radheef.info
ރަދީފު


ދ
ނ (1) ތާނައިގެ ބާރަވަނަ އަކުރު (2) ދިވެހި ވިޔައަކުރުގެ ތިނެއް
ފަތާލި
ނ )ދ ( ކުޅަނދުރުހަތާ
ފަތި
ނއ (1) ތުނި. (2) )ނ.( ސަފު. (3) އެކައްޗާޖެހި އަނެކަތި އަމުނައި ފައި އޮންނަ އެތި. މިސާލު: މާފަތި މަސްފަތި (4) ދެފޮތިގަނޑެއް ގުޅުމަށް ނުވަތަ ފޮތިގަނޑުގެ ދެފަރާތް ހިފާލަން ޖަހާ ރޮދި (5) ވަކަރު ނުވަތަ ލަކުޑި ނުވަތަ އެނޫންވެސް އެއްޗެއްގެ ހަނިދިގުކޮށް ތުނިކޮށް ހުންނަ ބައިބައި
ފަތިހުގެއަލިކަން
ނ ރޭގަނޑުގެ އަނިދިރިކަމަށްފަހު އުދަރެހުން ފެންނަ އިރުގެ އަލިކަން
ފަތިނާރު
ނ ހަށިގަނޑުގައިވާ މަސްތައް ހިފަހައްޓައި ސިކުނޑިން ހަށިގަނޑުގެ ބައިތަކަށާއި ގުނަވަންތަކަށް މެސެޖް ގެންގޮސްދޭ ފަށްތައް
ފަތިންދިއުން
މ ފަހައިފައި ހުންނަ ފައްޗެއް ކޮށިގެން ނުވަތަ މޮހިގެން ދިއުން
ފަތިއެޅުން
މ ލަކުޑި ނުވަތަ މައުދަނުން ހުންނަ ފަތީގެ ބައިތައް ތަންތާގައި ހަރުކުރުން
ފަތިވަރުއެމުނުން
މ ކަމަކާ ދޭތެރޭގައި ނުރުހިގެން ހުއްޓައި ނުލައި އެއްޗެހިކިއުން
ފަތިވިނުން
މ (1) ފޭރާން ކުރާއިރު އާދައިގެ ދުޅަނޫން އެހެން ދުޅައެއް ނެގުން. (2) ފޭލި ިވިޔާއިރު ކޮޅުމަތި ޖަހަން ވުމުން އެކަމަށް އިތުރަށް ނަގާ ދުޅަތަކެއް ނެގުން
ފަތިފުށް
ނ (1) ފަހާފައި ހުންނަ ލިބާހާއި ގަމީސް ފަދަ ތަކެތީގެ އެތެރެ ފަރާތް (2) މަޖާޒު: މީހަކަށް ކުރެވިފައި ހުންނަ ލަދުގަންނަންޖެހޭ ދެރަކަންތައްތައް
ފަތިފުށްކިޔުން
މ (1) މީހަކަށް ކުރެވިފައިވާ ލަދުގަންނަންޖެހޭ ކަހަލަ ދެރަކަންތަކުގެ ވާހަކަ ހާމަކޮށް ދެއްކުން (2) ބަދުނާމު ކުރުން
ފަތިތަށި
ނ (1) ކުދިކޮށް ތިލަކޮށް ހުންނަތަށި (2) ޖޯޑުގެ ވަތުތަށި
ފަތިގަނޑު
ނ (1) ލަކުޑިން ނުވަތަ މައުދަނަކުން ނުވަތަ އެނޫންވެސް އެއްޗަކުން ހަދައިފައިވާ ހަނިދިގު ފަތި (2) މުންޑު ނުވަތަ ފޭލި އަނުމުގައި ކުރިމައްޗަށް ފަށްފަށް ޖަހައިފައި ހުންނަބައި (3) ތެޔޮރުމާ އޮޅާއިރު ފަށްފަށް ޖަހައިފައި ހުންނަބައި
ފަތިގަނޑު ފިރުކާލެވޭވަރުންވުން
މ މަޖާޒު: ކަމެއްގައި މީހަކާ ވާދަކޮށްލެވޭ ވަރު ނުވުން
ފަތިގަނޑުޖެހުން
މ ކުޅޭ ކުޅިވަރެއް. މިއީ ގާތްގަނޑަކަށް ކައިވަތެއްގެ ދިގު ދެއިންޗި ފުޅާ ހޮޅިކޮށް އޮންނަ ހަތަރުގަނޑު ފަތިން ކުރެ އަތެއްގެ ތެރެއަށް ދެގަނޑު ފަތިލައިގެން ދެގަނޑު ދެގަނޑަށް ވަކިހަމައަކަށް ޖަހަމުން ކުޅޭ ކުޅިވަރެކެވެ. މިހަދައިފައި ހުންނަނީ އޮނުން ނުވަތަ ލަކުޑީންނެވެ. މި ކުޅިވަރު ކުޅެނީ ބަނޑިޔާ ނުވަތަ ޑަބިޔާ ޖަހައި ލަވަކިޔައިފައެވެ އަދި ޑަބިޔަލާއި ބަނޑިޔަލާއި ދޭތި ޖަހައިފައިވެސް މި ކުޅިވަރު ކުޅެއެވެ
ފަތިސް
ނ (1) ފަޖުރު ތަރި އެރީއްސުރެ އިރުއަރަން ފެށުމާ ދެމެދު (2) މަޖާޒު: އުއްމީދު (3) ރަނގަޅު ހެޔޮ ފެށުމަކަށް ތައްޔާރުވާން ފަށާފެށުން
ފަތިސް ނަމާދު
ނ ފަތިހު ކުރަންޖެހޭ ނަމާދު
ފަތިސްހަނދުވަރު
ނ ފަތިހުގައިދީފައި އޮންނަ ހަނދުވަރު
ފަތިސްހަނދުވަރުމަތި
ނ ފަތިސް ހަނދުވަރުގެ ތެރޭގައި
ފަތިސްވަގުތު
ނ (1) ފަތިހުގެ ވަގުތު (2) ފަތިސް ނަމާދު ވަގުތު
ފަތިސްވުން
މ (1) ފަޖުރުލުން (2) ފަތިސްނަމާދު ވަގުތުވުން (3) މަޖާޒު: އުއްމީދު އާވުން