radheef.info
ރަދީފު


އިހު
ނ (1) ވޭތުވެދިޔަ ޒާމާން (2) މިހާރުގެކުރި
ފަތްކިޔުން
މ (1) އިހުގައި ނައިބުކަމަށް ހިނގާ ދުވަހު ކިޔުމަށް ރަސްމީގޮތުން ލިޔެފައި އޮންނަ ފަތްކޮޅު ރައްޔިތުންނަށް ކިޔަވައިދީ އިއްވުން (2) އިހުގައި އަތޮޅުވެރިކަމުގެ ފަތްކޮޅު ރައްޔިތުންނަށް އިއްވުން (3) ފޮތެއް ކިޔުން
ފަތްފޮނުވުން
މ އިހުގައި ސަރުކާރުން އެކިއެކި މީހުންނަށާއި ތަންތަނަށް ފޮނުވާ ރަސްމީ ލިޔުން ފޮނުވުން
ފަތްލިޔާކަން
ނ (1) ދިވެހި ދައުލަތުގައި އިހުގައި އޮންނަ މަޤާމެއް (2) ފަތްލިޔާ ކަމުގެ ވަޒީފާ
ފަގުޑި
ނ ބޮލުގައި އެޅުމަށް ފޮށަޔަކުން ނުވަތަ ފޮތިގަނޑަކުން ވަކި ގޮތަކަށް އޮޅައި ހަދައިފައިހުންނަ އެއްޗެއް
ފަސްބެރުގައިޖެހުން
މ ގާއޮޑީލަވައިގެ އަންބާބެރު ޖަހާއިރު ޖަހާފަސްބެރުޖެހުން )އިހުގައި ރާތީބު ކުރާއިރުވެސް މި އަންބާ ބެރު ޖަހައެވެ
ފަސްކުޅި
ނ އިހުގައި ވިހައިގެން އުޅޭ އަންހެނުންނަށް ވިހެއުމުގެ ކަންތައް ހަމަޖެހުމަށްފަހު ދޭ އެއްޗެއް. މިއީ ބިލެތާއި ފޯކާއި ކަރަންފުލާއި ހުންޏާއި ފޮނިތޮއްޓާއި ކާފޫރުތޮޅި އާއި ބުން ބިލެތްގަނޑެއްގެ ތެރެއަށްލައި ބޮނޑިކޮށްލައިފައި ވިހައިގެން އޮންނަ މީހާގެ އަނގަޔަށް ލަވާ ބިލެއްގަނޑެކެވެ
ފަސްކޮށި
ނ އިހުގައި ކުޅިޖަހައި އުޅުނު ފަސްކޮށި އެއީ: )ހ( ބަންޑާރަކޮށި )ށ( ރަނަހަމާތި ކޮށި )ނ( ފާލުކޮށި )ރ( އައްޑޫކޮށި )ބ( ހޮޅިކޮށި
ފަސްވައްތަރުމައު
ނ (1) އިހުގައި މަތަރެސް މަލަށް ކިޔައި އުޅުނު ނަމެއް. (2) އުނިމާ ހުވަނދުމާ އިރުދޭމާ ކުދިމާ ކަށިމާ މިފަސްވައްތަރުމަލަށް އިހުގައި ފަންޑިތަވެރިން ކިޔާ ނަމެއް
ފަސްމުދިންބޭކަލުން
ނ (1) މިޙްރާބުގޭ މުދިން ބޭކަލުން. (2) ބޮޑު ކިއެވެނިން. )އިހުގައި ހުކުރުދުވަހު ހުކުރު މިސްކިތުންނާއި މުންނާރުން ބަންގިގޮވައި ގަނޑުވަރުތެރެއިން ރަދުންގެ ސުއްޖާދުކޮޅު ހުކުރުމިސްކިތުގެ ކޮޓަރިކޮޅަށް ގެންގޮސް ކަތީބު ބޭކަލަކު ބަލާގޮސްހަދަނީވެސް އެމީހުންނެވެ
ފަސްފަހެތި
ނ (1) އިހުގައި ކިޔެވެލި ކިޔަވައި ނިމިގެން ކަނދުން ނުވަތަ ކަށިކެޔޮފަތުން ހަދައިފައި ހުންނަ ގުރާބެއް ފުރުވައިލާއިރު އެއަށްލާ ފަސް ވައްތަރެއްގެ ހެދިކާ. (2) އެތައް ވައްތަރެއްގެ އެއްޗެހީގެ މާނައިގައި ބޭނުންކުރާ ބަހެއް. އެތާގައި ކޭކުގެ ފަސްފަހެތި އެބަހުއްޓެވެ. މާނައަކީ ކޭކުގެ އެތައް ވައްތަރެއް އެބަހުއްޓެވެ
ފަސްފުޅިކިޔެވުން
މ އިހުގައި ގަނޑުވަރު ތެރޭގައި ހުންނަ ލޯގަނޑުން ފަސްފުޅިޔަށް ޖެހީމާ )ރޭގަނޑު އެގާރަ ޖެހީމާ( މެދު ޒިޔާރަތް ދޮށުގައި ދުޢާވެރިކަން ކިޔެވުން
ފަސްފުޅިދުމާދިއުން
މ އިހުގައި ގަނޑުވަރު ތެރޭގައި ހުންނަ ދަމުއަށީގެ ލޯގަނޑުން ފަސް ފުޅިޔަށް ޖެހީމާ )ރޭގަނޑު އެގާރަޖެހީމާ( އަލިފާން އަޅައިފައި ހުންނަ މުޖުމަރާއަކަށް ދުން އަޅައިގެން ކުދިބޭކަލަކު އެހިފައިގެން ހިއްތަން ދޮރާށިން ނުކުމުގެން މެދުޒިޔާރަތް ދޮށަށްގޮސް އެތާނގައި ދުޢާވެރިކަން ކިޔަވަން ތިބޭ މީހުންގެ ގާތުގައި ބެހެއްޓުން
ފަސްދަމުމީހުން
ނ އިހުގައި މާލޭގެ އަވަށް އަވަށުގެ މީހުން މަސައްކަތްކުރާއިރު ބަހައި ފައި އޮންނަ ދެބައިގެ ތެރޭން އެއްބައެއްގެ މީހުންނަށް ކިޔައި އުޅޭ ނަމެއް މިގޮތަށް ބަހާއިރު ބަހަނީ އިސްދަމާއި ފަސްދަމަށެވެ
ފާނަދަލޭކަ
ނ އިހުޒަމާނުގައި އުޅުނުކަމަށް ބުނާ މަޝްހޫރު އަންހެނެއް
ފާރުދޮށުކޭން
ނ އިހުގައި ބޮޑުފާރުދޮށް ނޮޅާމީހުނަށް ގެންދާ ކޭން. މިކޭމުގައި ހުންނާނީ ބަތާއި ހަނާކުރިމަހާއި ލޮނުލުނބޮޔާއި އުއްސަކުރެވެ
(2) އިރުވައިކޮލި ބަލާ! ފާރުދޮށްކޮށައިދަމަށްއެރުން
މ (1) އިހުގައި އިރުވައި ކޮލިލާފައި އަންގާ އެންގުމެއް. މިއީ ބޮޑުފާރު ދޮށާއި ބުރުޒުތަކުގެ ކައިރިން ގަސްތައް ކޮށައި ވިނަ ނޮޅައި ސާފުކޮށް ބުރުޒުތަކުގައި ފާރަޔަށް )ދަމަށް( ތިބުމަށް އަންގާ އެންގުމެކެވެ
ފާޅަ
ނ ފެންފޯޢްރުކުގެ ފަނުގެ ތިރީބައި މިބައިހުންނާނީ ރުކުގައި ހިފާފައެވެ ފަން ދޮންވެގެން ވެއްޓޭއިރު ވެއްޓޭނީ މިބަޔާއެކުގައެވެ
ފާޅަވަށި
ނ )ޅ ( އިހުގައި ހުވަދޫ މީހުން ކުދި ބޮނޑި އަޅަން ގެންގުޅޭ ވައްޓެއް
ފާތިހާރުއް
ނ (1) އިހު ޒަމާނުގައި މީހުން މަރުވީމާ އެމީހުންގެ ޢާއިލާގެ ފަރާތުން އެމީހާ ވަޅުލި މިސްކިތުގެ ނަމަށް ނިސްބަތްކޮށް އެމިސްކިތަށް ހަދިޔާ ކުރާ ރުއް (2) ކަށަވަތުރުއް
ފާތިހާބެރު
ނ އިހުގައި ބޯފޮޅި ދުވަހު ޢަޞުރަށް ގޮވީމާ ނައިބުސްޚާނުން ޖަހާބެރު