އެއްޗިއްސާއި ހިކިތަކެތި ފުރޭންޏަށް ނުވަތަ އެފަދަ އެއްޗަކަށް އަޅައިގެން ރާޅުބަޔާއި ހިމުން ބައި ވަކިކުރުން. (2) ދިޔާ އެއްޗިއްސާއި ހިކިތަކެތި ފުރޭންޏަށް ނުވަތަ އެފަދަ އެއްޗަކަށް އަޅައިގެން ކަމުދާ ބަޔާއި ކަމުނުދާ ތަކެތި ވަކިކުރުން. (3) މީހުންތަކެއް ނުވަތައެއްޗެހި ތަކެއްގެ ތެރެއިން ވަކިބަޔެއް ހޮވައި ވަކިކުރުން (4) ބައެއްގެ ތެރެއިން ފޭދިގެން ގޮސް އެބަޔަކާ ވަކިވުން
ފުރޭތަ
ނ (1) އެކިސިފަސިފައިފައިގައި އެކިތަންތަނުން ފެންނަކަމަށް ބުނާ ބިރުވެރި އެއްޗެހި (2) ދެވި (3) މަޖާޒު: ނުބައި ނުލަފާ މީހުން
ފުރޭތަހިފުން
މ މަޖާޒު: ކުއްޖެއްގެ ނުވަތަ މީހެއްގެ ކިބައިގައި ވިޔާނުދާ ނުބައި ސިފަތަކެއް އަށަގަތުން މިސާލު: އޭނާ މިހާރު އެހެރީ ފުރޭތަ ހިފާފައެވެ އޭނާ އެހެރީ ނަޞޭޙަތުން އަރާފައެވެ
ފުރޭތަހެދުން
މ ފުރޭތަޔަކަށް ހެދިގެން އުޅުން (2) މަޖާޒު: ނުބައި ނުލަފާވެގެން އުޅުން
ފުރޭތައެރުން
މ ކަނޑުން އަރާކަމަށްބުނާ ނުބައި ސިފަސިފައިގައި ހުންނަ އެއްޗެހި ހިކިފަސް ތަނަކަށް އައުން
ފުރޮޅިލުން
މ (1) އޮށޯވެއޮތްމީހަކު އެއްފަރާތުން އަނެއްފަރާތަށް ބަދަލުވުން (2) ގުޅަމަތި ހިފުމުގެ ތެރޭގައި ކޯމަހު ފުރޮޅިއަށް ޙަރަކާތްކުރުން