radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ތޭރި
ނ (1) ކުޑަދޮރުގެ ދެއޮޅި ދޭތެރޭގައި ލަކުޑިން ނުވަތަ ދަގަނޑުން ޖަހައިފައި ހުންނަ އެއްޗެހި. (2) ލަކުޑިން ހަދައިފައި ހުންނަ ބައެއް ތަކެތީގެ ދެފައިކޮޅު ދޭތެރެއަށް ލައްވައިފައި ހުންނަ ހިމަދިގު އެއްޗެހި. މި ވަށްކޮށާއި ހަތަރު އަރިއަށާއި ދިގުހަރު އަޅައިގެން ލިޔެފައިވެސް ހުރެއެވެ މިސާލު: )ހ( އަދަރާދަގޮނޑީގެ ތޭރި )ށ( އުނދޯލީގެ ފަޑީގައި ހުންނަތޭރި (3) ފަހާފޮށީގެ ބަރަނި އޮޅަން ހަދައިފައި ހުންނަ އެއްޗެއް (4) ސަރަކައިގެ ރޮދިއޮޅަން ހުންނަ ފޯލި (5) ފޭރާން ވިޔާއިރު އޮޅަން ހުންނައެތި
ތޭރިނެޅި
ނ )ސ ( ފޭރާން ކުރާމީހުން އުއިތޭރިލާން ހަދައިފައި އޮންނަ ހޮޅި މި އޮންނާނީ އެއްކޮޅު ހިމަކޮށް ތޫނުކޮށެވެ އަނެއްކޮޅުގައި އަގުޅިއެއް ޖަހައިފައެވެ
ތޮނޮޖެހުން
މ )ސ ( އެސްފީނާޖެހުން
ތޮރާ
ނ ވެލެއްގައިއަޅާ ތަރުކާރީގެ ބާވަތެއް. މީގެ ހުންނަނީ ދެވައްތަރެކެވެ. އެއްވައްތަރަކީ ފިތްޖެހި ތޮރައެވެ އަނެއްވައްތަރަކީ އާދައިގެ ތޮރައެވެ
ތޮރުފުން
މ (1) އެއްޗެއްގައި ލޯވަޅެއް އެޅުން (2) އެއްޗެއް ފޫދުއްވުން (3) މަޖާޒު: ނުބެހޭ ކަމެއްގެ ތެރެޔަށް ވަނުން
ތޮރޮހިތޮނެޔާ
ނ )ގ ( (1) ލޮނުމެހި (2) މަޖާޒު: ހަލަނިކޮށް އުޅޭ ކުދިންނަށް ކިޔާ ނަމެއް
ތޮޅިޔަށްދިއުން
މ މަޖާޒު: (1) އެއްޗަކަށްނުވުން (2) ތާކުންތާކު ނުޖެހިދިއުން
ތޮޅުން
މ (1) ދެކޮޅުވުން (2) އަރާރުންވުން (3) ހަނގުރާމަކުރުން (4) ހަށިގަނޑުގެ އެކިތަންތަން އަމިއްލައަށް ތެޅިލުން (5) ކުޑަކުދިން އެއްކުއްޖަކު އަނެއްކުއްޖަކާ ދެކޮޅުވުން ނުވަތަ ސަމާސާއަށް ގޮތްގޮތްހެދުން (6) ބަނޑުގައިވާ ދަރިފުޅު ޙަރަކާތްކުރުން
ތޮޅެންބަކުޑި
ނ )މ ( ފަތްޕިލާވެއްޔެއް މިއީހިސާބަކަށް ކެހެރިހުންނަ ގަހެކެވެ މިގަހުގައި އަޅާތަކެތި ފޭރާމުގައި ޖެހުމުން ފޭރާމުގައި ތަތްލައިފައިހުންނާނެއެވެ
ތޮޅޭކަތުރު
ނ )ޅ ( ހުދުހަމުގައި ޖަހާ އުމެއް
ތޮއްފިލާ
ނ އޮޑިދޯނިފަހަރުގެ އެތެރެފަރާތު ކައިރިފަށުގައި ހަފޮޅާ ޖައްސައިގެން އިންނަ ފަތްތަކުގެ މަތީގައި އެއްކޮޅުން އަނެއްކޮޅަށް އަޅާފިލައެއް މިއީ ފެތިގެން އަޑިއަށް ދިޔަނުދިއުމަށް )ރައްކަލަކަށް( އަޅާފިލައެކެވެ
ތޮއްތޮއް
ނ )ގ ( ޅަކުދިންގެ އަތުގައި އޮންނައެއްޗެއް އެކުއްޖަކުނުރޮއްވައި އަތުލައިގަތުމަށް ބޭނުންކުރާބަހެއް
ތޮއްޑު
ނ މަސްހިފަންޖަހާ ދަލުގެ ތިރީ ކުރެވި
ތޮއްޑުއޮއްބުން
މ މަސްހިފަން ޖަހާ ދަލުގެ ކުރެވި މައްޗަށް ނާރާ ގޮތަށް ތިރިން ހިފެހެއްޓުން
ތޮއްޑުދޮށުންދިއުން
މ މަޖާޒު: ކަމެއް ބޮއްސުންލުން
ތޮއްޑޫބެރު
ނ އިހުގައި ތޮއްޑޫ މީހުންޖަހައި އުޅުނު ދަނޑި ބެރުގެ ވައްތަރެއް މިބެރު މާލޭގައިވެސް ޖަހައި އުޅެއެވެ މިބެރު މޮޅަށްޖަހައި އުޅެނީ ދުންމާރީ އާއި ތާޅަފިލި ފުމެފައެވެ
ތޮއްޕަތް
ނ )ގ ( ފަރުޖުގެ ތުންފަތް
ތޮއްޖެހުން
މ މީހުން ތަނަކަށް ގިނަވެ ފުނިޖެހުން
ތޮލުން
މ )ސ ( ފަރުބޭރުން މަޑުމަޑުން ފަލިޖަހަމުން މަސްބޭނުން
ތޯރާފަނި
ނ ރާޅުޖަހާ ހިސާބުން ނަގާފަންޏެއް މިއީ ހުދުކުލައިގައި ވަރަށް ކުދިކޮށްހުންނަ އެއްޗެކެވެ