radheef.info
ރަދީފު


ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ކުނޑިމަސް
ނ ހިކިމަހުގެ އެތިއެތިކޮޅު
ކުނޑިލުހި
ނ ފޮނުމަތުން ތޮރުފައި ވިދުން ކުނޑިނެރޭން ވަޑިންބޭނުންކުރާ ލަކުޑީގެ ފޯއްޔެއް މީގެ ކުރީކޮޅު އޮންނާނީ ކުނޑި އެޅޭގޮތަށް އަޑިކޮށް ކޮނެފައެވެ
ކުނިވިއްސާރަ
ނ ކޮޅިކޮޅި ގަނޑަށް ނުނަގައި މަޑުކޮށް އޮވެފައި އިރުއިރުކޮޅުން ވާރޭވެހޭ ވިއްސާރަ
ކުރަނގިލޯ
ނ ލޮލުގެ ރީތިކަމަށް ދީއުޅޭ މިސާލެއް މިބާވަތުގެ ލޯ ހުންނަނީ ކުޑަކޮޅު ހިމަވެލުމާއެކު މައްޗަށް އުފުލިފައެވެ
ކުރަކިކަން
ނއނ (1) ރާޅުކަން (2) އޮމާންކަމުގެ އިދިކޮޅު
ކުރަމަގާލި
ނ (1) މެށުނު ތަނެއް ނުވަތަ ކެނޑުނު ތަނެއްގެ މަތީގައި ހަރުވެ ހިކިފައި އޮތްލޭކޮޅު (2) ފަސޭހަވަމުން އަންނަ ފާރުކޮޅުގެ މަތީގައިލާ ތޮށި
ކުރަމަގާލިލުން
މ (1) ކެންޑޭ ތަންތަނާއި މެށޭ ތަންތާނގެ މަތީގައި ލޭކޮޅު ހިކުން (2) ފަސޭހަވަމުން އަންނަ ފާރުކޮޅެއްގެ މަތީގައި ތޮށިލުން
ކުރަފަތް
ނ (1) އިސްތަށި ބާލަން ގެންގުޅޭ އާލާތެއް މިއީ މިޔަ ތޫނުކޮށް ކެފޭގޮތަށް ހުންނަ އެއްޗެކެވެ (2) ދޯނިފަހަރުގެ ދިރުނބާކޮޅުން ދެފަރާތުގެ މަތިކަނުގައި ކިއްސަރުލާފައި ހުންނަ ފަށްބުރިއެއް
ކުރަފަތްބުރި
ނ (1) ސަތަރު ކުރަހާ ގުޑީގެ ފިންދުނީގެ ކޮޅުގައި ޖަހާ ފަތެއް (2) ދޯނިފަހަރުގެ ދިރުނބާކޮޅުން ދެފަރާތުގެ މަތިކަނުގައި ކިއްސަރުލާފައި ހުންނަ ފަށްބުރި
ކުރި
ނ (1) ކޮޅަށްހުރި އެއްޗެއްގެ މަތީކޮޅު. (2) ގަސްގަހާއި އޮފީގެ މަތީކޮޅުގެ ޅަތަން. (3) ގަސްގަޑުން ފަޅާ ޅަނިރު. (4) މޫނުހުރި ދިމާ. (5) އަންނަން އޮތްތަން. (6) ވޭތުވެދިޔަތަން. )ނއ.( (7) ކަންތަކަށް މޮޅު. (8) ދަރަޖައިން މަތިވެރި. (9) ކުރުން މިބަހުގެ ނިމިނިމުނުކަން
ކުރިބޯށި
ނ (1) ބައެއް ގޭގެގެ ފުރާޅުގައްޔާއި ދިދަދަނޑީގެކޮޅުގައި ހަރުކޮށްފައި ހުންނައެއްޗެއް މިހަދައިއުޅެނީ ކޭލުބޯއްޓާއި އެއް ސިފައަކަށެވެ (2) ކުރިބޯށިގޮތަށް ހަދައިފައި ނުވަތަ ކުރަހައިފައި ހުންނަ އެއްޗެހި
ކުރިބޯށިލުން
މ ހަދާއެއްޗެހީގެ ކޮޅު ކުރިބޯށި ސިފައިގައި ހެދުން
ކުރިމެރުން
މ (1) މީހަކު ކިޔަމުންދާ ވާހަކައެއްގެ އަންނާން އޮތްތަނުން ތަންތަންކޮޅު އެހެން މީހަކު ކިޔައިދިނުން (2) މީހަކު ނުވަތަ ބަޔަކު ކުރާން އުޅޭ ކަމެއް ވިޔަނުދިނުން
ކުރިޖެހިބަތް
ނ ޅަކޮށް ކައްކައިގެން ކެޔޮފަތު ހޮޅިޔަށް އަޅައިފައި ހުންނަ ބޮނޑިބަތް. މިހޮޅީގެ ދެކޮޅު ފަތްގަނޑު ހުންނާނީ ބޮނޑިބަތް ރޯލުގެ ކޮޅަށް ވައްދާ ލައިފައެވެ. މީގައި ހުންނާނީ އަށެއް ނުވައެއް އިންޗީގެ ދިގުމިނެވެ. ފަލަ މިނަކީ މެދުމިނު މީހެއްގެ އަތުކުރީގެ ފަލަމިނެވެ. މިއީ އޮލީފަދަ ރަސްމީ ކަންތަކުގައްޔާއި ރަށްރަށުގެ މައުލޫދުގައި ޅެންކިޔާ މީހުންނަށް ހުންނަ ބަތެކެވެ
ކުރީކޮޅު
ނ (1) ފެށޭކޮޅު (2) ފަހަތުކޮޅުގެ އިދިކޮޅު (3) ހިނގަމުންދާ ކަމެއްގެ ފެށުނު ހިސާބު (4) ކޮޅަށް ޖަހައިފައި ހުންނަ އެއްޗެއްގެ މަތީކޮޅު (5) ދުއްވާ މީހާ ދުއްވަން އިންނައިރު ކުރިމަތިލައިގެން އިންނަ ދިމާއިން އެ އެއްޗެއްގެ ކުރި
ކުރު
ނއ (1) ދިގުގެ އިދިކޮޅު. (2) ދިގުމިނުންމަދު. (3) ނ. މަސްކަނޑުގައި އުޅޭ ކުޑަ ކަޅު ދޫންޏެއް މީގެ ފިނދު ފަތުގައި ހުދުކުލައިގެ ބަންދެއް ހުރެއެވެ
ކުރުކަން
ނއނ (1) ދިގުމިނަށް މަދުކަން (2) އިސްކޮޅުން ކުޑަކަން
ކުރޮޅި
ނ (1) ހިކިގެން ނާށިގަނޑުގެ ތެރެއިން އަމިއްލައަށް ނެއްޓިފައި އޮންނަ ކާށި މި ކާށި ބޮނބިގަނޑާ ނާއްޓާ އެކީއޮތަސް ކިޔަނީ މިހެންނެވެ (2) ހަރުލައިފައި އޮންނަ ތޮށީން ހިކިގެން މަދުނެއްޓިފައި އޮންނަ އޮށް ނުވަތަ ބަދަން (3) ލަނބުރާނު ކޮޅުގައި ހަރުކޮށްފައި ހުންނަ ތިންލޯވަޅު ހުންނަ ގޮއްލަ (4) ތިން ފުރޮޅުލީ ދުއްވާ އެއްޗެއް މީގައި ދަތުރު ކުރެވޭނީ ދުއްވާމީހާގެ އިތުރަށް ދެމީހުންނަށެވެ މީގައި ހުންނާނީ ސައިކަލް އިންޖީނެކެވެ
ކުރޮޅިފިލާގަނޑު
ނ ކުރޮޅީން ހުނިގާނަން ތަންތަންކޮޅުން ލޯވަޅު ތޮރުފައި ކަށިކޮށް ހަދައިފައި އޮންނަ ޓިނުގަނޑު ނުވަތަ ލޯގަނޑު މިފިލާގަނޑެއްގައި ލޯނަރު ޖަހައި ގެންވެސް ހަދައެވެ
ކުޅަނދިލި
ނ އަންހެނުންގެ ފަރުޖުގެ ރެނދުގެ މަތީކައިރީގައި ހުންނަ މަސްކޮޅު