radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ބަދި
ނ (1) ފަޅުފަޅާއި ވިލުފަދަ ތަންތާނގައި ހެދެމުން އަރައިފައި ހުންނަ ގައުގަނޑުގަނޑު (2) ރާވެރިން ދެއުނބު ނުވަތަ ތިންއުނބު އެއްކޮށް ބަނދެފައި ހުންނަ ބޮޑެތި ގުޑި (3) )ޅ ( ރާގޮނޑި އައިން
ބަދިލުން
މ ރާބޭލުމަށްޓަކައި ރާވެރިން ތިން އުނބު ނުވަތަ ދެއުނބު އެއްކޮށްގެން ހުންނަ ބޮޑެތި ގުޑި އެތުގެ ކޮޅުގައި ހަރުކުރުން
ބަދިގަނޑު
ނ ފަރުގައި ނުވަތަ ވިލުގައި ހެދިގެން އަރައި ތިލަވެފައި ހުންނަ ގާތައް
ބަތަވި
ނ (1) ދެރަކަމެއް ވާން އުޅޭކަމަށް ފެންނަ ޢަލާމާތް ނުވަތަ ނިޝާން (2) ކަމެއްވުމުން އެކަމާ ގުޅިގެން ފަހުން ވާނޭ ކަމަކާމެދު ކުރެވޭލަފާ
ބަތާހިނގުން
މ އިހުގައި އީދު ބާރަ ދުވަސްދުވަހު ޞަލަވާތްފުޅު ކިޔަވަން ބައިހަދައިފައި ގޭގެޔަށް ހިނގުން. މިބައިމީހުން ހިނގާނީ ބޮލުގައި ފޮށާއޮޅައިގެން ނުވަތަ ރުމާލެއް އަޅައިގެންނެވެ
ބަތާނަ
ނ (1) އެތެރޭފަށް (2) އުނުފޭރާމާއި ބާލީހާއި ގޮދަޑިއާއި ސަނދުވާފަދަ ތަކެތީގެ އެތެރޭގައި އޮންނަފަށް. (3) ކުލަ ނުވަތަ ދަވާދު މަތި މައްޗަށްލާއިރު އެންމެ ފުރަތަމަ ލާފަށް (4) މަޖާޒު: ގެޔަކަށް ވަދެ އުޅޭ މީހުންގެ ތެރެއިން އެގެއަކަށް އެންމެ ގަދަ މީހާ
ބަތާނަލުން
ނ (1) ބަތާނަލައިގެން ފެހުން (2) ބަތާނަ ހަރުކުރުން (3) ކުލަ ނުވަތަ ދަވާދު މަތި މައްޗަށްލާއިރު އެންމެ ފުރަތަމަލާފަށް ލުން
ބަތްރުމާ
ނ ކާއިރު އުނގުމަތީ އެޅުމަށާއި އަތާއި ތުން ފުހެލުމަށް ބޭނުން ކުރުމަށްޓަކައި ފޮތިން ނުވަތަ ކަރުދާހުން ހަދައިފައި ހުންނަ ރުމާ
)ހ( އައިސްބަލަ! )ށ( ގޮސްބަލަ! )ނ( ދީބަލަ! ބަލަ
އ (1) ހޭ އަރުވައިލުމަށް ބުނާ ބަހެއް. (2) ކަމެއް ކުރުމުގެ ހުއްދަ ދިނުމަށް ނުވަތަ ލުއިކޮށްލުމަށްޓަކައި ބަހުގެ ފަހަތަށް ގެންނަ އަކުރެއް މިސާލު
ބަލާނދެ
އ މީހަކުކުރާ ކަމަކަށް ސިއްސައިލުމަށް ނުވަތަ ހޭއަރުވައިލުމަށް ބުނާބަހެއް
ބަލާބަލަ
އ (1) އަނެކާއަށް އެއްޗެއް ދެއްކުމަށް އެދިގެން ބުނެއުޅޭބަހެއް (2) ހޭއަރުވައިލުމަށް ނުވަތަ ހައިރާންކަން ފާޅުކުރުމަށް ބުނެއުޅޭބަހެއް
ބަލިއެރުން
މ (1) ބައްޔެއް އެކެއްގެ ގައިން ނުވަތަ އަނެކަކުގެ ގަޔަށް ނުވަތަ އެކައްޗަކުން އަނެއްކައްޗަކަށް ފޯރުން (2) އެއްރަށުގައި އުޅޭބައްޔެއް އަނެއްރަށަކަށް ދިއުން
ބަގުޑި
ނ (1) ދެއަތުން އޮޅުލައިގަންނަ ގޮތަށް މީހެއްގެ ގައިގައި ނުވަތަ ތަނެއްގައި ނުވަތަ އެއްޗެއްގައި ބައްދާ ބެއްދުން (2) ލައްޓި
ބަގުޑިބެއްދުން
މ މީހެއްގެ ގައިގައި ނުވަތަ ތަނެއްގައި ނުވަތަ އެއްޗެއްގައި ދެއަތުން އޮޅުލައިގަންނަ ގޮތަށް ބެއްދުން
ބަސް
ނ (1) މީހެއްގެ ހިތުގައި އުފެދޭ ޝުއޫރެއް އަޑު ނުވަތަ އިޝާރާތް ބޭނުންކޮށްގެން ވަކި ހަމަތަކެއްގެ މަތިން ފާޅުކުރާ ފާޅުކުރުން. (2) ބަހުރުވަ. (3) ލަފުޒު. (4) ރައިވަރުގެ ކާފިޔާ. (5) ފަސިންޖަރުން އަރުވައިގެން ދުއްވާ ބޮޑު އެއްގަމު އުޅަނދެއް. (6) އިބާރާތެއް ދޭހަވާ ވަކިވަކި އިބާރާތް. މިސާލު: ހަރުބަސް މިސާލުބަސް (7) ބުނާ ބުނުން (8) ކަމަކާމެދު މީހަކު ކަނޑައަޅާ ބުނާގޮތް (9) ކަމަކާމެދު މީހަކު ދެކޭގޮތް މިސާލު: މިކަމާމެދު މުޙައްމަދުގެ ބަހެއްވެސް ހޯދާށެވެ
ބަސް ފުރޮޅުން
މ ބަހުގެ އަކުރުތައް އިސްފަސް ކުރުން. ނުވަތަ އޮޅުވުން. މިސާލު: )ހ( ލަކޭ - ކަލޭ. )ށ( މަދަރުވެރިކަން ދަރުމަވެރިކަން )ނ( "ތުންގުރާހުޅަވާތިފަޅުކަ" ހުޅަނގުފަރާތުން ކަޅުވާތި
ބަސްކޮށާރު
ނ ޖަމާވެފައި ނުވަތަ މީހަކަށް އެނގިފައިވާ ބަސްތައް
ބަސްދާޖެހުން
މ )ސ ( ގުދަނެއްގައި ނުވަތަ އެހެންވެސް ތަނެއްގައި އެފަދަ ތަނެއްގައި އެއްބަސްތާ އަނެއްބަސްތާއާ ޖެހޭގޮތަށް ހުސްތަންކޮޅެއް ދޫނުކޮށް ބަސްތާތަކެއް ބެހެއްޓުން
ބަޑި
ނ (1) ބަޑިބޭހުގެ ބާރުން ވަޒަން ފޮނުވައިލާގޮތަށް ނުވަތަ ލޭޒަރުގެ އަލި ފޮނުވައިލާގޮތަށް ހަދައިފައި ހުންނަ ހަތިޔާރެއް. (2) އިސްފިރޭނެއްގެ ބާރުން ނުވަތަ ވައިގެބާރުން މަޑަ ނުވަތަ ވަޒަން ނުކުމެގެންދާގޮތަށް ހަދާފައި ހުންނައާލާތެއް (3) ތަވީދުލުމަށް އެތެރޭގައި ހޮއި އޮންނަގޮތަށް ވިރިކެކޭ އެއްޗެހިން ހަދައިފައި ހުންނަ އުރަ (4) އެތެރެއަށް ވައި ވަދެގެން ފުފިފައި ހުންނަ ދުލި (5) ފެނުގެ ތެރޭގައި ފޮތީގެ ތެރެއަށް ވައިވައްދައިގެން އުފެދޭ ބޮކި (6) ހަށިގަނޑުގެ ދޮރުދޮރުން ނުކުންނަ ބަލިމަޑުކަމެއް (7) ދިރޭ އެއްޗެއް ފެންގަނޑެއްގެ ތެރޭގައި އުޅޭ އުޅުމުގައި ހަދައިލާގޮތަކުން އިވޭ އަޑު (8) ބައެއް ބާވަތުގެ ރޯފަތް އަނދަމުންދާއިރު އެއިން އިވޭ އަޑު (9) ގުޅަ ތެލުލާއިރު ގުޅަ ފަޅައިގެންދާ އަޑު )01( ތަންތަނަށް ގިރިސްޖަހަން ގެންގުޅޭ އާލާތެއް (11) ގޭސް އުނދުން ރޯކުރުމަށް އަލިފާން ކެނޑޭގޮތަށް ހަދައިފައި އޮންނަ އާލަތެއް
ބަޑިބަޑި
ނ (1) މެދުރީ ބޭކަބަލުން އަހަރަކު އެއްފަހަރު ފާރުން އަތިރީގައި ކުޅުއްވާ ކުޅިވަރެއް. (2) މަޖާޒު: ރުޅި އައިސްގެން ކުރާ އަންގަދަތަކެއް ނުވަތަ އުޅޭގޮތްތަކެއް