radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ހާޖީބަންޑާރައިން
ނ އައްސުލްޠާނު މުހައްމަދު ޣިޔާޘުއްދީނު )ޝަހީދުކުޅަ ބަންޑާރައިންނަކީވެސް މިއީއެވެ
ހިހޫކުޅުބުރުވުން
މ ބާވަތެއްގެ މޭނުބައިކުރުމަކާއި އެކު ކުޅު ދިޔާވުން
ހިހޫއެނބުރުން
މ " ހިހޫ " އެވެ ކިޔާ އޮޅު އެޅުން
ހިހޫވުން
މ (1) ހޫނުކަން ކުޑަވުން (2) ފިނިހޫނުކަން އެއްވަރުވުން
ހިހޫލުން
މ ކުނބު ނަގައިފައި ހުންނައިރު ކުނބު ވަނޮޅުން މައްޗަށް އެރިޔަނުދިނުމަށް އޮޅު އެޅުން
ހިނބޫ
ނ )ސ ( މެދުފަޅާއި ފަރާއިގުޅޭ ފަޅުމަތީގައި އުޅޭ ގަދަމުށި ކުލަިއގެ ކުރެހުމެއްހުންނަ އަދި ކަރުތާ ފަތްގަނޑުގެ ފަހަތުބައިގެ ތިރީކައިރީގައި ދެކަށިހުންނަމަހެއް މިމަހުގެ ސިފަ ލަނޑައާއި ވައްތަރު ވެފައި ހުޅުނބު ހުންނާނެއެވެ
ހިނދުން
މ (1) ކެކިކެކިފެން ހުސްވުން (2) ދިޔަވަރު އަޑިވުން (3) އޮއްވަޅު ކުޅޭއިރު ހުސްވަޅަކަށް އަތްހުސްވުން މަޖާޒު: ކަމެއް ކުރަމުންގޮސް ގަސްތުކުރި ގޮތަށް ނުވެވި އެކަމެއް ހުއްޓުން (4) ކަނޑުގައި ހިފާވަރަށް ވައިރޯޅި ނެތުން (5) ފުފިފައި ހުރި އެއްޗެއް ހައިވުން (6) ރޮމުން ރޮމުން ނުވަތަ ހެމުން ގޮސް ނޭވާނުލެވޭ ވަރުވުން (7) ދިޔާއެއްޗެހި އާތްވަށް އަރާހުސްވުން
ހިނދޫ
ނ )ބ ( (1) އާރުނުލާވަރުގެ ލަކުޑި (2) ގަސްގަހުގައި ގަންނަޅަވަކި (3) )ޅ ( ޅަނދޮޅު މިސާލު: މިގަހުގެ އެންމެ ހިނދޫ ކުރި
ހިނދޮޅި
ނ ރުކުގައި ހުންނަ ފަނުގެ ބުޑުގެ އެތެރެ ފަރާތް
ހިނގަހަލި
ނ (1) ދާބަންނަރޮދި އޮޅައިގެން ގެންގުޅޭ އެތި (2) ކިނާރީ ވިޔަން ކަސަބު އޮޅައިގެން ގެންގުޅޭއެތި
ހިނގައިލުން
މ (1) ވައިޖައްސައިލާން ނުވަތަ ހިތްފަސޭހަކޮށްލަން ގެއިން ބޭރު ކޮންމެވެސް ތަނެއްގައި ހިނގުން (2) ކަމަކަށް ތާޢީދު ކުރުމުގެ ގޮތުން ނުވަތަ ކަމަކާ ދެކޮޅު ހެދުމުގެ ގޮތުން ގިނަބަޔަކު އެކުގައި ހިނގުން
ހިނގާކޮށި
ނ (1) އެތެރޭގައި ހުރެގެން ދެފަރާތުގައި ހިފަހައްޓައިގެން ހިނގޭނެގޮތަށް ހަދައިފައި ހުންނަ އެއްޗެއް (2) ކުދިންނަށް ހިނގާން ފަރިތަކޮށްދޭން ހަދައިފައި ހުންނަ ބާވަތެއްގެ ގާޑިޔަލެއް
ހިނގާޞަލަވާތް
ނ އިހުގައި ސަރުކާރުގެ ފަރާތުން ޒިޔާރަތް ޒިޔާރަތްދޮށުގައި ކިޔެވި ޞަލަވާތް. މިޞަލަވާތް ކިޔަވައި އުޅުނީ ކޮންމެ ދުވަހަކު ޒިޔާރަތެއް ދޮށުގައެވެ. މާލޭގައި ހުރިހާ ޒިޔާރަތްވަށާ ޖެހުނީމައި އަނެއްކާ ފަށަނީއެވެ މިކަމަށް ގެންދާ ކޭން ކައްކަނީ ކަބާފާނު ގަނޑުވަރުގައެވެ
ހިނގުން
މ (1) ދިރޭތަކެތީގެ ތެރެއިން ހަތަރެސްފައި ހުންނަ ޖަނަވާރާއި ދެފައި ހުންނަ ތަކެތި ފައިގެބޭނުންކޮށްގެން ކޮންމެވެސް ކޮޅަކަށް ދިއުން (2) އިރުހަނދާއި ތަރިތަކާއި ފަލަކުތައް އެނބުރުން (3) މެޝިނާއި އިންޖީނުގެސޯބުތައް އެނބުރި އެނބުރިހުރުން (4) ދުނިޔޭގެ ކަންތައް ވޭވެހުރުން (5) ހެލިހެލި ހުރުން މިސާލަކަށް: ގަޑީގެ ބަރު ހިނގުން (6) ޖައްވީ އުޅަނދުން ބޭރުގައި ހަވާގެ ތެރޭގައި އިންސާނުން އެއްތަނުން އަނެއްތަނަށް ދިޔުން (7) ލެޔާއި ފެންފަދަ ތަކެތި ހޮޅިހޮޅީގައި ނުވަތަ ނާރުތަކުގެ ތެރޭގައި ދައުރު ކުރުން (8) ފެންފެންގަނޑާއި ކޯރުކޯރާއި ކަނޑުގައި ފެނާއި އޮއި ދަތުރު ކުރުން (9) ޢާންމުކޮށް ގަބޫލުކުރުން )01( ހަލުއިކޮށް ވިކުން
)ޢަސްކަރުންގެ ބައިތަކު ތެރެއިން ބަޔެއް( ހިނގުރަންނައޮޅި
)ބދ ( އަސްކަރުންގެ އޮޅިއެއް
ހިނައިގަތުން
މ (1) ޝަރުޢީގޮތުން ފެންވެރުން (2) ބޮޑު ޙަދަޘު އެރެގަތުން
ހިނި
ނ (1) ބިންގަނޑުގައި ހަރުކޮނެގެން އުޅޭކުޑަކުޑަ ސޫތްޕެއް މީގެ ބާވަތްތައް ވަރަށް ގިނައެވެ (2) މޫނާއި އަނގައިން ފައުޅުވާ އުފާވެރިކަމުގެ އަސަރު
ހިނިހަރުބަވާސީ
ނ ގިނަ އަނގަތަކެއް ލައިފައި ހުންނަ މު ލިހި މިމުލިހި ޖަހަނީ ފުރަގަސް ފަރާތުގައެވެ
ހިނިވަރުނަ
ނ އެންމެ މާތް މީހުން ހޭ ހިނި މިބަސް މިހާރު ބޭނުންކުރަނީ ރަސޫލުﷲ ޞައްލަﷲ ޢަލައިހިވަސައްލަމައަށް ނިސްބަތްކޮށް ލިޔާލިޔުމާއި ދައްކާ ވާހަކަ ދެއްކުމުގައެވެ
ހިނިވަރުނަކުރެއްވުން
މ އެންމެ މާތް މީހުން ހޭ ހުނުން މިބަސް މިހާރު ބޭނުންކުރަނީ ޚާއްސަކޮށް ރަސޫލުﷲ ސައްލަﷲ ޢަލައިހިވަޞައްލަމައަށް ނިސްބަތްކޮށް ލިޔާލިޔުމާއި ދައްކާ ވާހަކަ ދެއްކުމުގައެވެ