radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ފެންދުވަނި
ނ ކުޑަކުދިންގެގައިން ނަގާ ފެންއެރިފައި ހުންނަ ބިހިގަނޑެއް ބައެއް ފަހަރަށް މުޅިގައިންވެސް މިނަގާފާނެއެވެ
ފެންދެމުން
މ (1) ކޯރު ނަރުދަމާ ފަދަ ތަންތާގައި ފެންހިގުން (2) ތަނެއްގައި ނުވަތަ އެއްޗެއްގައި ހުންނަފެން ކޮންމެވެސް ވަސީލަތެއް ބޭނުންކޮށްގެން ވަކިކުރުން (3) ރޯގަސް ފަދަ އެއްޗަކުން ފެންހިކޭގޮތްވުން (4) ހަށިގަނޑުތަންކޮޅެއް ދެރަވުން
ފެންދޭއެތިގަނޑު
ނ ގަސްގަހަށް ފެންދޭން ހަދައިފައި ހުންނައެތި
ފެންތަގަރި
ނ ފެނަން ނުވަތަ ލޮނަށް އެރުމަށްޓަކައި ލަކުޑިން ހަދައިފައި ހުންނަ ބިލިގާ
ފެންތިކި
ނ (1) ވާރޭވެހޭއިރު ނުވަތަ ވާރޭވެހި ނިމުމަށްފަހު ގަސްގަހުންނާއި އަސްކަނިން ބިމަށްޖަހާ ފެނުގެ ފޮދުވަރު. (2) ފެނުގެ ތެރޭން ވަކިވާ ފޮދުވަރު (3) ކުދިކުދި ބިއްލޫރި ބޮކިތަކެއް ފަދައިން އެއްޗެއްގައި ހުންނަ ފެނުގެ ފޮދުވަރު
ފެންތުޅާ
ނ (1) ފޮނިތުޅަޔާ މުޅިން އެއްވައްތަރަށް ހުންނަ އެކަމަކު އެކަހަލަ މީރުވަހެއް ނުހުންނަ ބޭހަށް ބޭނުންކުރާ ކުޑަވަރެއްގެ ގަހެއް މީގެ ފަތް ތަކުގެ ކޮޅުތޫރިކަން ކުޑަވާނެއެވެ (2) ފެނާއިއެކު ހުންނަ ތުޅާ
ފެންތެލި
ނ (1) ފެންއަޅައިފައި ހުންނަ ތެލި. (2) އިހުގައި މީހުންވިހޭމާ އާއްމު ގޮތެއްގައި ނުވަރޭ ފެނުން ކެނޑެންދެން އުނދުން ނިވުވަނުދީ ހުންނަ ފެންއެތި
ފެންތެލިކާށި
ނ އިހުގައި އުޅޭމީހުން ބޭނުންކުރަން އެތެރޭގައި ބަހައްޓައިފައި ހުންނަ ފެންތެލި ނުވަތަ ފުފޭ ބެހެއްޓިފައި ހުންނަ ތިން ކާށި
ފެންތެލިފުފޭ
ނ އިހުގައި ވިހައިގެން އުޅޭމީހުން ބޭނުންކުރަން ފެންއަޅައިފައި އެތެރެގޭގައި ބަހައްޓައިފައި ހުންނަ ފުފޭ
ފެންލައިޓް
ނ ވަޔާއި އަލިވެއްދުމަށްޓަކައި ދޮރުގެ މަތީގައި ހުންނަ ކުޑަދޮރެއް ބައެއްފަހަރަށް ދޮރެއްގެމަތީގައި ނޫންގޮތަކަށްވެސް މިދޮރުހުރެއެވެ
ފެންލޯގަނޑު
ނ ފެން އަޅައިފައި ހުންނަ ލޯގަނޑު
ފެންގަނޑު
ނ (1) "ކުޅި" މިބަހުގެ ފުރަތަމަ މާނަ ބަލާ! (2) ވާރޭ ވެހުމުގެ ސަބަބުން ނުވަތަ އެނޫންވެސް ގޮތަކުން އެއްގަމުގައި ފެންހެދި ގިނަ ދުވަހަށް ނުހިނދި ހުންނަ ތަންތަން
ފެންގަތްފުރައިންކޮށާލުން
މ ރުއްރުކުގައި ހުންނަ ފެންޖެހޭ ވަރުގެ ހުރިހާ އެއްޗެއް އަޅާލުން
ފެންގަސް
ނ (1) ކެޔޮފަތްހެން ފަތް ހުންނަ ދެއަރިމައްޗަށް ފަތް ނުކުންނަ ގަހެއް (2) ގަހެއްގެ ސިފައިގައި ފެންއަރާ ގޮތަށް ހަދައިފައި ހުންނަ ފެންއަރުވާ ވަޑާން
ފެންގާގަނޑު
ނ އޮޑިދޯނިފަހަރުގައި ބޯފެން އަޅައިފައި ހުންނަ އެތި
ފެންގުޅި
ނ ގޭގޭގައި ފެން އަޅައިފައި ހުންނަ އެތި
ފެންގުދު
ނ ފެންވައި ކުރާއިރު ދެހޮޅިގުޅުވުމަށް ހަދައިފައި ހުންނަ ގުދު
ފެންގުޑުގުޑުކާއްޔޯ
މ ކުޑަކުދިން ފެންވަރަން ނުދާން އުޅޭއިރު ހައްލާލަންވެގެން ދެ މީހުން ދެކިހިލިފައްޗަށް އަތްލައި ހިފައި އެލުވާލައިގެން ދާއިރު ކިޔާ އެއްޗެއް
ފެންގޮތް
ނ މަޖާޒު: ކަމެއްގެ ތެރޭގައި ހުންނަ ރޫޙެއް ނެތް ލޮނުމަޑުގޮތް މިސާލު: މިފަހަރު މިކަންތައް މިދިޔައީ މާފެންގޮތަކަށެވެ ނުވަތަ މިފަހަރު ޢީދުގެ ކަންތައް މިދިޔައީ މާ ފެންގޮތަކަށެވެ
ފެންސަރު
ނ ދިޔާކޮށް ހުންނަ ރިހަ