radheef.info
ރަދީފު


ބަ
އ އައްބަ
ފުށްޑަން
ނ ބަދިގޭގައި ދަރުޖަހައިގެން ކެއްކުމަށްޓަކައި ޖަހައިފައި ނުވަތަ ހަދައިފައި ހުންނަ އުނދުނުގެ ބިއްދޮށް
ފުނޑުއްވުން
މ "ފުނޑުން" މިބަހުގެ މާތްގޮތާއި އެންމެ މާތްގޮތް
ފުނޑުވައިލުން
މ ފުނޑުވުން މިބަސް ލުއިކޮށް ބުނާގޮތް
ފުނޑުވުން
މ (1) ވަޅޯމަސްގަނޑެއް ފަދަ އެއްޗެއް އަތުން ވަކިވަކި އެތިކޮޅުތަކަކަށް ހަދައިލުން (2) "ފުނޑުން" މިބަސް މީހަކުލައްވައި ކުރުވުމުގެ މާނައިގައި ބޭނުންކުރުން (3) ހަރުއެއްޗެއް އަތުން ކުދިކުދިކޮށް ވަކިވަކި ކުރުން
ފުނަ
ނ (1) މީރުވަހެއްދުވާ ހުދުމަލެއް އަޅާ ބިޔަކޮށް ހެދޭ ލަކުޑި މޮޅުގަހެއް. (2) ފުނަގަހުގައި އަޅާ އޮށް. (3) ރާގުގެ ހަމައިގެ އިތުރަށް ލެވޭ ދަނޑިވަޅެއް. (4) ބަސް ބުނާއިރު މާނަ ބަދަލުވާގޮތަށް ވައްދާ އިތުރު ބަސް ނުވަތަ އަކުރު. މިސާލު: ލަވަ ފައްލަވަ ކާރު ބޭކާރު
ފުނަށްދިއުން
މ (1) މޫދަށް އެރިގެން އުޅޭއިރު އިސްކޮޅު ނުކާ ހިސާބަށް ދިއުން (2) މާބޮޑަށް އަޑިއަށް ދިއުން
ފުނަނުޖަހާބެރަކަށްނެށުން
މ )މިސާލުބަހެއް( (1) ފޯރިއެއްނެތް ކަމެއްގައިއުޅުން (2) އެއްޗެއް ނުލިބޭ ކަމެއްގައި ބައިވެރިވުން
ފުނަފަތި
ނ ރުކުފަތިން ވިޔެފައި އޮންނަ ކުޑަ ދަބަހެއް )މިއީ މަލިކު މީހުން ދުފާއެއްޗެހި އަޅައިގެން ގެންގުޅޭ އެއްޗެކެވެ
ފުނަޖެހުން
މ (1) ބެރާއި ތާރަ ފަދަ އެއްޗެހި ޖަހާއިރު މާނައިގެ ތެރެއަށް ދަނޑިވަޅެއް އިތުރުކުރުން. (2) ވާހަކަ ދައްކާއިރު ބަހުގެ ކުރިއަށް އަކުރެއް ދެއަކުރެއް އިތުރުކޮށްގެން ބަސް ބަދަލުކޮށްލުން. މިސާލު: ކާރު މައްކާރު ލަވަ ފައްލަވަ
ފުނާ
ނ ބޮލުގެ އިސްތަށިގަނޑު އޮމާންކުރުމަށް ބޭނުންކުރޭ ދަތްބަރިއެއްލައިފައި ހުންނަ އެއްޗެއް. މިހަދައިފައި ހުންނަނީ ކަހަނބުފަތް ޕްލާސްޓިކް ފަދަ އެއްޗެހިންނެވެ
ފުނި
ނ (1) އުސްކޮށް ހުންނަ ގޮތަށް އޮއްސައިފައި ހުންނަ އެއްޗެހިތަކެއް މިސާލު: ވެލިފުނި ގާފުނި ދަރުފުނި (2) މީހުންގެ ބައިބައިގަނޑު (3) )ސ ( ރާއެރީން ރުކުގެ އެތުގައި ފުރަތަމަ ލާ އުނބު (4) ގިނަ
ފުނިވަރު
ނ (1) ބޮޑެތިފުނި (2) ބައިވަރު
ފުން
ނއ (1) ތަނެއްގެ ނުވަތަ އެއްޗެއްގެ ސަޠުޙަށްވުރެ އަޑި. (2) އެއްޗެއްގެ ނުވަތަ ތަނެއްގެ އެތެރެއަށް އަޑިވެފައި ހުންނަވަރު ވާ ބޮޑު. މިސާލު: ފުން ދޯންޏެއް. ފުން ހޮހޮޅައެއް. (3) މަޖާޒު: ނިންޖާ ނިސްބަތްކޮށް ބުނާ ގަދަ. މިސާލު: ގަދަނިދި. )ފުންނިދި( (4) ކަންކަމާއި ޚިޔާލާއި ފިކުރުގެ އެންމެ އަޑި އެންމެ ދުރު (5) މާނަ އަތުލައިގަތުން އުނދަގޫ
ފުންބަސް
ނ (1) ތިލަބަހުގެ އިދިކޮޅު (2) ބޮޑަށް ވިސްނައިގެން ނޫނީ މާނަ އަތުލައި ނުގަނެވޭ ބަސް
ފުންކުރުން
މ (1) ތަނެއް ނުވަތަ އެއްޗެއް ކޮނެގެން ނުވަތަ ތޮރުފައިގެން ނުވަތަ މިނޫންވެސް ގޮތަކުން ހުރިވަރަށްވުރެ ބޮޑަށް އަޑިކުރުން. (2) އޮޑިދޯނިފަހަރު ބީހިފައި ހުއްޓައި ނުބީހޭ ވަރުގެ ދިޔަވަރު އޮތް ތާކަށް ގެންދިއުން. (3) ވާހަކަ ދައްކާ އާދައިގެ ބަހަށްވުރެ މާނަވީ ބަހުރުވައަށް ދައްކާ ވާހަކަ ބަދަލުކުރުން
ފުންމާކޯކިޔުން
މ ކުޑަކުދިންގެ ވަކި ޢުމުރެއްގައި އެކުދިން އުފާކޮށް ދިނުމަށާއި އަދި ބައެއް ފަހަރު މަސަލަސް ކުރުމަށް ކުއްޖާ ތަނެއްގައި ބަހައްޓައި ފުންމާކޯ ކިޔަމުން މީގާހެ އަތަށް ފުންމުވުން
ފުރަންކަރަ
ނ ބަންގާޅުގެ ވަކި ހިސާބުގަނޑަކަށް ކިޔާ ނަމެއް މިހާރު އެތަނަށް ކިޔަނީ "ޖަލްނާ" އެވެ ހައުލާ ބުރިޖްގެ އެއްކޮޅު ގުޅިފައި އޮންނަނީ މިތަނާއެވެ މިއީ ބަންގްލާދޭޝްގެ ބަނދަރު ރަށްރަށުގެ ތެރެއިން އެއްރަށެވެ
ފުރަބަހާ
ނ ޢަދަދެއް ފުރިހަމައަށް ގެއްލިހުސްވާ ފުރަ ޢަދަދުތައް މިސާލު: 53 ގެ ފުރަބަހާއަކީ 5 އާއި 7 އެވެ
ފުރައުކަސްވަޑުނަ
ނ )ބދ ( (1) ބޮޑުބަނޑޭރި (2) އެގްޒެކެޓިވް ސެކްރެޓެރީ
ފުރައުއްތަ
ނ )ބދ ( "މަރު" މިބަސް އެންމެ މާތްކޮށް ބުނާގޮތް