radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ދަނޑިފަންގެ
ނ ދަނޑިންގަތައި ފަންލައިފައި ހުންނަގެ
ދަނޑިފައި
ނ ދަނޑިއެއްގައި ހުރަހަށް ދަނޑިކޮޅެއް ބަނދެގެން ކުޅިވަރަށް ހިނގަން ބޭނުންކުރާ އެއްޗެއް. މީގައި ހިނގާއިރު ބޭނުންކުރަނީ ދެފަޔަށް ދެދަނޑިއެވެ. މިހުންނާނީ ފައިގެ ބޮޑުވާ އިނގިއްޔާއި ޝަހާދަތް އިނގިއްޔާ ދޭތެރެއަށްލައްވައިފައެވެ މިއެކި އުސްމިނުގައި ހިނގޭގޮތަށް ހަދައެވެ
ދަނޑިފޭލި
ނ ދަނޑިން ފުރޭމު ހަދަފައި ހުންނަ ސަނދުވާ
ދަނޑިޖެހުން
މ ވަކިވަރަކަށް ބުރިކޮށްފައިހުންނަ ދަނޑިކޮޅުތައް ބޭނުންކޮށްގެން ކުޅޭ ކުޅިވަރެއްކުޅުން މީގެތެރޭގައި މަންގަލަން ދަނޑިއާއި މަލިކު ދަނޑިފަދަ ކުޅިވަރުތައް ހިމެނެއެވެ
ދަނޑު
ނ (1) އެއްވައްތަރެއްގެ ގަސްހައްދައިފައި ހުންނަ ތަންތަން މިސާލު: )ހ( ހަނޑޫދަނޑު )ށ( އަލަދަނޑު (2) ބައެއްކަހަލަ ކުޅިވަރުކުލޭ ބިން މިސާލު: )ހ( ބޯޅަދަނޑު )ށ( ހޮކީދަނޑު (3) މަޖާޒު: ކަމެއްގެ ދާއިރާ މިސާލު: އޭނާއަކީ ޅެންވެރިކަމުގެ ދަނޑުގައި ވަރަށް ކުރިއަރައިފައި ހުރި މީހެކެވެ
ދަނާލު
ނ ކިޔަވާކުދިން ކިޔަވާ ދުވަސްވަރު ތިބެންއަޅައިފައި ހުންނަގެ
ދަންބެހުން
މ ފޯރިއަށްދާންޖެހޭ ގަޑިގަޑިއަށް މީހުން ހަމަޖެއްސުން
ދަންބެރުޖެހުން
މ އިހުގައި ރޭގަނޑުގެ އެގާރަ ޖަހާއިރު ނާބުސްޚާނުންޖަހާ ބެރެއް ޖެހުން
ދަންބޮޑު
ނ ވިދުންހުރި މަޑުރަތްކުލައިގެ މަހެއް މިމަހުގެކޮތަރިތަކާއި ނިގޫ ފަތްހުންނާނީ ރަތްކުލައިގައެވެ ނިގޫފަތުގެ މަތީކައިރިއާއި ތިރީ ކައިރި ހުދުވާނެއެވެ މިއީ ރޭގަނޑުގެ ކެޔޮޅުކަމުގައި ބޭނޭމަހެކެވެ
ދަންމަރު
ނ (1) ތެޔޮއަޅައިގެން ރޯކުރާގޮތަށް ހަދައިފައި ހުންނަ އަލިކުރާ އެއްޗެއް މިއީ ފުލުގައި ދަނޑިއެއްލައިފައި އެއްތަނުން އަނެއްތަނަށް ގެންދެވޭ ގޮތަށް ހުންނަ އެއްޗެކެވެ (2) މަޖާޒު: ތަނެއް ނުވަތަ ބަޔަކު އިސްލާޙުކޮށް ތަރައްޤީ ކުރާމީހާ
ދަންމާނު
ނ (1) ދަންމާނު ފޫޅުގަނޑުގައި ޖަހައިފައި ހުންނަވާ (2) ރިޔަލުގެ އޮޑިމަތީކުރަތްވާއި ތަޅާކުރަތްވާ ބެދުނު ތާނގައި ބައްދައިފައި ހުންނަ ވާ
ދަންމާނުބުޅި
ނ ދަންމާނު އަޅުވަން ދޯނީގައި ޖަހައިފައި ހުންނަބުޅި
ދަންމާނުބޮޅު
ނ ދަންމާނުވާގަނޑު ލައްވަން ރިޔަލުގައި ހަރުކޮށްފައި ހުންނަ ބޮޅު. މިބޮޅު ލަކުޑިން ނުވަތަ ލޮއިން ހަދައިފައި ހުރެއެވެ
ދަންމާނުފޫޅުގަނޑު
ނ ރިޔަލުގެ އޮޑިމަތީ ކުރަތްވާއި ގުޅޭތާނގައި ދަންމާނުޖަހަން ހުންނަ މަޅިގަނޑު
ދަންފަޅި
ނ (1) އެއްކަމަކާ ބެހޭގޮތުން ބާްއްވާ ޖަލްސާތަކަކުން ޖަލްސާއެއް (2) ޝަރިއަތެއް ހިނގަމުންދާއިރު ބާއްވާ ކޮންމެ ބައްދަލުވުމެއް (3) ދުވާލަކު އިސްކޫލުގެ ކިޔެވުން އޮންނަ ގަޑިތައް (4) ފޯރިބަހައިގެން ތިބޭމީހުން ތިބެންޖެހޭ ގަޑިތައް (5) ދަން
ދަންފުޅި
ނ އިހުގައި ވަގުތުބެލުމަށް ގެންގުޅޭ ސާއަތްފުޅި. މިއީ މެދަށްވަރަށް ހިމަކޮށް ދެކޮޅަށް ފަލަކޮށް ހުންނަ ފުޅިއެކެވެ. މިފުޅިހުންނާނީ އެއްކޮޅުގައި ހުންނަ ހިލަވެލި ފުޅީގެ މެދުގައި ހުންނަކުޑަކުޑަ ލޯވަޅަކުން އަނެއްކޮޅަށް ފައިބާ ގޮތަށެވެ މިފުޅީގެ އެއްކޮޅުގައި ހުންނަވެލި އަނެއްކޮޅަށް ފައިބައި ނިމޭނީ އެއްގަޑިއިރުންނެވެ
ދަންތުރަތިއްބުން
މ ދަންތުރަ ޖެހުން
ދަންޑަފިލާ
ނ ކުއްޅަފިލާފަތާ އެއްވައްތަރަށް ހުންނަ އެއަށްވުރެ ތަންކޮޅެއް ފަތްބޮޑެތިކޮށް ހެދޭ ކާން ބާނުންކުރާ ފަތެއް
ދަންޑެހެލު
ނ ނާފަހަރާއި އޮޑިފަހަރުގެ މަސައްކަތު މީހުންގެ ވެރިޔާ
ދަންޑެހެލުބޭކަލުން
ނ ކަލާސީންގެ ބައިތަކުގެ ވެރިކަން ދެއްވައިފައިވާ މީހުން