radheef.info
ރަދީފު


އެކު
ނއ (1) ހުރިހައި (2) މިލިފައިވާ (3) އެކީގައި
ލެއްގުން
މ (1) އެއްޗެއްގެ ތިރިފޭކޮށް މަތި ތަނެއްގައި ޖެއްސުން (2) އޮޔާއި ވަޔާއެކު އައިސް ގޮނޑުދޮށަށް ބީހުން (3) މަޖާޒު: ބުރައެއް އުފުލުމަކާ ނުލައި އިއްތިފާގުން ކަމެއް ނުވަތަ އެއްޗެއް ލިބުން
ލޮނުހުރުން
މ މަޖާޒު: (1) ފޯރިހުރުން (2) ޖޯޝްހުރުން (3) ޙަރަކާތްތެރިކަން ހުރުން (4) ޖިންސީ އެދުންވެރިކަމުގެ ތެރޭގައި ޖޯޝާއެކު ޙަރަކާތްކުރުން )މިބަސް ބުނެއުޅެނީ އަންހެނުންނާ މެދުގައެވެ
ލޮނުމިރުސް
ނ ހިކިމިރުހާއި ފިޔަޔާއި ލޮނުމެދާއި ހިކަނދިފަތް ކުޑަލޮނުކޮޅަކާ އެކު ފުނޑައި ހިމުންކޮށް ތައްޔާރުކުރާ މިރުސް
ލޮނޮދެލަލުން
މ ގަސްގަހާ ގެއްސަށާއި ތަންތަނަށް ވަޔާއެކު ލޮނުގެ އަސަރުފޯރުން
ލޯ
ނ (1) ދިރޭ އެއްޗެހީގެ ހަށިގަނޑުގައި ލައްވައިފައިވާ ފެނުމުގެ ބާރު އެކުލެވޭ ގުނަވަން. (2) ލޮއި. (3) ކާށީގެ މޫނުމަތީގައި ވަށްކޮށް ހުންނަ ތިންތަން ރުއް ފަޅަނީ މި ތިން ތަނުން ކުރެ ބޮޑުކޮށް ހުންނަ ތަނުންނެވެ
ލޯއެޅުން
މ ނުރުހުމާއެކު ބެލުން
ލޯގަނޑު
ނ (1) މޫނު ބެލުމަށްޓަކައި ތައްޔާރުކޮށްފައި ހުންނަ ރަހަލީ ބިއްލޫރި (2) ލޮއިން ހަދައިފައި ހުންނަ ކަންވާރެއް މިއީ އެކިއެކި އެއްޗިހި ކައްކަން ބޭނުންކުރާ އެއްޗެކެވެ (3) ނަމޫނާ ކުރަޔާ އެކުގައި މީހުން އަތް ދޮއްވައި ކޯދޮއްވައި ހަދަން ގެންގުޅޭ ކަންވާރު (4) ލޯ ތާނެއްގެ ބައެއް
ގަންޖާ
ނ ހިމަކޮށް ވާކޮށް ހެދޭ ގަހެއްގެ މާގަނޑާއެކު ހިއްކައިފައި ހުންނަ ފަތް. މިބޭނުންކުރަނީ މަސްތުވުމަށްޓަކައި ސިނގިރޭޓުގެ ގޮތުގައި ބުއިމަށެވެ
ގަރާރުވުން
މ (1) ހަމަޖެހުން (2) އެއްޗެއް އަށަގަތުން (3) މަޖާޒު: އެކުގައި ހުންނަންވީ އެއްޗެއް ވަކިވަކިވުން މިސާލު: ވެއްޓިޖެހުނުލެއް ބާރުކަމުން އަރިކަށީގެ ކަށިތައް ގަރާރުވެއްޖެއެވެ
ގަރާރުވެހުރުން
މ (1) ކަމެއްގައި ހަމަޖެހުމާއިއެކު ސާބިތުވެހުރުން (2) ސާބިތުކަމާ ހަމަޖެހުން ލިބިގެންވުން
ގަދަކުރުން
މ (1) ފަރުވާދީ ފަސޭހަކުރުން (2) ބަލިތަނެއްގެ ބަލިކަން ކެނޑުވުން މިސާލު: ފުޅައް ބަލިވެފައިހުރީމާ ގަދަކުރަން މުޑިޖެހުން (3) މަޖާޒު: ބޭނުންވުމާއެކުވެސް ބޭނުންނުވާގޮތް ދެއްކުން (4) ތިމާގެބަސް އެހެން މީހުންގެ މައްޗަށް ހިންގުން (5) ތަނަކަށް ވެރިވެގަތުން (6) ވިއްސާރަވެ ވައިގަދަވުން
ގަދަކޮށްލުން
މ (1) ވަރުގަދަވާނެގޮތްހެދުން (2) ތަނަކަށް ވެރިވެގަނެގެން އުޅުން (3) މަޖާޒު: ބޭނުންވުމާއެކުވެސް ބޭނުންނުވާގޮތް ދައްކައިގެން ކަމެއް ކުރުވުން ނުވަތަ އެއްޗެއް އަތުލުން (4) ތަނަކަށް ވެރިވެގަތުން (5) މާބޮޑަށް ވިއްސާރަކޮށް ވައިގަދަވުން
ގަސް
ނ (1) ބިމުން ފަޅައިގެން ބިމަށް މޫލައި ހެދޭ އެއްޗެއް މީގައި ގަސްކަނދަކާއި މުލާއި ފަތް އެކުލެވެއެވެ މިއީ ތަފާތު އުސްމިނަށް ތަފާތު ވައްތަރު ވައްތަރަށް ހުންނަ އެއްޗެކެވެ މީގެ ތެރޭގައި ބޭހަށާއި އިންސާނުންގެ ކެއުމަށާއި ލަކުޑިއަށާއި ދަރަށް ބޭނުންކުރާ ބާވަތްތައް ހިމެނެއެވެ އިންސާނުންގެ ކެއުމަށް ބޭނުންވާ މައިގަނޑު ބައިތައް ލިބެނީ މިއިންނެވެ (2) ފެނުގައި ހެދޭ މުލާއިފަތާއި ގަސްކަނދު ހުންނަ ބާވަތްތައް (3) ގަސްގަހުގެ ސިފައިގައި ހަދައިފައި ހުންނަ އެއްޗެހި
ގަޑުބަޑު
ނ (1) ތަޣައްޔަރު (2) އަސްލާއި އެހެން އެއްޗެއް އެކުވެފައިވާވުން (3) އޭގެ ޒާތުގައި ހުރިގޮތް ބަދަލުވާ ބަދަލުވުން (4) އުފެދޭ ހަމަނުޖެހުން
ގަޑުބަޑުވުން
މ (1) ތަޣައްޔަރު ވުން (2) އަސްލާއި އެހެން އެއްޗަކާ އެކުވުން (3) ޒާތުގައި ހުރިގޮތް ބަދަލުވުން (4) ހަމަނުޖެހުން އުފެދުން
ގާ
ނ (1) ކެލްސިޔަމް ކާބަނޭޓުން ކަނޑުގެ މާހައުލުގައި އުފެދިގެން ބޮޑުވާ ހަރުއެއްޗެއް. މިއީ އޭގެ އަމިއްލަ ޒާތުގައި އުފެދި ގިނަވާ އެއްޗެކެވެ (2) ރާތަލެއްގެ ހަތަރުބައިކުޅަ އެއްބައި (3) ބައެއްކަހަލަ ތަކެތި ހިކިގެންވާހަރު މިސާލު: އުވަތައް ހުރީ ގާވެފައެވެ (4) ގަސްގަހާ ގެހި ކުރިލަމުން ހެދޭގޮތް ހުއްޓޭ ހުއްޓުން މިސާލު: އެމިރުސްގަސް މިހާރު ގާވެއްޖެއެވެ (5) މަޖާޒު: ކުދިން އުމުރާ އެއްވަރަށް ބޮޑުނުވެ ވާހަރު މިސާލު: އެކުއްޖާއެހެރީ ގާވެފައެވެ (6) ހިތްކޮށި މިސާލު: އެއީ ވަރަށް ހިތްގާ ކުއްޖެކެވެ
ގާތްކަން
ނއނ (1) ކައިރިން (2) ތިމާގެކަން (3) ރަޙުމަތްތެރިކަން (4) އެކުވެރިކަން
ގާތްމީހުން
ނ (1) ތިމާގެ މީހުން (2) ގާތްކޮށް އުޅޭމީހުން (3) އެކުވެރިން
ގާލިހު
ނ (1) އަންހެން ކުއްޖަކާއި ފިރިހެން ކުއްޖަކު ކައިވެނި ކުރުމަށް ދެ ފަރާތުގެ ޢާއިލާގެ ރުހުމާއެކު އެއްބަސްވާ އެއްބަސްވުން (2) އެކަމަށްޓަކައި ބޭއްވޭ ރަސްމިއްޔާތު
ގާލިހުވުން
މ ދެފަރާތުގެ ޢާއިލާގެ ރުހުމާއެކު އަންހެންކުއްޖަކާއި ފިރިހެންކުއްޖަކު ކައިވެނި ވުމަށް އެއްބަސްވެ އެކަން އެކަށައެޅުން