radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ފެންކުޅި
ނ ކުޅިވަރެއްގެ ގޮތުން އެކަކު އަނެކެއްގެ ގަޔަށް ފެންޖަހާ ފެންޖެހުން. މިއީ އިހުގައި ކުޅެ އުޅުނު ކުޅިވަރެކެވެ މިކުޅިވަރު ފެށެނީ ހިތަނަކަތުން ތިންވަނަ ދުވަހުއެވެ
ފެންކުޅީގެރި
ނ އިހުޒަމާނުގައި ފެންކުޅި ފެށުމުގެ ކުރިން ކިޔަވާ ޞަލަވާތް ފާތިޙާއަށް ކަތިލާގެރި މިގެރި ކަތިލާނީ ރަދުން ވަޑައިގެން ހުންނަވައިގެންނެވެ
ފެންކެވުން
މ ކަނޑުދަތުރުކުރާ ރިޔާ ނަގާ އުޅަނދު ދަތުރުކުރާ އިރު އެއުޅަނދު އަރިވުމުން މަތިކަން މަތިން ފެންއެރުން
ފެންކެޑި
ނ )ގ ( ދިރުނބާކޮޅު މައްޔާ
ފެންކޮށާވަޅި
ނ ވިހައިގެން ހަތްދުވަސްވެގެން ބޭރަށްލާއިރުގައްޔާއި ސާޅީހަށް ފެންއަޅާއިރު ފަންޑިތަ ހަދައިފައި އަންހެން މީހާގެ އަތަށް އެދުރުމީހާދޭ ކޮށާވަޅި ނުވަތަ ފިޔޮހި
ފެންއިސްކުރު
ނ ފެން އަންނަ ގޮތަށާއި ފެން ބަންދުވާގޮތަށް ފެން އަޅާ އެއްޗަކާ ނުވަތަ ހޮޅިޔަކާ ގުޅުމަށް ހަދައިފައި ހުންނަ އެއްޗެއް
ފެންއެރުން
މ (1) ބިމުން ނުވަތަ އިސްކުރެއް ފަދަ އެއްޗަކުން މައްޗަށް ފެން އައުން. (2) ފޮޅު ބިހިފަދަ އެއްޗެހީގެ އެތެރޭގައި ފެން އުފެދުން. (3) އޮޑިދޯނިފަހަރުގެ މަތިކަން މަތިން އެތެރެއަށް ލޮނު އެޅުން. މިއީ ދިޔަބޮޑުވުމުގެ ސަބަބުން ނުވަތަ ދުއްވައިފައި ދާއިރު ކަނޑު ގަދަވުމުގެ ސަބަބުން ދިމާވާގޮތެކެވެ (4) )ޏ ސ ( ކުޑަކުދިންގެ ރޫފަޖެހުން
ފެންއޮއްސުން
މ (1) ފެން އަޅައިފައި ހުރި އެއްޗަކުން އަނެކައްޗަކަށް ނުވަތަ ތަނަކަށް އެފެން އެޅުން (2) ފެން އަޅައިގެން އުވަ ފުރޭނީމާ އޭގައި ހުންނަ އުވަތައް ނުފައިބާނޭހެން މަޑުމަޑުން ފެންހުސްކުރުން (3) ތެޔޮހާނަން ކިރު އެތި ކައްކައިފައި ބެހެއްޓީމާ ތެލާ ވަކިން އަޑީގައި ހުންނަ ފެން ހުސްކުރުން (4) މަޑުކުރާ ތަކެތީގައި ހުންނަ ފެން ބޭރަށް އަޅައިލުން (5) ހަނޑޫ ދޮވެފައި ހުންނަ ފެން ބޭރަށް އަޅައިލުން (6) ހިތި ފިލުވުމަށް ފެނަށް އަޅައިފައި ހުންނަ އެއްޗެހިން ފެން ހުސްކުރުން
ފެންވަރު
ނ (1) އޮޑިދޯނިފަހަރުގެ ނުބީހޭވަރުގެ ދިޔަވަރު (2) ދަރަޖަ (3) މަޤާމު (4) ހުރި ހިސާބު (5) އެއްޗެއްގައި ހުންނަ މޮޅު ދެރަމިން (6) ޤާބިލިއްޔަތު
ފެންފިޔަފާޅި
ނ ވިހޭގެތެރެއަށް ބޭނުންވާ ފެން ހޫނުކުރުމަށް ޖަހައިފައި ހުންނަ ފިޔަފާޅި ނުވަތަ އަރިހިޔާ
ފެންފުށްޓަށް މަހާނަގާ ވިއްކުން
މިސާލު: އެއްޗެއް އެންމެގިނައިން އުފައްދާ ނުވަތަ އުފެދޭ ތަނަކަށް އެބާވަތުގެ އެއްޗިހިތަކެއް ހިފައިގެން ވިއްކަން ދިޔައިމާ ބުނާގޮތެއް މިސާލު: ތިޔައުޅެނީ ފެންފުއްޓަށް މަހާނަގާ ވިއްކަންތާއެވެ
ފެންފެހަނޑަ
ނ ވެލަކަށްހެދޭ ކައްޓަލަ ފަތްހެން ފަތް ހުންނަ ފިލާވެއްޔެއް މިއީ ބޭހަށް ބޭނުންކުރާ އެއްޗެކެވެ
ފެންފޮޅިދޮލަނގު
ނ ބާރަ މާލޫދު ކިޔާރޭ ރަސްމީގޮތުން މާލޫދުހަރުގެއަށް ގެންދާ ކޭމެއް. މިދޮލަނގުގައި ހުންނާނީ ފެންފޮޅިއާއި ކިރާއި ހިކިރިހައެވެ
ފެންފޮޅިތާނަ
ނ އިހުގައި ތާނަ ލިޔެއުޅުނު ގޮތެއް މިލިޔުމުގައި ކޮންމެ އަކުރެއް އަޅައިފައި އެއަކުރާ ގުޅިގެން އެއަކުރެއްގެ ވަށައިގެން ބޮޅުތަކެއް އަޅައެވެ
ފެންފޮދާދިއުން
މ ގަނޑުވަރުތެރޭ ބޭފުޅުން އާލާސްވެ އިންނަވައި ހަތްމަސް ފުޅަށް އަޅައިގަތީމާ ކުރެންދޫ ޒިޔާރަތަށް ފެންފޮދު ބަލާދިއުން
ފެންފޮދުއޮޑިކޮޅު
ނ އިހުގައި ގަނޑުވަރުތެރޭ ބޭފުޅުން އާލާސްވެއިންނަވާ ހަތްމަސް ފުޅަށް އަޅައިގަތީމާ ކުރެންދޫ ޒިޔާރަތުން ފެން ފޮދު ބަލައިދާ އޮޑި މިފެންފޮދު ގެންނަނީ އެބޭފުޅަކު ނައިނެ ފިއްލެވުމަށެވެ
ފެންފޯއްދޫނި
ނ އެއްގަމުދޫންޏެއް މީގެފަސް ވައްތަރެއް ހުރެއެވެ އެންމެ ވައްތަރުވާނީ ކުޑަވަރެއްގެ މައިނާއަކާއެވެ މީގެ ކުލަޔަކީ މުށިކުލައެވެ ބޮޑު މިންވާނީ ގާތްގަޑަކަށް 3 އިންޗި 4 އިންޗި ވަރެވެ
ފެންދަނޑިގަނޑޮ
ނ )ސ ( ފެންއުފުލާ ތަންޑިޔާ
ފެންދަފަތް
ނ އެއްގަމުގައި ދުއްވާ ތަކެތީގެ ފުރޮޅުގެ ކައިރީގައި އެއެއްޗަކަށް ފެނާއި ކިސަޑާއި ވެލިބުރިޔަ ނުދިނުމަށް ހަރުކޮށްފައި ހުންނަ އެތި ޢާއްމުކޮށް މިހަދައިފައި ހުންނަނީ ރަބަރުންނެވެ
ފެންދިއްގާ
ނ ފަތުގައި ފެހިކުލަގަދަ ފަތުގެ ތަނޑު ރަތް އަދި ފަތުގައި ކުރަނުލާ ހުންނަ ދިއްގާ. ދިއްގާ އާއިލާގައި ހިމެނޭ ކަށިދިއްގަލާއި މާދިއްގަލާއި ވެޔޮ ދިއްގަލާ ޚިލާފަށް ފެންދިއްގާ ވަރަށް ހަލުއިކޮށް އަވަހަށް ހެދިގަންނާނެއެވެ