radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ދަށުލުން
މ (1) އެއްޗެއްގެ ދަށަށް ވެއްދުން މަޖާޒު: (2) ތިމާގެ އިޚްތިޔާރެއް ނޯންނަގޮތަށް އަނެކެއްގެ ބާރުގެ ދަށަށްލުން (3) ކަމެއްގައި ބެއްދުން (4) އަޅުވެތި ކުރުން (5) މީހެއްގެ ތައްޕާހުގެ ދަށަށް ގެނައުން (6) ވަތަކުތޯ ޖެހުން
ދަށް
ނ (1) މަތި މިބަހުގެ އިދިކޮޅު މިސާލު: އޭނާ ދަށްމަޤާމަކަށް ބަދަލުކޮށްފިއެވެ (2) ދެރަ މިސާލު: ފެންވަރު ދަށް (3) މަތިން އަޅާއެއްޗެއްގެ އެތެރެ މިސާލު: ރިޔާދަށުގައި ތިބިމީހުން (4) މަތިފަރާތްނޫން އަނެއްފަރާތް މިސާލު: އެސިޓީ އޮންނާނީ އެފޮތުގެ ދަށުގައި (5) އަނދެގެން ހުންނަ ނުވަތަ ލައިގެންހުންނަ އެއްޗެއްގެ އެތެރެ
ދަށްބަގަ
ނ (1) އާދައިގެ މީހުން (2) ދެރަމީހުން (3) ދެރަބަގަ
ދަށްކިބާކެޔޮޅު މޮޅުވާނެ
)މުސްކުޅިބަހެއް( ފަސޭހައިން ކަންތައްކުރެވޭ ގޮތަށް ހުންނަ މީހާއަށް އެހެން މީހުންނަށްވުރެ ރަނގަޅަށް ކަންތައް ކުރެވޭނެކަން ދެއްކުމުގެ ގޮތުން ބުނެއުޅޭ ބަހެއް
ދަށްއުޑު
ނ (1) އުދަރެހުންތިރި (2) ފެނުއަޑި
ދަށްޓަންމަޅި
ނ )ޏ ( މީހަކަށް އަނިޔާއެއް ލިބިދާފަދަ ގޮތަކަށް ހަދައިފައި ހުންނަތަން
ދަނބާ
ނ މަހެއްގެނަން މިއީ ފަޅުފަޅާއި ތިލަހިސާބުގައި ގިނަޢަދަދަކަށް އުޅޭމަހެކެވެ މިމަހުގެ ޅަދުވަސްވަރު މަސްހުންނަ ގޮތް ބޮޑެތިވީވީހެން ބަދަލުވެއެވެ މިމަހުގެ ކުލަޔަކީ މުށިކުލައެވެ މަހުގެ ބަނޑުދަށް ފަރާތުގައި ފަނޑުމުށި ކުލައެއްހުރެއެވެ ތުނބުންފެށިގެން ލޮލުގެ މަތީބަޔަށް ދެމިފައި ހުންނަ ނޫކުލައިގެ ރޮނގެއްހުރެއެވެ
ދަނބު
ނ (1) ބިޔަކޮށްހެދޭ ފަތްތައް ހިމަދިގު ލަކުޑިމޮޅު ގަހެއް (2) މިގަހުގައި އަޅާމޭވާ މިއީހުތްފޮނި ރަހަދޭ އެއްޗެކެވެ ޅަކޮށްހުންނައިރު ހުންނާނީ ފެހިކުލައިގައެވެ ދޮންވީމާ ހުންނާނީ ދަނބުކުލައިގައެވެ (3) ދަނބުކުލަ
ދަނބުބޭސް
ނ ފާރުވާ ތަންތަން ދޮވުމަށް ބޭރުން ތައްޔާރުކޮށްގެން ގެނެސްފައި ހުންނަ ދަނބުކުލައިގެ ބޭހެއް
ދަނބުކުލަ
ނ (1) ގަދަ އޯކިޑު ކުލައަކަށްދާ ކުލައެއް (2) ރަތްކުލައާއި ނޫކުލައާ ދެމެދުގައި ހުންނަކުލަ (3) ދަނބު ދޮންވީމާ ހުންނަ ކުލަ
ދަނގެތީމީހުންރޯދަވީއްލުން
)މިސާލުބަހެއް( ކައިނިމިގެން ފައިބާއިރު މުޅިސުފުރާ މައްޗަށް ކާއެއްޗެހި އެޅިފައިހުރުމުން ބުނެއުޅޭ ބަހެއް މިސާލު: މިތަންހީވަނީ ދަނގެތީ މީހުން ރޯދަވީއްލައިފައި އޮތްހެނެވެ
ދަނޑި
ނ (1) ގަސްގަހުގައި ލަކުޑިޔަށްވުރެ ހިމަކޮށް ދިގުކޮށް ހެދިފައި ހުންނަ ގޮފި (2) އެއްތަނޑިޔަށް ހެދިފައި ހުންނަ ވަކިފަލަމިނެއްގެ ގަހެއްގެ މައިގަނޑަށް ބިމުން ވަކިކޮށްލީމާ ކިޔާގޮތް (3) ލަކުޑިން ވައްކޮށް ހިމަދިގުކޮށް މަށައިފައި ހުންނަ އެއްޗެހި (4) އިރު ހިނގާ މަގު މިސާލު: އުތުރުދަނޑި (5) މަޖާޒު: ހިމަދިގުކޮށް ހަރުކޮށް ހުންނަ އެއްޗެހި
ދަނޑިހަރު
ނ ދަނޑި ބެހެއްޓުމަށް ހަދައިފައި ހުންނައަށި މިތަން ހުންނާނީ މަތިހިޔާކޮށްފައެވެ
ދަނޑިރޫސިހާބަތް
ނ ކިރިޔާ އާރުފިލާވަރަށް ހަރުކޮށް ކައްކައިފައި ހުންނަ ރޫސިހާބަތް
ދަނޑިބަރަނި
ނ ބަރަނި ދަނޑިޔަށް އޮޅައިފައި ހުންނަ ބަރަނި
ދަނޑިބޮނޑި
ނ ބޮނޑިއަކަށް ބަނދެފައި ހުންނަ ދަނޑިތައް
ދަނޑިވުން
މ (1) ކުޑަކުދިން ރޮމުން ރޮމުންގޮސް ދެމުން މަޖާޒު: (2) ފިރިހެން ހައްޓަށް ބާރުއައުން (3) ވާގިޖެހުން (4) ކޮޅުވުން
ދަނޑިމަތި
ނ ދަނޑިމަތި އެނބުރީމާ ހުންނަގޮތަށް ފެންނަބައި
ދަނޑިމަސް
ނ (1) މަސްދޯނިފަހަރު ވަކިވަރަކަށް މަސްބާނައިގެން އައިމާ އެބޭނިމަހުން ގަނޑުވަރުތެރެއަށް ގެންދާމަސް މިމަސްގެންދާ ގޮތަކީ ތިންމީހުން ތިންދޮށީގެ ބުޅީގައި މަސް އަޅުވައިގެން ތިންދޮށި ކޮނޑުމަތީގައި ބާއްވައިގެން ކޮންމެ މީހަކު އެމީހަކު ދޮށީގެ ބުޅީގައި އަޅުވައިފައި އޮންނަމަހުގެ ނިގޫފަތުގައި ހިފައިގެންނެވެ (2) ޚާއްޞަގޮތްގޮތުން ދޯނިފަހަރުންދޭ މަސް
ދަނޑިފަށް
ނ ވިއްސާރަ ވިލާގަނޑު ހަދާއިރު ކަޅުކޮށް ހުންނަ ފަށް