radheef.info
ރަދީފު


ރި
ނ (1) ފައްސަތޭކަ ފުށްބޮލި (2) ސަތޭކަ އަގި
ތުންމަތި
ނ (1) އޮޑިދޯނި ފަހަރުގެ ދިރުނބާކޮޅުން މައްޔަލުން ބޭރަށް ދައްސޫރަ ދަމައިފައި ދައްސޫރަޔަށް ކަނިއަޅައިފައި ނަގާރިޔާ (2) ޖީބުރިޔާ (3) )ޏ ސ ( މެދުގޯތި ފިޔަވައި ގޯތި ތެރޭގައި އޮންނަތަން
ތުންމަތިނެގުން
މ އޮޑި ދޯނިފަހަރުގެ އެންމެ ދިރުނބާކޮޅަށް ހުންނަ ރިޔާނެގުން
ތުންމަތިރިޔާ
ނ އޮޑި ދޯނިފަހަރުގެ ދިރުނބާކޮޅަށް ދައްސޫރަ ދުއްވައިފައި ނަގާރިޔާ
ތުންފަތް
ނ (1) އަނގައިގެ މައްޗާއި ތިރީގެ ކައިރިފަށް (2) ފަރުޖުގެ ދެފަރާތުގެ ކައިރިފަށް (3) ތެލިތަށިފަދަ އެއްޗެހީގެ ބޭރަށް މަޅައިލައިފައި ހުންނަ މަތީކައިރި (4) ވަޅުވަޅާއި ފެންއަރުވާ ވަޑާމާއި ފާރުފާރު ފަދަ ތަންތާގެ މަތީކައިރިން ބޯކޮށްފައިހުންނަތަން
ތުންދިގުބިބީ
ނ ފަރުފަރުގެ ބޭރުގައްޔާއި ފަޅުތެރޭގައި ހުންނަމުރަކަތަކުގެ ތެރޭގައި ދިރިއުޅޭ މަހެއް. މިމަހުގެ ކުލައަކީ ގަދަރީނދޫ ކުލައެވެ. މިއީ މަހުގެ ބަނޑުދަށްފަރާތުގެ ކޮތަރިބައިގައި ކަޅުކުލައިގެ ވަށްލަފެއް ހުންނަ ބޮލުގެ މަތީބައިގެ ކުލަކަޅު ތިރީބައިގެ ކުލަ ހުދުމަހެކެވެ މިއީބިބީ ޢާއިލާގެ މަހެކެވެ
ތުންގަނޑު
ނ (1) ދޫނިސޫފާސޫފީގެ ތުން (2) މަސްމަހާމެހީގެ ދިގުކޮށް ނިކުމެފައި ހުންނަތުން (3) ވައިޖަހާގުންބާއާއި ވައިޖަހާނޮޅީގެ ކުރީގައި ގުޅައިފައި އޮންނަބައި (4) ބައްތެލި ދޯނީގެ ދިރުނބާކޮޅު މައްޔަލުގައި ބޭރަށް ނެރެފައި ހުންނައެތި މިހަދައިފައި ހުންނަނީ ލޮއިން ނުވަތަ ކުރެދިންނެވެ (5) ދޯނިފަހަރުގެ ދިރުނބާކޮޅު މައްޔަލާ ގުޅައިގެން ހަނިކޮށް ދިގުކޮށް ކުރިއަށް ނެރެފައިވާބައި
ތުންޑިޔާ
ނ (1) ދިރުނބާކޮޅު މައްޔަލުމަތިން ބޭރަށް ނުކުމެފައި އޮންނަބައި (2) އޮޑިފަހަރުގެ ތުންމަތިނަގަން މައިރިޔަލުގެ ތިރީކުރެވި ދަށުން ތުންމަތީގެ ފަސްކަނި އަޅަން ހުރަސްކުރާ ދަނޑި (3) )ސ ( ތުނޑި
ތުރަވުން
މ ދަރިފުޅު ނުވަތަ މަސް ބަނޑުން ބޭރުވުން
ތުރާތަން
ނ (1) ދެދޮރު ދޭތެރެ (2) ކުރިމަތިފަރާތް
ތުރިއްޔާނު
ނ ސަމުގާގެ މިސުރާބެއް މިއީމުރިނގާ އެންމެ ކައިރިޔަށް ދެފަރާތުން ހުންނަ މިސްރާބެވެ
ތުރުކީތާކިހާ
ނ ތުރުކީން އަޅައި އުޅުނު ރަތްކުލައިގެ ތާކިހަލެއް މިތާކިހާ ހުންނަނީ އުސްކޮށް މައްޗަށް ހިމަކޮށެވެ އަރިމަތީގައި އެޅިފައި އޮންނަ ގޮތަށް މާގަނޑެއްލައިފައެވެ
ތުޅާކި
ނ ދެފައިތިލަ ކައްތިރިކޮށް އެއްފައިތިލަ އަނެއްފައިތިލައިގައި އަޅުވައި ބައްދާބެއްދުން
ތުޅާކިބެއްދުން
މ (1) ދެފައިތިލަ ކައްތިރިކޮށް އެއްފައިތިލައިގައި އަނެއްފައިތިލައަޅުވައި ހިފެހެއްޓުން (2) ހިފުމުގެ ތެރޭގައި މީހެއްގެ ގައިގައިމިގޮތަށް ބެއްދުން
ތުޅާފަތްރުއް
ނ )ތ ( ކުރިރުއް
ތުކި
ނ ކުށެއް ކުރެވުމުން ނުވަތަ ކުށްބަހެއް ބުނެވުމުން ބުނެއުޅޭ ބަހެއް ޢާއްމުގޮތެއްގައި މިހެން ބުނެއުޅެނީ ބައެއްކަހަލަ ކުޅިވަރުކުޅޭއިރު ކުށެއް ކުރެވުމުންނެވެ މިހެން ބުނެފިނަމަ ކުޅުންކުރިއަށް ގެންދެވިދާނެއެވެ
ތުއި
ނ (1) ފިރިހެނުން ފެނުމުން ބައެއް އަންހެންކުދީންގެ ހަށިގަނޑަށާއި މޫނަށް ގެނެވޭ ހަރަކާތާ ބަދަލު (2) އާތް
ތުއިވުން
މ (1) ފިރިހެނުން ފެނުމުން އަންހެން ކުދިން ޅަވެގަނެގެން އުޅުން (2) އާތްވުން
ތުއްރަވާސްގަސް
ނ އެއްތަނޑަކަށް ވަރަށް ދިގުކޮށް މައްޗަށް ހިމަކޮށް ތިރިޔަށް ފަލަކޮށް ހެދޭގަހެއް މިގަހުގެ ބޮޑެތި ފަތްތައް ހުންނަނީ ގަހުގެ ވަށައިގެން ބަރިބަރިއަށް ނުކުމެފައެވެ އެފަތުގެ ދެފަރާތުގައިވާ ކުދިފަތްތައް ހުންނަނީ ހިމަފޯލިތަކެއްހެންނެވެ
ތުއްކުނިޖެހުން
މ )ސ ( ދެއިނގިލިކުރިން ނަގައިގެން ފުއްފުކުން ކެއުން
ތުއްތު
ނ (1) ފިރިހެނުންނަށާއި އަންހެނުންނަށް ކިޔާނަމެއް (2) ކުޑަކުދީންނަށް ނިސްބަތްކޮށް ބުނެއުޅޭ ނުވަތަ ކުޑަކުދީންގެ ބަހުރުވައިގައި ކުޑަކަމަށް ނިސްބަތްކޮށް ބުނެއުޅޭބަހެއް