radheef.info
ރަދީފު


ވާ
ނ (1) "ވައު" ބަލާ! (2) އ. ބައެއް ތަންތާނގައ ި "ވެސް" ގެ މާނައިގައި ބުނެއުޅޭ އަކުރެއް މިސާލު: ތިޔައީވާ ބޮޑުކަމެއްނޫނެވެ (3) ދަތިނޫންކަމެއް ނުވަތަ ބޮޑުނޫން ކަމެއްކަން އެންގުމުގެ މާނައިގައިވެސް މިއަކުރު ބޭނުން ކުރެއެވެ މިސާލު: އޭނާވާ އަތުވެދާނެއެވެ
ތަޙައްލުލުވުން
މ އިޙްރާމް ބަނުމުން ޙަރާމްވާ ކަންތައް ޙަލާލުވާ ގޮތްވުން
ތަޙުލީލު
ނ އެއްޗެއްގައި އެކުލެވިފައިވާ ބައިތައް ހޯދުމަށްޓަކައި ކުރެވޭ މަސައްކަތް
ތަޙުލީލުކުރުން
މ އެއްޗެއްގައި އެކުލެވިފައިވާ ބައިތައް ހޯދުމަށްޓަކައި މަސައްކަތްކުރުން
ތަޚުތަރުވާން
ނ ޚިޔާލީ ވާހަކަތަކުގައި ޕަރީން ދަތުރުކުރާ ކަމަށްބުނާ ދާނެއް
ތަޤުރީރު
ނ އިރުޝާދެއް ދިނުމަށް ނުވަތަ ނަސޭހަތެއް ނުވަތަ މަޢުލޫމާތެއް ދިނުމަށްޓަކައި ނުވަތަ ކަމަކާބެހޭގޮތުން ބައެއްގެތެރޭގައި ނުވަތަ ޖަލްސާއެއްގައި ނުވަތަ ކުލާހެއްގައި ދައްކާވާހަކަ
ތަޤުވާ
ނ (1) މާތްރަސްކަލާނގެ ރަސްކަންފުޅަށް ބިރުވެތިވާ ބިރުވެތިވުން (2) ކުށްފާފަތަކުންވާ ރައްކާތެރި
ތަޤުވާވެރި
ނއ މާތްﷲގެ ކޯފާއަށް ބިރުވެތިވެ އެކަލާނގެ އަމުރުކުރެއްވި ކަންތައްކޮށް ނަހީކުރެއްވި ކަންތަކުން ދުރުހެލިވާ
ތަޤުވާވެރިން
ނ މާތްﷲގެ ކޯފާއަށް ބިރުވެތިވެ އެކަލާނގެ އަމުރުކުރެއްވި ކަންތައްކޮށް ނަހީކުރެއްވި ކަންތަކުން އެއްކިބާވާމީހުން
ތަޤުވާވެރިކަން
ނއ މާތްﷲގެ ކޯފާއަށް ބިރުވެތިވެ އެކަލާނގެ އަމުރުކުރެއްވި ކަންތައްކޮށް ނަހީކުރެއްވިކަންތަކުން ދުރުހެލިވާކަން
ތަޤުދީރު
ނ (1) މިންވަރުފުޅު (2) އަޒަލުގައި ކަނޑަ އަޅުއްވައިފައި ވާގޮތް
ތާހިރު
ނއ (1) ސާފު (2) ކުނި މިލައާއި ނުސާފުކަމުން ސަލާމަތްވެގެންވާ (3) ތަޣައްޔަރުވުމެއްނެތް (4) މަޖާޒު: ރީތި މިސާލު: ތާހިރު ދިރިއުޅުމެއް
ތާށި
ނ (1) ތަނެއްގައި ނުވަތަ އެއްޗެއްގެ ތެރޭގައި ނުނިކުމެވޭ ގޮތަށްވާ ދަތި (2) ފިތޭފިތުން (3) ބެދޭބެދުން (4) )ޏ ( ތަށި
ތާނގީ
ނ (1) ފެން ނުވަތަ ތެޔޮރައްކާކުރުމަށް ދަގަނޑުފިލައިން ހަދައިފައިވާއެތި (2) ދިޔާއެއްޗެހި އެއްތަނުން އަނެއްތަނަށް ގެންދިއުމަށް ޓަކައި އެއެއްޗެހި އަޅަން ހަދައިފައިހުންނައެތި މިމަޢުދަނުންނާއި ފައިބަރުފަދަ ތަކެތިންވެސް ހަދައިފައިހުރެއެވެ (3) ފެންރައްކާކޮށްފައި ބެހެއްޓުމަށްޓަކައި ރާނައިގެން ނުވަތަ ކޮންކްރީޓްކޮށްގެން ހަދައިފައިވާއެއްޗެއް
ތާންނުދޮންނަބާފޮތި
ނ މަޖާޒު: މީހަކާނީނދެހުރެ މުސްކުޅިވެފައިވާ މީހާ
ތާންކެނދުޅު
ނ )ޏ ( ކަނދޮޅުގެ ބާވަތެއް މިބާވަތުގެ ކަނދޮޅު ހެދެނީ ތަންކޮޅެއް ތިރިކޮށެވެ ފަތް ކުރުވެފައި ހަނިވާނެއެވެ އާދައިގެ ކަނދޮޅު ފަތަށްވުރެ ތުނިވާނެއެވެ
ތާރަފިނި
ނ ތަންތާނގައިލާ ދަވާދަށް އަޅާ ވަސްގަދަ ހަލުއިތެލެއް މިއަޅަނީ ދަވާދު އަވަހަށް ހިކޭނެގޮތްހެދުމަށެވެ މިއީބޭހުގެ ގޮތުގައިވެސް ބޭނުންކުރާ އެއްޗެކެވެ
ތާރަޖެހުން
މ ލަވަހަމަވާ ގޮތަށް ތާރައިގައި އަތްތިލައިންޖެހުން
ތާރީފު
ނ (1) މީހެއްގެ ނުވަތަ ކަމެއްގެ ނުވަތަ އެއްޗެއްގެ ރަނގަޅުކަމާއި ފުރިހަމަ ކަމުގެވާހަކަ (2) ރުހޭކަމާއި ގަބޫލުކަން އެންގުމަށް ދައްކާވާހަކަ
ތާރީފުކުރުން
މ މޮޅުކަމާއި ފުރިހަމަކަމާއި ރަނގަޅުކަމުގެ ވާހަކަ ދެއްކުން
ތާރީޚު
ނ (1) ސަނަތު. (2) ކަމެއްހިނގި ނުވަތަ އެއްޗެއް އުފެދުނު ދުވަސް. (3) ރަސްރަސްކަލުންނާއި މަޝްހޫރު މީހުންގެ ނަސަބާއި ވާހަކަތަކާއި އެމީސްމީހުން އުފަންވި ދުވަހާއި މަރުވިދުވަސްވަރާ ބެހޭ މަޢުލޫމާތު. (4) ތާރީޚް ޢިލްމު (5) ކަމެއް ހިނގަމުން އައިގޮތް ލިޔެފައިވާ ލިޔުން ނުވަތަ ކިޔައިދީފައިވާ ކިޔައިދިނުން