radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ލަދުންމަރުވުން
މ މަޖާޒު: މާބޮޑަށް ލަދުގަންނަ ކަހަލަ ކަމެއް ދިމާވުމުން ބުނެއުޅޭ ބަހެއް
ލަދުންގޮސްއަވަދިވުން
މ މަޖާޒު: ލަދުން މަރުވުން
ލަދުވެތި
ނއ (1) އަބުރު ގެއްލޭފަދަ ކަމެއް ކުރުމަށް ޖެހިލުންވާ (2) ތިމާގެ ކުށް ނުވަތަ ނުފުދޭކަން އިޙުސާސް ވާހިނދު މަލާމާތް ލިބިދާނެތީ ޖެހިލުންވާ (3) އެހެން މީހުންނަށް ފާޅުކުރަން ނުކެރޭ ވަކި ސިފައެއް ވަކިކަމެއް އެހެން މީހުންނަށް ފެނިދާނެތީ ޖެހިލުންވާ
ލަދުވެތިކަން
ނއނ (1) އަބުރު ގެއްލޭފަދަ ކަމެއް ކުރުމަށް ޖެހިލުންވާކަން (2) ތިމާގެ ކުށް ނުވަތަ ނުފުދޭކަން އިޙުސާސްވާހިނދު މަލާމާތް ލިބިދާނެތީ ޖެހިލުންވުން (3) އެހެން މީހުންނަށް ފާޅުކުރަން ނުކެރޭ ވަކި ސިފައެއް ވަކި ކަމެއް އެހެން މީހުންނަށް ފެނިދާނެތީ ޖެހިލުންވާކަން
ލަދުވެތިވުން
މ (1) އަބުރު ގެއްލޭފަދަ ކަމެއް ކުރުމަށް ޖެހިލުންވުން (2) ތިމާގެ ކުށް ނުވަތަ ނުފުދޭކަން އިޙްސާސްވާހިނދު މަލާމާތް ލިބިދާނެތީ ޖެހިލުންވުން (3) އެހެން މީހުންނަށް ފާޅުކުރަން ނުކެރޭ ވަކިސިފައެއް ވަކި ކަމެއް އެހެން މީހުންނަށް ފެނިދާނެތީ ޖެހިލުންވުން
ލަދުގަސް
ނ (1) ތިރިކޮށް ހެދޭ ރަތްފެހި ކުލައިގެ ކުޑަގަހެއް ކިރިޔާވެސް އަޑެއް އިވި ޙަރަކާތެއްވެ އެގަހަށް ލޮޅުން އަރާގޮތެއް މެދުވެރި ވެއްޖެނަމަ އެގަހުގެ ފަތްތައް މޯޅިކުރެއެވެ (2) މަޖާޒު: މާބޮޑަށް ލަދުގަންނަ އަންހެން ކުއްޖާ
ލަދުގުނަން
މ ޖިންސީގުނަން
ލަތްކެއްޖެހުން
މ ކުއްލިއެއް ޖެހުން
ލަގަން
ނ (1) އަހާއި ޖަމަލުފަދަ އެއްޗެހި ދުއްވާއިރު ފަރާތް ފަރާތަށް އެނބުރުމަށާއި މަޑުކުރުމަށްޓަކައި އެ އެއްޗެހީގެ ބޮލުގެ ދެފަރާތުގައި އަޅައިފައި އޮންނަ ދެފަށް މިދެފަށް އޮންނާނީ ދުއްވާ މީހާގެ އަތުގައެވެ މަޖާޒު: (2) ބާރު (3) އިޚްތިޔާރު (4) ހިފެހެއްޓުން
ލަގޮނޑި ފަޅައިގެން ދާވަރުވުން
މަޖާޒު: މާބޮޑަށް ހިތުގައިޖެހުން
ލަގޮނޑިޔަށް ތަދުވުން
މަޖާޒު: (1) ހިތްދަތިވުން (2) ހިތުގައި ޖެހުން (3) އަސަރުކުރުން (4) ހިތާމަ ލިބުން
ލަގޮނޑީގައި ނާށިލުން
މަޖާޒު: މާބޮޑަށް ދަހިވެތިވުން
ލަސްކަރު
ނ (1) ފައުޖު (2) ސިފައިންގެ ޖަމާޢަތެއް
ލަސްލަވަ
ނ (1) މަޑުމައިތިރިކޮށް ދަމައިލައިފައި ކިޔާލަވަ (2) މަޑުމައިތިރިކޮށް ދަމައިލައިފައި ޖަހާލަވަ
ލަޑާރިތް
ނ )ޅ ( ތުންމަތި ރިޔަލުގައި ޖަހާއައްތެލި
ލަޑުކައްޕާ
ނ )ގ ( މަންޑީގައި ޖަހާ ސައްޕު
ލާ
ނ (1) ފާލީސް ތައްޔާރު ކުރުމަށާއި ލަކުޑީގެ ބައެއް ތަކެތީގެ ބޭރުގައި ޖެހުމަށާއި ހަނުތެޅުމަށާއި ބައެއް ތަކެތި ބަންދު ކޮށްފައި އެޅުމަށް ބޭނުންކުރާ އެއްޗެއް މީގެ ދެތިން ވައްތަރެއް ހުރެއެވެ (2) ބަޑީލާ (3) ލުން މިބަހުގެ އަމުރު
ލާހިންގުން
މ ލާޖަހާ އެތީގައި ލާ ހިއްޕުން
ލާހިފުން
މ (1) ކަމަކަށް ބާރުލައި އަލުން ހިފުން (2) ގުންބާއިން ތެޔޮފަދަ އެއްޗެހި ނަގާއިރު ނުވަތަ ގުންބާއިން ވައިޖަހާއިރު އޭގައި ފޯރިހިފުން
ލާނެއްގަނޑު
ނ (1) ސަމާސާގެ ގޮތުން ހެއްވާ މަޖާވާހަކަދައްކައި އުޅޭމީހާ (2) ސަމާސާގެ ގޮތުން ހެއްވާ މަޖާކަންތައް ކުރާމީހާ (3) ލޯބިން އަންހެން ކުދިންނަށް ކިޔާނަމެއް