radheef.info
ރަދީފު


ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
އަލަގަނޑު
ނ (1) އަލަގަހުގެ ގަސްގަނޑު. (2) ދެކޮޅުއެއްވަރަށް އިސްކުރުމަތިޖަހާން މުށިން ހަދައިފައި ހުންނަ ގުޅިއެއް
އަލިހޮޅި
ނ ބަޑިބޭހުން ހަދާ ކުޅިވަރުގެ އެއްޗެއް މިއީކަރުދާހުން ހޮޅިއެއްހަދައި އެތެރެއަށް ބަޑިބޭސް އަޅައިގެން އަތުން ހިފަހައްޓައިގެން ރޯކުރާވަރަށް އަލިގަދަ އެއްޗެކެވެ
އަލިފާނުކުޅިވަރު
ނ (1) ބަޑިކުޅި ހަވާ އަލިދަނޑި މިބާވަތުގެ ކުޅިވަރު (2) ބަޑިބޭހުން ހަދައިގެން ރޯކުރާން ގެންގުޅޭ ކުޅިވަރުގެ ތަކެތި
އަލިފާންކޮކާ
ނ އުދުހޭއިރު ރެދަން ފަދައިން އަލިކުރާ ކުޑަކުޑަ ކޮކާލެއް
އަލިފާންއެޅުން
މ (1) ދެއެއްޗެއް ޖައްސައިގެން ނުވަތަ ބިއްލޫރި ގަނޑަކުން އިރުގެދަޅަ އެއްޗަކަށް އަޅުވައިގެން އަލިފާން ރޯވާގޮތްހެދުން (2) ހޫނު އުހައްދައިގެން އަލިފާން ރޯވާގޮތްހެދުން
އަލިފާންވުން
މ (1) އެއްޗެއް އަނދައިގެން އަލިފާނަށްވުން (2) މަޖާޒު: މާގަދައަށް ރުޅިއައުން
އަލިދަނޑި
ނ އަލިފާން ދަނޑިފަދައިން ދަނޑީގެ ކޮޅުގައި ބޭސްލައިފައި ހުންނަ ރޯކުރީމާ ސާފުތާހިރު އަލިވާދަނޑި މީގެކިތަންމެ ކުލައެއް ހުރެއެވެ
އަސްކަރު
ނ އައްސުލްޠާނުލް ޣާޒީ މުޙައްމަދު ތަކުރުފާނުލް އަޢުޒަމް ސިރީސަވާދީއްތަ މަހާރަދުން ރާއްޖެ އިސްލާމު ކުރެއްވުމަށްފަހު ބައެއް ރަށްރަށު މީހުން ނުކިޔަމަންތެރިވެގެން އެކަން ހަމަޖައްސަވާން ހަވަރުގެ ތެރެއިން އެކިބައިމީހުން އެކިރަށްރަށް ފޮނުއްވިއިރު އުތުރުގެ ރަށްރަށަށް ފޮނުއްވި މީހުންެ. އެމީހުން ދިޔަ ރަށްރަށް އެމީހުންނަށް ދެއްވީއެވެ. އަސްކަރުންގެ އޮންނަނީ ދޮށިމޭނާގެ ހަކުރާގެ މާފަތްގެ ވެލާނާގެ ދަހަރާގެ މިފަސްގެއެވެ ފަސްގެ އެކުގައިނަމަ ކިޔަނީ "ފަހޮޅި" އެވެ ވަކިވަކީންނަމަ "ގެ" އެވެ އެހެނިހެން އޮޅިމެދެކޭ އެއްފަދައިން އަސްކަރުންނަށްވެސް މާލޭގައި ކުރަންޖެހޭ ވަކިވަކި ކަންތައްތައް ހުރެއެވެ
އަސްތަބީލާ
ނ އަސް ބައިތިއްބަން ހަދައިފައި ހުންނަ ތަން
އާންމަ
ނ (1) ޢާންމު (2) އާދައިގެ
އާދިޔާމު
ނއ އާދައިގެ
އާޖު
ނ (1) އީވަޖު (2) އިހުޒަމާނުގައި އުޅުނު ކަމަށްބުނާ އިސްކޮޅުން މާދިގު މީހެއް މަޖާޒު: (3) އާދައިގެ މީހުނަށްވުރެ ދިގުމީހާ
އިރައިލުން
މ (1) ވީދައިލުން (2) ފަޅައިލުން
އިރުވައިސައިތާނު
ނ ގުޑިއަރުވާއިރު އެއްލަން ހަދާ އެއްޗެއް މިހުންނަނީ އެކި ސިފަސިފައަށް ވަށައިގެން އެލުވަ އެލުވާފައެވެ މިއަށް ސައިތާނު ކިޔަނީ މިހަދައިފައި ހުންނަ ގޮތަކުންނެވެ
އިތާ
ނ (1) އެންދެރި ގަހުގައްޔާއި މޫދުގައި ރިނދަހެން އެތެރޭގައި މަސްލާފައި ހުންނަ ދިރޭ އެއްޗެއް މުތް ހުންނަނީ މީގައެވެ މިހުންނަނީ ރިނދަލިހެން މާބޮޑެތިކޮށެވެ (2) އިތައެއްގެ އެއްފަޅީގެ ސިފާގައި ނަޖިސް ނަގާން ޖަސްތު ފަދަ އެއްޗަކުން ހަދައިގެން ގެންގުޅޭ އެއްޗެއް
އިލޮށިކުނައު
ނ ހިމަކޮށް މަށައިފައި ހުންނަ އޮނުތަކަކުން ދޯހަޅިކޮށް ހަދައިފައި ހުންނަ ފަރުދާ
އިސްކިރީން
ނ (1) ގިއުގަނޑެއްގައި ފަތިޖަހައިގެން ހަދައިފައި ހުންނަ ބިތްގަނޑު (2) ބައިސްކޯފުގެ ތަސްވީރު އަރާ ފަރުދާ
އިސްފިރޭނު
ނ އިސްޕިރޭނު ނަރު ނުވަތަ ހިމަ ދަގަނޑު ވަކި ގޮތްތަކަކަށް އޮޅައިގެން ހަދައިފައި ހުންނަ ވަރުގަދަ ފަންވަރަކާއި ބާރެއް ލައިފައިވާ އެއްޗެއް
އިސްޓޭމްޕް
ނ (1) ޕޯސްޓުން ފޮނުވާ އެއްޗެހީގައްޔާއި ރަސްމީބައެއް ލިޔުން ތަކުގައްޔާއި އަދިވެސް އެފަދަ ބައެއް އެއްޗެހީގައި ހިއްޕަން ހަދައިފައި ހުންނަ އެއްޗެއް މިއީ އެއްފަރާތުގައި ތެރަސްލާފައި އަނެއްފަރާތުގައި ބައެއް ކުރެހުމާއި އަގުޖަހައިފައި ހުންނަ ޗާޕްކުރި ކަރުދާސްކޮޅެއް (2) އިސްޓޭމު
އިސްޓޭޖް
ނ (1) ކުޅިވަރު ކުޅުންފަދަ ކަންތައްތަކަށް ހަމަބިމަށްވުރެ އުސްކޮންތައްޔާރު ކޮށްފައި ހުންނަތަން. )މިފަދަތަންތަން ގިނައިން ހަދައިފައި ހުންނަނީ ފިލައިންނެވެ.( (2) ތަގުރީރުކުރުން ފަދަ ކަންތަކުގައި ގިނަމީހުންނަށް ފެނުން ފަސޭހަވުމަށްޓަކައި އެކަމެއް ކުރާމީހާ އަރައިހުރުމަށް ހަދައިފައި ހުންނަ އެއްޗެއް. (3) ތަޢުލީމު ކުޅިވަރު ބަލިބަލިފަދަ ކަންތަކުގެ އެކިއެކި ދަރަޖަ