radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ކަހަފަތި
ނ ވަކި ބާވަތެއްގެ ބޮޑު މަހެއްގެ އަނގައިގެ ތެރޭގައި ހުންނަ ފަތި ކަށިތަކެއް: މިއީ ބޭހަށް ބޭނުންކުރާ އެއްޗެކެވެ މީގެ ތެރޭގައި ހުދުކުލައާއި ކަޅުކުލައިގެ އެއްޗެހި ހުރެއެވެ
ކަހުރަބު
ނ ވަރަށް އިހުޒަމާނުގައި ދުނިޔޭގައި ހެދުނު މިހާރު ދުނިޔޭގެ އެއްވެސް ތަނެއްގައި ނުހެދޭ ބާވަތެއްގެ ގަހެއްގެ ކިރު މިއީ އެތައް ޒަމާނެއް ވަންދެން ބިމުގެ އަޑީގައި ހުރެ ފިތިހަރުވެގެން ހެދޭ ރީނދޫ ރަތްކުލައިގެ އެއްޗެކެވެ އަނގޮޓީގައި ޖަހާއެހުގެ ގޮތުގައްޔާއި ތަސްބީހަ ފަދަ ތަކެތި ހަދާށާއި ބޭސްވެރިކަމުގައި މިބޭނުން ކުރެވެއެވެ
ކަށިހިނި
ނ ހިނީގެ ބާވަތެއް މިއީ ކަޅުރަތްކުލައިގެ ހިންޏެކެވެ މިއީ ވަރަށްބާރަށް ދައިގަންނަ ހިންޏެކެވެ
ކަށިނެތްމިޔަރު
ނ މިޔަރުގެ ބާވަތެއް. މިއީ ކަށިމިޔަރާވަރަށް އެއްގޮތް މިޔަރެކެވެ. ނަމަވެސް މި މިޔަރުގެ އުރަހަ ކައިރީގައި ކަށްޓެއްނުހުރެއެވެ. ބުރަކަށިމަތީގައި ދެވަނަ އަށް ހުންނައުރަހަ ފުރަތަމަ އުރަހައަށްވުރެ ބޮޑުވާނެއެވެ. މަތީތަލީގައި ހުންނަނީ ހިމަ ކުދި ތިނޯސް ކަހަލަ ދަތްތަކެކެވެ ދަށުތަލީގައި ހުންނަނީ ފުޅާ ދަތްތަކެކެވެ
ކަށިބުރޮޅި
ނ ބޭހަށް ބޭނުންކުރާ އެއްޗެއް މިއީ ހިކި އުނިއޮށެއް ހެން އޮންނަ އެއްޗެކެވެ މީގެ ބޭރުގައި ކަށިއުންތަކެއް ފަޅައިފައި ހުރެއެވެ
ކަށިބޮލި
ނ )ޏ ( ބޮލީގެ ބާވަތެއް: މިބޮލީގެ މަތީފަރާތުގައި ހުންނަނީ އުންތަކެއްހެން ކަށިތަކެއް ފަޅައިފައެވެ މިއީ މަޑުރަތްކުލައިގައި ކުރީކޮޅަށް ހިމަކޮށް އޮންނަ ބޮއްޔެކެވެ
ކަށިބޯ
ނ މޫދުގައި އުޅޭ ހިޔަމަ އާއިލާގެ ފައިގިނަ އެއްޗެއް މިއީ ފަސްއިނގިލީގެ ބާވަތެކެވެ މީގެ ފައިތަކުގައި ހުންނަކަށިތަކުގެ އަދަދު ގިނަވާނެއެވެ މިއީ ރޯގަލުގެ ދިރޭ ފަށަލަ ކާލާ އެއްޗެކެވެ އެހެންކަމުން ފަޅައިގެން ގޮސްފައި ހުންނަބައި ފެންނާނީ ކަޅު ކުލައިގައެވެ އޭގެ އަޑިން ފެންނަނީ ދަނބުކުލައެވެ މީގައި 8 ފަޔާއި 12 ފަޔާ ދެމެދުގެ ޢަދަދަކަށް ފައިހުރެއެވެ
ކަށިކުނބުރު
ނ ވެޔޮކޮށް ހެދޭ ގަހެއް މިއީ ވަރަށް ކަށިގިނަ ގަހެކެވެ މިގަހުގެ އޮށަށް ކިޔަނީ ލާގުޅައެވެ
ކަށިކެޔޮ
ނ (1) ގޮފިތަކެއްލައިފައި ބޮނޑި އަކަށް ހެދޭ ބިޔަވާ ގަހެއް މިގަހުގެ ފަތް ހުންނަނީ ވަރަށް ދިގުކޮށް ދެފަރާތް އެއްވަރަށް މެދަށް އަޑިވެލާފައި ކޮޅަށް ތޫނުކޮށެވެ. ފަތުގެ ކައިރިފަށުގައްޔާއި މެދުގައި ތޫނުކަށިތަކެއް ހުރެއެވެ. ގަސްހަރުލާފައި ހުންނަނީ ފައިބާ ބިމަށް ހިފައިފައި ހުންނަ ވަރަށް ވަރުގަދަ އަޅޯތަކަކުންނެވެ. މިއީ ތިލަގައި މޫދުވާ ކަފި މޫތަކެއް ހުންނަ ގަހެކެވެ. (2) ކަށިކެޔޮގަހުގައި އަޅާ މޭވާ މިއީ ވަރުގަދަ ދަޅިގަނޑެއްގައި ވަކަކާޖެހިވަކެއް ފިތިބާރުކޮށްހުންނަ ވައްތަކަކުން އެކުލެވިފައި ހުންނަ އެއްޗެކެވެ
ކަށިކޮކާމަސް
ނ ކޮކާމަހުގެ ބާވަތެއް. މިއީ ކަރުތާފަތުގެ ތިރީބައިގައި ތޫނުކައްޓެއް ހުންނަ ކުޑަ މަހެކެވެ މަހުގެ ކުލައަކީ ކަޅުކުލައަކަށްދާ ގަދަމުށިކުލައެވެ މަހުގެ ހުރަހަށް ކަޅުކުލައިގެ ހިމަރޮނގުތަކެއް ހުރެއެވެ ކަރުތާފަތުގެ މަތީބައިގެ ފަހަތުގައި ކަޅުލަފެއް ހުރެއެވެ
ކަށިކޮތަ
ނ ރައިވެރިމަހުގެ ބާވަތެއް މިއީ ކަރުތާފަތްމަތީގައި ތޫނުކަށިތަކެއް ހުންނަމެހެކެވެ މިމަހުގެ ހުޅުނބުތައް ވަރަށް ތޫނުވާނެއެވެ މަހުގެ ކުލައަކީ ރަތްކުލައެވެ
ކަށިކޮތަން
ނ ކޮތަނުގެ ބާވަތެއް މިއީ ގޮފި ގިނަ ގޮފިތަކުގައި ކަށިހުންނަ ގަހެކެވެ މިގަހުގެ ފަތުގެ މަތީ ފަރާތުގައި އަޅައިގަންނަ ކަހަލަ ކެހެރި ތަކެއް ހުރެއެވެ މިއީ އެއްތަނޑެއްގައި ބޮނޑިއަކަށް މާއަންނަގަހެކެވެ މީގެތެރޭގައި އެކިކުލަކުލައިގެ މާއަޅާ ގަސްހުރެއެވެ މިގަހުގެ މަލާއި ފަތުގައި ގަދަ ޒަވިވަހެއް ހުރެއެވެ
ކަށިކޮލި
ނ ކޮލީގެ ބާވަތެއް މިއީ ލޯބޮޑު އަނގަ ކުޑަ މަހެކެވެ މުޅިމަހުގައި ތޫނުކަށިތަކެއް ހުރެއެވެ މިމަހަށް ގޯނާއެއް ކޮށްފިނަމަ މި މަސް ވަށް ބޯޅައެއްހެން ފުއްޕައިލައި ކަށިތައް ކޮޅަށް ޖަހައެވެ މިއީ ވަރަށް ވިހަގަދަ މަހެކެވެ
ކަށިއަރޮޅި
ނ ބޭހަށް ބޭނުންކުރާ އެއްޗެއް މިއީ އެތެރެ ބެދިފައި އޮންނަ ހަރު އޮށެއް ކަހަލަ އެއްޗެކެވެ މީގެ ކުލައަކީ ކަޅުކުލައެވެ މިއޮންނަނީ ހިކިފައިހުންނަ ބޮޑެތި މޭބިސްކަދުރާ ގާތް ސިފައެއްގައި ހިމަދިގުކޮށެނެވެ
ކަށިއޮޑާ
ނ )އ.( އެމުގެ ބާވަތެއް މިއީ ފަތިކޮށްހުންނަ ކަޅުދަނބުކުލައިގެ މަހެކެވެ މިމަހުގެ ބޮލުގައި މަޑިކައްޓަކާ ވައްތަރު ކައްޓެއްހުރެއެވެ
ކަށިވާލި
ވާލީގެ ބާވަތެއް މިއީ ވާލީގެ ބާވަތްތަކަށް ވުރެ ދިގު ބުރިކަށިމަތީ ކޮތަރިބައިގައި އެއްވަރަކަށް ކަށިތަކެއް ހުންނަ މަހެކެވެ މަހުގެ ކުލައަކީ ރިހި އަޅި ކުލައެވެ މަހުގެ އަރިމަތީގައި ދެބަރިއަކަށް ހުންނަ ކަޅުކުލައިގެ ލައްތަކެއް ހުރެއެވެ
ކަށިވިދުރި
ނ ގައިންގަޔަށް އަރާ ބައްޔެއް. މިއީ ނުރައްކާތެރި ގަދަ ހުމަކާއެކު ގައިން ބިހިތަކެއް ނަގައިފައި ޖެހޭ ބައްޔެކެވެ. މިބިހިތައް ހަފުތާއެއްގެ ފަހުން ދޮސްއަރައިފައި ހުންނަ ފޮޅުތަކަކަށް ބަދަލުވެއެވެ. މިއީ ވައިރަހެއްގެ ސަބަބުން ޖެހޭ ބައްޔެކެވެ. 7 ދުވަހާއި 02 ދުވަހާދޭތެރޭ މިބަލި ރަނގަޅުވާއިރު ދާއިމީ ގޮތެއްގައި ނުފިލާ ހުންނަ ލަކުނުތަކެއް ގައިގައި ހުރެއެވެ މިއީ މިހާރު ދުނިޔެއިން ނައްތައިލެވިފައިވާ ބައްޔެކެވެ
ކަށިމައްސާގު
ނ މައްސާގުގެ ބާވަތެއް މިއީ ފަތުގެ ބުޑު ދަށުން ތަނޑިޔާ ގުޅޭ ހިސާބުގައި ކަށިގޮތެއް ހުންނަ ފަތްކުދި މައްސާގެކެވެ
ކަށިމަސް
ނ (1) ކަރަވެރިމަސް ފާޑުގެ ކަށިގިނަ މަހެއް މިއީ ދިގުކޮށް ފަތިކޮށް ހުންނަ މަހެކެވެ މަހުގެ ބުރަކަށި މަތީގައި ހުންނަނީ ގަދަ ނޫ ފެހިކުލައެކެވެ މަހުގެ ދެއަރިމަތީގައި ރަންރިހިކުލައެއްގެ ދަޅައެއް ހުރެއެވެ (2) )ސ ( މަހުގެ ބޮލާއި ކަށިފައްޗާއި ކަންފަތްގަނޑު
ކަށިމިޔަރު
ނ މިޔަރުގެ ބާވަތެއް. މިއީ ބޯކޮޅުން މެދު އުރަހައިގެ ބުޑުދޮށުގައި ކަށްޓެއް ހުންނަ ބޯކޮޅު ހިމަ އަނގަ ކުޑަ ދޮޅުރިޔަނެއް ވަރުގެ މިޔަރެކެވެ