radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ނަޚުދާ
ނ އޮޑިފަހަރާއި ބަނގަލާ ބޯޓުފަހަރުފަދަ ތަކެތީގެ ނެވިމީހާ
ނަޞޭޙަތްދިނުން
މ މީހަކަށް ހެޔޮމަގެއް ދެއްކުމަށްޓަކައި އޯގާވެރިކަމާއެކު އެމީހަކާ ވާހަކަދެއްކުން
ނަޞޭޙަތްތެރިވުން
މ މީހަކަށް ހެޔޮއެދިގެން ނަސޭޙަތުގެ ގޮތުން ވިސްނައިދިނުން
ނަޞްރާނީން
ނ (1) ޢީސާއީދީނުގެ މީހުން (2) ޢީސާއިން (3) ނަޞާރާއިން
ނާ
ނ (1) ނައު. (2) ނަވު. (3) އކ. ސުވާލާ ދެކޮޅަށް ދޭޒުވާބު. ނުވަތަ ޒުވާބުގެ ކުރީގައި ބުނާ އަކުރެއް. މިސާލު: "ކަލޭނުކާނޫތަ؟" އެހީމާ "ނާ" ބުނެފިނަމަ އެބުނީ ކާނަމެވެ. މިއަކުރު ޒުވާބުގެ ކުރިއަށް ގެންނަ ގޮތަކީ "ކަލޭނުކާނޫތަ؟" އެހީމާ "ނާ" ކާނަންމިއެވެ. (4) ޗާނދާލައިފައި ހުންނަ ހަތަރެސްކަން ރިޔާ ނުވަތަ ގޯސީނަގައިގެން ދުއްވާތަކެތި. (5) ބައެއް ބަސް އެބަހުގެ އިދިކޮޅު މާނައިގައި ބޭނުންކުރާއިރު ބަހުގެ ކުރިއަށް ގެންނަ އަކުރެއް. މިސާލު: ނާއުންމީދު ނާތަހުޒީބު
ނާށިތެޅުން
މ މީހުން ގޮއްވާ ދެރަކުރުމަށް އެމީހާގެ ކައިރީގައި ދެނާށިތެޅުން
ނާށިލުން
މ (1) އޮއްޓަރު ފަދަތަކެތީގެ ބޭރުގައި އޮންނަ ޅަތޮށި ހަރުވުން (2) ފާރުގަނޑުގެ ވަށައިކައިރި ބޭރުން އަސަރު ނުކުރާހައި ހަރުވުން (3) ފޭރާއި އަދިވެސް ބައެއް މޭވާ ގަހުގައި ހުންނައިރު ވާލާއި މީދަލުން ރައްކައުތެރި ކުރުމަށްޓަކައި މޭވާގެ ބޭރުން ދެނާށި ލައިމޭވާ ފޮރުވުން (4) މަޖާޒު: މީހަކު އެއްކަމެއްކުރާތާ ގިނަދުވަސް ވެގެން އެކަމަކަށް ހޭނުން (5) މިންވަރަށް ވުރެން ހަރުމީހަކަށް ހެދިގެން އުޅުން
ނާށިގަނޑު ކުކުޅު
ނ (1) ސީނުކުކުޅު (2) ގިނިކުކުޅު (3) ކަޅުނޫކުލައިގައި ހުދުކުލައިގެ ތިއްތިއް ޖަހައިފައި ހުންނަ ބިންމަތީ އުޅޭ ދޫންޏެއް މީގެ ބުރިކަށިމަތި އޮންނާނީ ތާވައްކާށި ނާށިގަނޑަކާ އެއްބައްޓަމުގައެވެ
ނާނާ
ނ (1) ހަމައެކަނި އަޑުން އަޅުވާލާ ރާގު މިސާލު: ނާނަޔޭނާނާ އޫނ އޫނ އޫނ (2) ކުދިން ނިންދަވަން ކިޔާލަވަ (3) އ ނޫނެކޭ ބުނުން ގަދަކުރުމަށް ބުނާގޮތް (4) މަޖާޒު: ކިޔާއެއްޗެއް ނުފިލާގޮތަށް ނުވަތަ އަޑުއަހާމީހުން ފޫހިވާ ގޮތަށް ދައްކާވާހަކަ (5) ކިޔާއެއްޗެއް އޮޅުން ނުފިލާގޮތަށް ކިޔާ އެއްޗެހި
ނާނު
ނ (1) ފާރޮށި އުދުނުގައި ގޮދަން ފުށުން ފިހާ ބޯކިބަލެއްގެ ބައްޓަމަށް އޮންނަ ކަމީރު ރޮއްޓެއް (2) )ސ ( މަހުގެ ހަން ދެމީމާ މަސްގަނޑުގެ ޅިޔަތައް މަތީގައި ހުންނަ ކަޅުކުލައެއްގެ ހިމަ ފަށްތަކެއް
ނާރާ ހަނދުގައި ކޭތަ ހިފުން
މ މަޖާޒު: ހިލޭއަންހެނަކު ގޮވައިގެން މީހުން ނޫޅޭ ތާކު ހުރުން
ނާރު
ނ (1) ސިކުނޑިއާ ހަށިގަނޑުގެ އެހެންބައިތަކާ ގުޅައިދޭ މުވާސަލާތީ ވިއުގައިގައި ހިމެނޭފަށް (2) ލޭ ހިންގުމުގެ ނިޒާމްގައި ހިމެނޭ ހޮޅި (3) އަތްފައިގެ ހުދުހަމުގައި އެހަމުގެ ކުލަޔާ ތަފާތުކޮށް ހުންނަ ގުދުރަތީ ރޮނގު (4) ކާނާއާއި ފެންދައުރުކުރުމަށް ގަސްގަހާގެހީގެ ފަތުގައި ހުންނަ ފަށް (5) ގަސްގަހުގެ ފަތުގެ ބޭރުފުށުގައި އުސްކޮށް އެހުންނަ ފަށްފަށާއި މީގެ ބަނޑުފުށުގައި ހުންނަ ރޮނގު
ނާރޯޒު
ނ (1) ފާރިސީންގެ ޤައުމީ ޢީދުދުވަސް (2) އިރުގެ ދައުރުކުރުމުގެ ގޮތުން ބަލާއިރު އަހަރު ފެށޭ ދުވަސް
ނާބަ
ނ މަޣްރިބު ނަމާދަށް މާލޭ ހުކުރު މިސްކިތު މުންނާރުން ބަންގި ގޮވާ ނިމުމާއި ވިދިގެން ނާބުސްޚާނުން ޖަހައި އުޅުނު ބެރު. ރަސްމީ ބެރުޖެހުން އޮންނަރޭރެއަށް ނާބަ ޖަހައި އުޅުނީ އެބެރުގެ ފަހުގައެވެ. ބޮޑުދެހިތީގައި ޖަހާއުޅުނީ ހިތިގެދޮށުގައެވެ. ރަޖަބު ރަމްޟާން ޝައްވާލު މިމަސްމަހަށް ހަނދުބަލާރޭރޭ މިބެރުޖަހައި އުޅުނީ ބަޑިޖެހުމުގެ ފަހުގައި ނުވަތަ ހަނދު ފެނުނުކަން އެގުނީމައެވެ
ނާބަންނަހުއި
ނ އޮނުހުއި ވައްތަރަށް ހެދޭހުޔެއް މީގެ މާގަނޑުގެ ބައްޓަން ކުދިބަތުގެ ކުރަޔާ ވައްތަރުވާނެއެވެ
ނާބުސްޚާނު
ނ ރަސްކަމުގެ ދުވަސްވަރު އާދަވެގެން ރަސްމީބެރުޖަހައި އުޅުނުތަން މިތަންހުރީ ހިތްތަން ދޮރޯށީގެ މަތީގައެވެ މިތަންހަދައިފައި ހުރީ ބޯކު ދޮރުތަކެއް ލައިފައި ހުންނަދިގު ކުޅިބަލާ ގެއެއް ހެންނެވެ މިތާގެ އިރުމަތީބަޔަށް ކިޔަނީ ނާބުސްޚާނެވެ
ނިކަ
ނ (1) އަޅޯފައިބާ ބިޔަގަހެއް (2) ނިކަ ގަހުގެ މޭވާ މީގެ ރަތްކުލަޔާ ދޮންކުލަހުރެއެވެ
ނިއަމި
ނ ނިއަމިކަން ދަންނަމީހާ
ނިއަމިކަން
ނއނ (1) މާލިމީކަން (2) ފިލާއަޅައިގެން ދަތުރު ކުރަން އެނގޭ ޢިލްމް
ނިވައި
ނ (1) ތަނެއްގެ ނުވަތަ އެއްޗެއްގެ ވައިދަށް (2) މަޖާޒު: މީހެއްގެ ފަރާތުން ލިބޭ ރައްކައުތެރިކަން