radheef.info
ރަދީފު


ބަ
އ އައްބަ
ފިދްޔަ
ނ (1) ހަނގުރާމައިގައި ހިފެވި ހައްޔަރު ވެފައިވާ މީހަކު މިނިވަން ކުރަންދޭ ފައިސާ ނުވަތަ މުދާ (2) ޝަރީޢަތުގެ ކަންތަކުގެ ބައެއް ކުށްކުށަށް ނެރެވޭ ޞަދަޤާތް
ފިތިބާރުވުން
މ (1) ގިނަބަޔަކު އެއްތަނަކަށް އެއްވުމުގެ ސަބަބުން އެކަކު އަނެކަކާ ޖެހި ފިތޭގޮތްވުން (2) ދެ އެއްޗެއްގެ މެދުގައި ފިތިތާށިވެފައި ހުރުން
ފިތުނަ
ނ (1) ފަސާދަ (2) ބަޣާވަތް (3) ދެފުއްދެގޮތް (4) ކަމަކާ މެދު ދެކޮޅުވެރިވެގެން ދެބަސްވާ ދެބަސްވުން (5) ހިތްނުބައި (6) ދެކޮޅުވެރި (7) ނުލަފާ
ފިތުނައުފެއްދުން
މ (1) ފަސާދަކުރުން (2) ބަޣާވަތްކުރުން (3) ދެކޮޅުވެރިކަން އުފެއްދުން
ފިތުނަވެރިކަން
ނއ (1) ދެކޮޅުވެރިކަން (2) ހިތްނުބައިކަން
ފިތުނަވެރިވުން
މ (1) ދެކޮޅުވެރިވުން (2) ހިތްނުބައިވުން
ފިތުން
މ (1) ދެ އެއްޗެއްގެ ދެމެދުގައިވެ ބާރުވުން (2) މޮޑުން (3) މަޖާޒު: ބައެއްކަހަލަ ކަންތައް ކުރަން ދަތިއެރުން
ފިތުރުމަލާފަތް
ނ އިހުގައި ގަނޑުވަރު ތެރޭގެ ބޭފުޅުންނާއި ބޮޑުބޭކަލުން ކަނބަލުންގެ ފިތުރު ރަދުން ދެއްވާއިރު އެބޭފުޅުން އަތްޕުޅު ލެއްވުމަށް ފޮނުއްވާ ހަނޑޫ އަޅައިފައި ހުންނަ މަލާފަތް
ފިތް
ނ (1) އާދަމުގެ ދަރިންނާ ކުކުޅުހާފަދަ ބައެއް އެއްޗެހީގެ އެތެރެ ހަށީގައި އޮންނަ ވަރަށް ކުޑަ ގުނަވަނެއް. މިއީ ހަޖަމު ކުރުމުގެ ދިޔަ އުފައްދާ ގުނަވަނެވެ. (2) ބައެއް ތަކެތި ހަދައިފައި ހުންނައިރު އެއްސިފަޔަށް އުފުލިފައި ހުންނަހެން ހަދައިފައި ހުންނަ ތަންތަން. މިސާލު: ގޯނބިލިފުޅީގެ ފިތް. (3) ކެވޭ އެއްޗަކުން ނުވަތަ އެހެންވެސް ގޮތަކުން ގައިގެ ތަންތަނުން އުފުލޭ ތަންތަން. (4) ލުނބޯ ފޮނިލުނބޯ ފަދަ އެއްޗެހީގެ އެތެރޭގައި ބައިބައި ވަކިކޮށް ނެގެން ހުންނަ ބައިތަކުން ބައެއް. (5) މިޔުޒިކް ކުޅެން ގެންގުޅޭ ބައެއް އެއްޗެހީގައްޔާއި ރޭޑިޔޯގައި ހުންނަ ބައިތަކުން ބައެއް. (6) ބައިސްކަލް ޗޭނާއި ގަޑީ ޗޭނާއި ކަމަރުފަދަ ތަކެތީގެ ބަދައެއް. (7) ފިތްޖެހި ތެލީގައި ހުންނަ ކޮންމެ އަޑިތަނެއް. (8) ފުމެން ގެންގުޅޭ ދުންމާރީގެ ކޮޅަށް ފަނުން ނުވަތަ އެނޫންވެސް އެއްޗަކުން ހަދައިގެން ޖަހައިފައި ހުންނަ އެތިކޮޅު
ފިތްނެގުން
މ (1) ހަށިގަނޑުގެ ތަންތާގައި ބައެއް ޒާތުގެ އެއްޗެހި ހެފީމާ އެ ތަނެއް ދުޅަވުން. (2) މީހެއްގެ ނުވަތަ ކުއްޖެއްގެ ގައިގައި އިލޮށި ފަތިން ނުވަތަ އިލޮއްޓަކުން އަދި ނުވަތަ އެއްތެޔޮ ގަނޑެއް ފަދަ ހިމަ އެއްޗަކުން ޖެހީމާ އެތަނެއް އުފުލުން (3) ވިހައެއްގެ ސަބަބުން ނުވަތަ ބައްޔެއްގެ ސަބަބުން ހިރުވައިފައި ނުވަތަ ނުހިރުވާ ހަށިގަނޑުގެ ތަންތަންކޮޅު އުފުލުން
ފިތްކަނޑައިގެންދިއުން
މ ބިރު ނިހާޔަތަށް ދިޔަކަން ބަޔާންކުރުމުގެ ގޮތުން ބިރާ ގުޅުވައިގެން ބުނެއުޅޭ ބަހެއް މިސާލު: އެރޭ އެޖެހި ގުގުރިން އަހަރެން ބިރުން ފިތްކަނޑައިގެން ދާވަރުވިއެވެ
ފިތްގަނޑު
ނ ކެވޭ އެއްޗެއްގެ ސަބަބުން ނުވަތަ ގައިގައި އެއްޗެއް ހެފުމުން ހަށިގަނޑުން އުފުލޭ ތަންތަން މިސާލު: މާމަކުނު ހެފީމާ ނަގާ ފިތްގަނޑު
ފިލައިންކިޔެވުން
މ ފިލާލިއެގެން ކިޔެވުން ކުރީ ޒަމާނުގައި ކުޑަކުދިންނަށް ޢަރަބި އަކުރު އުނގަންނައިދީ ޤުރުއާން ވަކި ހިސާބަކަށް ދާންދެން ކިޔަވައި ދެނީ ފިލާލިއެގެންނެވެ
ފިލައިރައްކާވުން
މ ބައެއްގެ ތެރޭގައި އުޅެފައި ދިޔަނުދިޔަ ތަނެއް ނޭގޭގޮތަށް އެ ތަނަކުން ނުވަތަ އެބަޔަކާ ވަކިވެގެން ދިއުން
ފިލާ
ނ (1) ތުނިކޮށް ފަތިކޮށް ހުންނަ ލަކުޑި (2) ލަކުޑިން ތުނިކޮށް ހަދައި އޭގައި ލިޔެގެން ކިޔަވަން ގެންގުޅޭ އެއްޗެއް (3) ދަތުރުވެރިން އަރުޟާއި ޠޫލު ހޯދުމަށް ގެންގުޅޭ އާލާތެއް (4) "ފިލުން" މިބަހުގެ އަމުރު (5) )ބދ ( އުސްކޮށް ހެދޭ ގަސް (6) )ޏ ސ ( ކުކުޅު ފިޔޮއް
ފިލާއެޅުން
މ ދަތުރުކުރާ އުޅަނދު ހުރިތަން ދެނެގަތުމަށްޓަކައި ހިސާބުކުރުން. މިއީ ޢަރުޟާއި ޠޫލު ދެނެގަތުމަށްޓަކައި ސިކިސްތާނު ނުވަތަ ގޮއިދުރުވާނުން އިރަށް ނުވަތަ ތަރިއަށް ބަލައިގެން ކުރާ ހިސާބެކެވެ
ފިލާފޮތި
ނ ގަސްގަނޑަކުން ނުވަތަ ލަކުޑި ގަނޑަކުން ކީހައިގެން ނަގާ ދިގު ތުނިބައެއްގެ ބުރިވަރެއް
ފިލާލެފުން
މ އޮޑިދޯނިފަހަރުގެ ބަނޑުފިލާގައި ފިލާޖެހުން
ފިލާގަނޑު
ނ (1) މަސްދޯނި ފަހަރުގެ ކޮޅުފަސްކޮޅުގައި ކަތްޕާއި ކޮޅުފަހާ ދެމެދުގައި ދޯނިން ބޭރަށް ނުކުންނަ ވަރަށް އަޅައި ނެގޭ ގޮތަށް ފިލައިން ހަދައިފައި އޮންނަ ބައި މަސްބާނަން އަރައި ތިބެނީ މިތާގައެވެ (2) ގައިގައި ބަނުމަށް ފުޑައިފައި ހުންނަ ބޭސްގަނޑު (3) ފިލަޔަކުން ވަކިކޮށްލެވޭ ބައެއް
ފިލާގަނޑުބޯޅަ
ނ ކުޅޭބަށި