radheef.info
ރަދީފު


ބަ
އ އައްބަ
ފީފާ
ނ ޑީސަލާއި ޕެޓްރޯލާއި އިސްޕިރެޓް ފަދަ އެއްޗެހި އަޅައި ދެކޮޅު ބަންދުކޮށްގެން ރާއްޖޭން ބޭރުން ގެންނަ ދިގުކޮށް ވައްކޮށް އޮންނަ އެއްޗެއް
ފީދެއްކުން
މ ޚިދުމަތެއްގެ ބަދަލުގައި ދޭންޖެހޭ ފައިސާއެއް ދިނުން
ފީތާ
ނ (1) ތެޔޮއަޅައިގެން ބޭނުންކުރުމަށް ހަދައިފައިވާ ބައްތި ދިއްލުމަށާއި އުނދުން ރޯކުރުމަށް ރޮދި ނުވަތަ އުއި ބޭނުންކޮށްގެން ވަށްކޮށް ނުވަތަ ފަތިކޮށް ދިގުކޮށް ތައްޔާރު ކޮށްފައި ހުންނައެތި. (2) ފިލްމުރޯލު. (3) މިންއެޅުމަށްޓަކައި ފޫޓުން ނުވަތަ މީޓަރުން މިންއަންގައިދިނުމަށް ހަދައިފައިވާ ފަތިކޮށް ދިގުކޮށް އޮންނަ އެއްޗެއް (4) ފީތާފޮށީގެ އެތެރޭގައި ދަގަނޑު ނަރުން ކައިރި ކައިރީގައި ބަންދު އަޅައިފައިވާ ދިއުޅި
ފީލުބާގަ
ނ (1) ގެފުޅު މުގުރުމަށް ދިޔަ އަބުރަހަތުގެ ލަޝްކަރު (2) )ސ ( މަޖާޒު: ކުދިން ގިނަ ޢާއިލާއަށް ނުރުހުމުގެ ގޮތުން ބުނާ ބަހެއް
ފުހުން
މ (1) އެއްޗެއްގެ އަސަރު ފިލުވައިލުން. (2) ޥުޟޫކުރުމުގައި ބައެއް ގުނަވަނުގައި ނުވަތަ ގުނަވަނުގެ ބަދަލުގައި ހާކަންޖެހޭ އެއްޗެއްގައި ފެން ހޭކުން (3) ތަޔަންމަމު ކުރާއިރު ގުނަވަންތަކުގައި ހިރަފުސް އުނގުޅުން (4) މަޖާޒު: ހަނދާން ނައްތައިލުން
ފުހެލުން
މ ފުހުން މިބަސް ލުއިކޮށް ބުނާގޮތް
ފުހޭރަބަރު
ނ ފޮހޭރަބަރު
ފުށުނގު
ނ ކުރިމަތި ފިޔަވައި އުނަގަނޑު ރޮދިގަނޑާއި އުނަގަނޑާއި ދެމެދު ނުވަތަ އުނަގަނޑުގައި ބަނދެފައި އޮތް އެއްޗަކާއި އަނދެފައި ހުރި އެއްޗަކާއި ދެމެދު
ފުށުން
އ (1) ކިބައިން (2) ފަރާތުން މިސާލު: ތިޔައީ އޭނާގެ ފުށުން ވީ ކަމެކެވެ ތިޔައީ އޭނާގެ ފަރާތުން ވީ ކަމެކެވެ
ފުށުންޖެހުން
މ (1) އެއްޗެއް މައްޗަށް އޮތް ފަރާތް ދަށަށް ވާނެހެން ހެދުން. (2) އެއްޗެއްގެ އެތެރެއަށް އޮތްފުށް ބޭރަށް ބަދަލުކޮށްލުން. (3) މަޖާޒު: ކަމެއް ރާވައިފައި އޮތްގޮތުގެ އިދިކޮޅަށް ބަދަލުކުރުން. (4) ބަހެއް ނުވަތަ ވާހަކައެއް ދިމާ އިދިކޮޅަށް ބުނުން
ފުށުއެރުން
މ (1) އެކައްޗެއްގެ މައްޗަށް އަނެކައްޗެއްގެ ތަންކޮޅެއް ނުވަތަ ބައެއް އެރުން (2) ކަސިޔާރުވުން (3) ކަމެއްގެ މައްޗަށް ކަމެއް ހުރަސްވުން
ފުށުއެރުވުން
މ އެކައްޗެއްގެ މައްޗަށް އަނެކައްޗެއްގެ ތަންކޮޅެއް ނުވަތަ ބައެއް އެރުވުން
ފުށް
ނ (1) ގޮވާމާއި އެނޫންވެސް ތަކެތީގެ ހިމުން ކުނޑި (2) ގައިގައި ޖެހުމަށް ތައްޔާރުކޮށްފައި ހުންނަ މީރުވަސްދުވާ ވަރަށް ހިމުން ކުނޑިއެއް (3) ފަރާތް މިސާލު: އޭނާގެ ފުށުން )އޭނާގެ ފަރާތުން( (4) ކިބަ މިސާލު: އޭނާގެ ފުށުން )އޭނާގެ ކިބައިން( (5) ބިތެއް މިސާލު: އެއްޗެއްގެ ފަރާތެއް (6) މުއި
ފުށްބޭރު
ނ މައްޔަލުގެ ބޭރު ބައްޓަން
ފުށްކަނދުރާ
ނ ކަނދުރާގެ މަތީބައި
ފުށްކަން
ނއނ (1) ފުށް މިބަހުގެ ނަންއިތުރުގެނަން (2) ބަނބުކެޔޮ ފަދަ ތަކެތީގައި ހުންނަ ފުށްގޮތް
ފުށްފަތި
ނ ރުކުފަނުގެ އޮށީގެ ހިލަފައްޗާއި ބަނޑުފައްޗާއި ދޭތެރޭ މެދުން ނަގާފަތި
ފުށްދީފައިދިއުން
މ (1) ކޮކާ އަތުގައި ޖެހުމާއިއެކު ނުހިފިދިއުން އޭރުހުންނާނީ ކޮކާލުގެ ފުށް އަތުގައި ހޭކިފައެވެ (2) މަޖާޒު: ޝަހްވާނީ އެދުމުގައި އަންހެނަކާ ބައްދަލުވާ އިރަށް ފިރިހެން މީހާގެ އެދުން ފުދުމުން ފިރިހެން މީހާ ދާދިއުމަށް ބުނެއުޅޭ ބަހެއް
ފުށްގަހުގުރާ
ނ (1) ޑިންޑިން ކޮވެލި ފާޑަށް އިންނަ އެއަށްވުރެ ކުޑަ އެއްގަމު ދޫންޏެއް (2) މަޖާޒު: މާގިނައިން ފުށްޖަހައިފައި ތިބޭ މީހުންނަށް މަލާމާތުގެ ގޮތުން ބުނެއުޅޭ ބަހެއް މިސާލު: ހީވަނީ ފުށްގަހު ގުރައެއް ހެންނެވެ (3) ސަމައްތަރު ހެޔޮ ޗާލު އަންހެން ކުއްޖެއްގެ ރީތިކަން ބަޔާން ކުރުމަށް ބޭނުންކުރާ ބަހެއް
ފުށްސައި
ނ ފުށާ ހަކުރާ އެއްކުރުމަށްފަހު ޖޯޑުގެ ތެރެއަށް ކެކި ކެކިހުރި ސައިފަތުފެން ނުވަތަ ހޫނުފެން އަޅައިގެން ތައްޔާރުކުރެވޭ ސައެއް )މިގޮތަށް ސައި ހަދާއިރު ބައެއް ފަހަރު ބޯކިރުވެސް އަޅައެވެ ( )ހ( ދިޔާކޮށް ކައްކައިފައި ހުންނަފުށް