radheef.info
ރަދީފު


މަޖާ
ނ (1) އުފާވެރިކަން އެކުލެވިފައިވާ ކަންތައްތައް. (2) ރިހާކުރާއި ހުތާއި ގިތި ފަޅޯ ފަދަ އެއްޗެހި އެއްކޮށްގެން ހަދާ ވަރަށް ކުޅިގަދަ އެއްޗެއް (3) ނއ އުފާވެރިކަން އެކުލެވިފައިވާ
ކައިދާ އެޅުވުން
މ (1) ލަގަން ހަރުކުރާން އަނގަޔަށް ދަގަނޑު ގަނޑެއްލެއްވުން (2) މަޖާޒު: ކިޔަމަން ކުރުން (3) ކިޔަމަންވާނެ ގޮތް ހެދުން (4) ކޮންމެ ގޮތެއްވިޔަސް އެއްޗެއް ބުނަން ނުކެރޭނެގޮތް ހެދުން
ކައްކޮޅު
ނ (1) ބާވެ ގިނަ ދުވަސްވެފައި ހުންނަ ފޭރާމާއި ފޮތްފަދަ ތަކެތި (2) މަޖާޒު: މާބޮޑަށް މުސްކުޅިވައްތަރުޖަހާ މީހާ
ކައްވާދުކެނޑުން
މ (1) ވަޑާމުގެ މަސައްކަތުގައި ދެލަކުޑިގަނޑު ފައްތަރުކުރަން ނުވަތަ އެއްޗެއް އެތަނަކަށް ފައްތަން ކަނޑައި އަޑިކުރުން. (2) ބައެއްމަސައްކަތް ކުރާއިރު ފޮތިފަދަ އެއްޗެހީގައި ފާހަގަކުރުމަށް ވީ އަކުރެއްހެން ތަންކޮޅައް ކަނޑައިލުން (3) މަޖާޒު: ތުންފަތް އަނގައިގެތެރެއަށްލައި ލައްޕައިލުން
ކައްޕުކެނޑިތަން
ނ މަޖާޒު: ޚިތާނުކުރީމާ ޒަކަރުން ފާޅުވާ ހިސާބު
ކައްޕުކެނޑުން
މ (1) ކައްވާދެއްކެނޑުން (2) ފަށަލައެއްހެދުން (3) މަޖާޒު: ޚިތާނުކުރުން
ކައްޗާއެޅުން
މ (1) އެއްލައިފައި އޮންނަ ގުޑިއާއި މަޑިފަދަ ތަކެތި ކައްޗާދުވާން އަރިވުން (2) މަޖާޒު: މީހާ ހުންނަގޮތަށް ނުހުރެ އެކި އަތްއަތަށް ދިއުން
ކަވާ ޖަހަންވެފައިހުރި މީހަކު ތޮށިމައްޗަށް ވެއްޓުން
)މިސާލުބަހެއް( (1) ލޭ ނުބައިވެފައިހުރި މީހަކު ތޫނު ގާތަކެއްގެ ތެރެއަށްވެއްޓި ތަންތަންކެނޑި ލޭނުކުތުން. (2) މަޖާޒު: ތިމާގެ އެދުން ފައުޅުކުރުމަކާ ނުލައި ބޭނުންކަމެއް ފުދުން
ކަމަރީވުން
މ (1) އަންހެނުންގެ ޒުވާންކަން ދިއުން (2) ބައެއްތަކެތި ބާވުން (3) މަޖާޒު: މީހަކުހުރި މަޤާމުން ދަށަށް ދިއުން
ކަމަރުބަނދެލުން
މ މަޖާޒު: ކަމަކަށް ކުރިމަތިލުމަށް ތައްޔާރުވުން
ކަމަރުބަނުން
މ މަޖާޒު: ހިތްވަރާއިއެކު ކަމަކަށް ކުރިމަތިލުމަށް އަޒުމް ކަނޑައެޅުން
ކަމަކަށްވުން
މ މަޖާޒު: (1) ކަމެއް އެކަމެއްގެ ޒާތުގައި ވާނެއޭ ހީވާ ވަރަށް ވުރެ ބޮޑުވުން (2) މާކުޑަކަމެއް މާބޮޑުކަމެއްގެ ގޮތުގައި ނިމިގެން ދިއުން
ކަމާލުކުރުން
މ (1) ތަނެއްގައި އެއްޗެހިތަކެއް ހަމަޖައްސައި ބެހެއްޓުން (2) މަޖާޒު: މުދާތަކެއް އަމިއްލަކުރުން
ކަފަ
ނ (1) ގަހެއްގައިއަޅާ ވަކެއްގެތެރޭގައި ހުންނަ ކެހެރިވައްތަރުގެ ހުދުކުލައިގެ ހާވިޔާއެއްޗެއް. މީގެ ދެވައްތަރެއްހުރެއެވެ. އެއްވައްތަރު ބޭނުންކުރަނީ ފޭރާން ވިޔުމަށާއި ރޮދިއުފެއްދުމަށެވެ. އަނެއްވައްތަރެއް ބޭނުންކުރަނީ ބާލީހަށާއި ގޮދަޑިފަދަތަކެއްޗަށް ލެއްވުމަށެވެ. (2) ބައެއްމޭވާ ފީވެގެންޖަހާ ކަފަހެން ހުންނަފޫ (3) ދަންޑެހެލު ބޭކަލުންނަށް ވީއްލިފައި ހުންނަ ކަލާސީމީހާ (4) ހަވަރުގެ އެކިއެކި މަސައްކަތް ކުރަންވީމާ ދޮށިމޭނާބޭކަލަކު ބޮޑުބޭކަލުންނަށް އަންގާ ފޮނުއްވުމަށް ހުންނަމީހާ (5) މަޖާޒު: ޖަމާޢަތެއްގެ ނުވަތަ ގެއެއްގެ މީހުންކުރެ އެންމެ ބަސްނުވިކޭމީހާ
ކަފަބަނޑިޔަލަށްއަތްބޭނުން
މ މަޖާޒު: (1) އިނދެގެންއުޅޭމީހާ މަރުވީމާ ފަހަރިޔާ އިންނާން އުޅުން (2) ފަހަރިޔާ މޮށުން
ކަފަބުރު
ނ (1) ނޭފަތް ނުވަތަ ކަންފަތް ފަދަ ތަންތަން ސާފުކުރަން ކަފަކޮޅެއް އޮޅައިފައި އޮންނަ އިލޮށިކޮޅު ނުވަތަ ޕްލާސްޓިކްކޮޅު (2) މަޖާޒު: ތެމި ފޯވެފައި ހުރިމީހާ (3) )ސ ( ބުރަފަތިވިނަ
ކަފަވުން
މ (1) ބައެއްތަރުކާރީއާއި މޭވާ ގިނަދުވަސްވެގެން ތާޒާކަން ކެނޑި މޭލިވުން (2) ގިނަދުވަސްވުމުގެ ސަބަބުން ކާށިމުޑީގެ ފުށްކަން ކެނޑި ދެރަވުން (3) މަޖާޒު: މުސްކުޅިވެ ވަރުދެރަވުން
ކަފާސް
ނ (1) ލިޔާ ދަވާދު އަޅާއިރު އޭގެ ތެރެއަށްލާފައި އޮންނަ ރޮދި ބޮނޑި ނުވަތަ ފޮތިކޮޅު. (2) ކަރުދާހާއި އަނބުރާފައި ހުންނަ ރޮދިފަދަ ތަކެތި ގެންގުޅެ ގެންގުޅެ ނުވަތަ ބޭނުންކުރެވޭ ގޮތުން ރޫޅޭގޮތް ވެގެންވާ ދެރަ (3) ރަބަރުތައްގަނޑު ޖަހަން ބޭނުންކުރާ ދެލިން ފޯކޮށްފައި އޮންނައެތި (4) މަޖާޒު: މަސައްކަތް ކޮށްކޮށް އެކަމެއް ނުވެވިގެން ހިތްވަރު ދެރަވެގެންވާ ވަރުބައްޔެއް
ކަފާސްވުން
މ (1) ކަރުދާހާއި ބަރަނި ފަދަ ތަކެތި ގެންގުޅެ ގެންގުޅެ ނުވަތަ ބޭނުން ކުރެވޭ ގޮތަކުން ރޫޅޭގޮތްވުން. (2) މަޖާޒު: މަސައްކަތެއް ކުރާންއުޅެ އެކަމެއް ނުވެވި ވަރުބަލިވެގެން ހިތްވަރު ދެރަވުން
ކަފު
ނ (1) ފުރާދުއްވާ އެއްޗެއްސާ ގުޅިގެން ފަހަތް (2) ފުރާ ދުއްވާ އެއްޗެހީގެ ފަހަތުގައި އެހެން އެއްޗެއް ގުޅައިލާ ގުޅުން (3) މަޖާޒު: މީހެއްގެ ފަހަތުން އަބަދުހެން މީހަކު ހިނގާ ހިނގުން
ކަފުޖެހުން
މ (1) ކުރީގައި އޮތް އުޅަދެއްގެ ބާރުގައި އެހެން އެއްޗެއް ގެންދިއުމަށްޓަކައި އެއުޅަނދުގެ ފަހަތުގައި އެއެއްޗެއް ގުޅައިލުން (2) މަޖާޒު: ދާއިމީ ގޮތެއްގައި މީހެއްގެ ފަހަތުން ހިނގުނު