radheef.info
ރަދީފު


ރި
ނ (1) ފައްސަތޭކަ ފުށްބޮލި (2) ސަތޭކަ އަގި
ތެލިގިރާފު
ނ އެކިއެކި ހިސާބަށް ދަމައިފައިހުންނަ ނަރަށް އިލެކްޓްރިކު ފޮނުވައިގެން ދުރުގައި ހުރިމީހަކަށް ވަކިކަހަލަ ނިޝާން ތަކަކުން މެސެޖު ފޮނުވައިދޭ ވަސީލަތް ނުވަތަ އެކަންކުރަން ގެންގުޅޭ މެޝިން
ތެލުލިރިހާކުރު
ނ ރިހާކުރުގެ ތެރެއަށް މިރުހާއި ފިޔަޔާއި ހިކަނދިފަތާއި ރާނބާފަތާއި އިނގުރު އަޅައި ކުޑަތެޔޮފޮދެއްގައި ކައްކައިފައިހުންނަ ރިހާކުރު
ތެޔޮހާނާގެރި
ނ ތެޔޮހޭނުމަށްޓަކައި ސޯބުގައިލައިފައި އޮންނަގެރި
ތެޔޮހާނާސޯބު
ނ ތެޔޮހާނާގެރި ބަނދެފައި އޮންނަސޯބު
ތެޔޮނާށިކާޅުގެންދިއުން
ގބ މިސާލުބަހެއް: (1) ހިތާވެގެންއުޅޭ އަންހެންކުއްޖާ އެހެންފިރިހެނަކު އަތުލައިގަތުން (2) ރައްޓެހިވެގެން ނުވަތަ ހިތާވެގެންއުޅޭ އަންހެންކުއްޖާއާއި އެހެންމީހަކު އިނުން
ތެޔޮބައްތި
ނ އިހުޒަމާނުގައި ކެޔޮދޮންކުރާ ވަޅުގަނޑުގައި ޖަހާބައްތި މިބައްތި ހުންނާނީ އިލޮށިބުރިއެއްގައި ހަނިފޮތިފަށެއް އޮޅައި ކާށިތެލުން ތެންމައިފައެވެ
ތެޔޮޅުވާކުދިން
ނ (1) ތެޔޮއަޅުވާކުދިން މިކުދިންނަކީ ހިތިވިލޭރޭ ދަންމަރަށް ތެޔޮއަޅައި އަވަށުވެރިގޭގައި ޖެހޭ ކުދިކުދި މަސައްކަތްކުރާ ކުދިންނެވެ (2) މަޖާޒު: މަގުމަތީގައި ވީއްލިގެން އުޅޭކުދިން
ތެޔޮއިސްތިރި
ނ ސާފުތެޔޮއަޅައިގެން ބޭނުންކުރާ އިސްތިރި
ތެޔޮމަސް
ނ މާކަނޑުތަކުގައި ވަރަށް ފުނުގައި ދިރިއުޅޭ ވަރަށް ތެޔޮގިނަ މަހެއް. މިއީ ވަރަށް މަދުން ބޭނޭމަހެކެވެ މިމަހުގެ އަނގަވަރަށް ބޮޑުވާނެއެވެ އަނގައިގައި އެއްބަރިޔަށް ދަތްތަކެއް ހުންނާނެއެވެ މަހުގެ ބަނޑުދަށް ފަރާތުގައި އެހެނިހެން މަސްމަހާ ޚިލާފަށް ކުރަގަނޑެއް ހުރެއެވެ
ތެޔޮދޯރި
ނ ތެޔޮއަޅަން ނުވަތަ ތެޔޮއަޅައިގެން ގެންގުޅޭދޯރި
ތެޔޮތާހަށްފެންޖެހުން
މ މަޖާޒު: ރުޅިއައިސްފައިހުރި މީހެއްގެ ރުޅިގަދަވާނެ ކަހަލަ ކަމެއްކުރުން ނުވަތަ އެފަދަ އެއްޗެކޭ ބުނުން
ތޭރަވާ
ނ ގޮނޑުދޮށުގައި އުޅޭ އަޅިކުލައިގެ ދޫންޏެއް މިދޫނީގެ ބުރިކަށިމަތީގައި ފިޔަޔާ އެއްކޮށް ކަޅުލައްގަނޑެއްހުރެއެވެ ތުންހުންނަނީ ކުރުކޮށް ފަތިކޮށް ކަޅުކުލައިގައެވެ ފައިދިގުވާނެއެވެ
ތޭރި
ނ (1) ކުޑަދޮރުގެ ދެއޮޅި ދޭތެރޭގައި ލަކުޑިން ނުވަތަ ދަގަނޑުން ޖަހައިފައި ހުންނަ އެއްޗެހި. (2) ލަކުޑިން ހަދައިފައި ހުންނަ ބައެއް ތަކެތީގެ ދެފައިކޮޅު ދޭތެރެއަށް ލައްވައިފައި ހުންނަ ހިމަދިގު އެއްޗެހި. މި ވަށްކޮށާއި ހަތަރު އަރިއަށާއި ދިގުހަރު އަޅައިގެން ލިޔެފައިވެސް ހުރެއެވެ މިސާލު: )ހ( އަދަރާދަގޮނޑީގެ ތޭރި )ށ( އުނދޯލީގެ ފަޑީގައި ހުންނަތޭރި (3) ފަހާފޮށީގެ ބަރަނި އޮޅަން ހަދައިފައި ހުންނަ އެއްޗެއް (4) ސަރަކައިގެ ރޮދިއޮޅަން ހުންނަ ފޯލި (5) ފޭރާން ވިޔާއިރު އޮޅަން ހުންނައެތި
ތޭރިނެޅި
ނ )ސ ( ފޭރާން ކުރާމީހުން އުއިތޭރިލާން ހަދައިފައި އޮންނަ ހޮޅި މި އޮންނާނީ އެއްކޮޅު ހިމަކޮށް ތޫނުކޮށެވެ އަނެއްކޮޅުގައި އަގުޅިއެއް ޖަހައިފައެވެ
ތޮރޮޕިޓޯ
ނ މަނަވަރު ފަހަރާއި އާގު ބޯޓުފަދަ ތަކެތި ގޮއްވައި ހަލާކުކޮށްލުމަށްޓަކައި އަޑިންދާ ބޯޓުން ފޮނުވަން ހަދައިފައި ހުންނަ ނުރައްކާތެރި ހަތިޔާރެއް
ތޮޅި
ނ (1) ގަސްގަހާއި ވެޔޮވެލުގައި އަޅާހިމަދިގުކޮށް ހުންނައެއްޗެއް (2) ކަނޑާއި ފަރުތަކުގައި ދިރިއުޅޭ ހިމަދިގު މަހެއް
ތޮޅުން
މ (1) ދެކޮޅުވުން (2) އަރާރުންވުން (3) ހަނގުރާމަކުރުން (4) ހަށިގަނޑުގެ އެކިތަންތަން އަމިއްލައަށް ތެޅިލުން (5) ކުޑަކުދިން އެއްކުއްޖަކު އަނެއްކުއްޖަކާ ދެކޮޅުވުން ނުވަތަ ސަމާސާއަށް ގޮތްގޮތްހެދުން (6) ބަނޑުގައިވާ ދަރިފުޅު ޙަރަކާތްކުރުން
ތޮޅުވުން
މ (1) އަރައިރުން ކުރުވުން (2) ދެކޮޅުވެރި ކުރުވުން
ތޮޅެންބަކުޑި
ނ )މ ( ފަތްޕިލާވެއްޔެއް މިއީހިސާބަކަށް ކެހެރިހުންނަ ގަހެކެވެ މިގަހުގައި އަޅާތަކެތި ފޭރާމުގައި ޖެހުމުން ފޭރާމުގައި ތަތްލައިފައިހުންނާނެއެވެ
ތޮޅޭފާރު
ނ ރަށްރަށާއި ކިއްލާފަދަ ތަންތަން ދިފާޢުކުރުމަށް ލައިފައި ހުންނަފާރުގެ އެތެރޭގައި އެއަށްވުރެ ތިރިކޮށްލައިފައި ހުންނަފާރު މިފާރަކީ އޭގެމަތީގައި ތިބެގެން ހަނގުރާމަ ކުރުމަށް ބޭނުންކުރާ ފާރެކެވެ