radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ފޮޅިއެޅުން
މ (1) ނަދުރު ބުނެގެން މުޅި ހަށިގަނޑު ނުވަތަ ހަށިގަނޑުގެ ބައެއް ހުދުފޮތި ގަނޑަކުން ނިވާ ކުރުމަށްފަހު އެފޮތިގަނޑުގައި ފޮޅިއެތުރުން (2) މަޖާޒު: އެއްލާފައި ހުންނަ ގުޑި އަނެއް ފުށުން ޖެހުން
ފޮޅިދަނޑިގަނޑު
ނ ފޮޅި ފިހާއިރު ފޮޅިނަގަން ގެންގުޅޭ އެއްޗެއް މި އޮންނާނީ ދޭފަތާ ވައްތަރު ގޮތަކަށް ތަންކޮޅެއް ފުޅާކޮށެވެ މީގެ ކުރީ ކޮޅު ހުންނާނީ ލެބޭ ވަރަށް ތުނިކޮށެވެ
ފޮޅިތަވާ
ނ ފޮޅިފިހަން ގެންގުޅޭ އެއްޗެއް މިހުންނާނީ ލޮއިން ތުނިކޮށް ވައްކޮށް ހަދައި ކައިރިފަށެއް އަޅައި ދެ އުޅައް ޖަހައިފައެވެ
ފޮޅިގަނޑު
ނ (1) ކޭންމަތިގައި އަޅަން ފިހާފޮޅި (2) ކުކުޅު ބިހުން ކުޅިކޮށް ނުވަތަ ފޮނިކޮށް އަޅާ ބިސްގަނޑު
ފޮޅު
ނ (1) އަވިން ނުވަތަ އަލިފާނުގެ ހޫނުކަން ލިބިގެން ގައިގެ ތަން ތަނުން ފެންއަރައި އުފުލިފައި ހުންނަތަންތަން (2) ބައެއް މަސައްކަތް ކުރީމާ ބުވަތަ ބާރު ފައިވާނަކަށް އެރީމާ ހަމުން ފެންއަރައި އުފުލިފައި ހުންނަ ތަންތަން (3) ދެ ފަށް ލާޖަހާއިރު ވަކި ވަރަކަށް ހޫނުގަދަވެގެން ލާބޮކިޖަހާ ވަރުވުމުން ފުއްޕާ ތަންތަން (4) ޖަންބު ފަތުގައި ހުންނަ އުން (5) ހަމުގެ ބައްޔެއް މި ބަލީގައި ގައިގެ ތަންތަން ކޮޅު ފުއްޕާފައި ފެންއެރި ފަހުން ދޮހަށްވެއެވެ
ފޮޅުން
މ (1) މާމަލުގެ ފިޔަތައް ހުޅުވުން. (2) ގޮވާމާއި ހަވާދު ފަދަ ތަކެތީގެ ކުނޑި ފިލުވުމަށް ނުވަތަ އޭގެ އެކިއެކި ބައިބައި ވަކިކުރުމަށް ބަތްޕޮޅި ނުވަތަ ދޮލަނގެއް ފަދަ އެއްޗަކަށް އަޅައިގެން ވަކިގޮތަކަށް ޙަރަކާތްކުރުން (3) ތަނެއްގައި ހުރި ހިރަފުހާއި މަކުނުވާ ފަދަ އެއްޗިހި ފޮތިގަނޑެއް ނުވަތަ އެނޫންވެސް އެއްޗަކުން ތަޅައިގެން ސާފުކުރުން (4) ހަނާކުރާއިރު ގޮވާމުގައި މާޖެހުން (5) ތަންތަނުން ދަވާދު ދަބަރު ފަދަ އެއްޗިހި އުފުލި ކެނޑިކެނޑިގެން ނެއްޓުން (6) އެކިއެކި ގޮތްގޮތް ދިމާވެގެން ގައިގެ ހަން ތޮށިތަކެއްހެން ނެއްޓެމުން ދިއުން (7) ތަނަކަށް އެޅިފައި ނުވަތަ ތަނެއްގައި ހަރުލައިފައި ހުންނަފެން އަތުގެ ނުވަތަ އެނޫންވެސް އެއްޗެއްގެ ޙަރަކާތުން ބުރުވައިލުން (8) ނޭފަތުގައި ހުންނަ އަރިދަފުސް ނެރެ ސާފުކޮށްލުން (9) މަޖާޒު: އުފަލުން ގޮސް މޫނުމަތި އުޖާލެވެގެން ދިއުން
ފޮޅުވަތް
ނ (1) ފޮތެއްގައި ނުވަތަ ކަރުދާހެއްގައި ނަމަވެސް ދަމައިފައި ހުންނަ ރޮނގު (2) ބޯޑެއް ނުވަތަ ފޮތެއް ފަދަ އެއްޗެއްގައި ހުރަހަށް ލިޔެފައިވާ ލިޔުމެއްގެ އެއް ރޮނގު
ފޮއި
ނ (1) ދައިން ފުޑަން ބޭނުން ކުރުމަށް ފޯލިކޮށް ހިލައިން ހަދައިފައި ހުންނަ އެއްޗެއް (2) މަހެއްގެ ކުރީ ފަނަރަ ނުވަތަ ފަހު ފަނަރަ
ފޮއްތާލި
ނ (1) )ހ( ގައިގައި ބޯކޮށް ރާޅުކޮށް އުފުލިފައި ހުންނަތަންތަން (2) )ޏ ސ ( ގަދަވައި ނުހުންނަ ވިލާ (3) ދަމާ ކޫއްތާ ކޫއްތުން
ފޮއްތާލިގަނޑޮ
ނ )ޏ ސ ( ގަދަޔަށް ވައި ނުހުންނަ ވިލާގަނޑު
ފޮއްތާލިގަނޑޮހެލުން
ނ )ޏ ސ ( ގަދަޔަށް ވައިނުހުންނަ ޒާތުގެ ވިލާގަނޑެއް ނެގުން
ފޮއްގަނޑު
ނ ފޮއްމީހުން
ފޮއްސި
ނ މޫނު ނުވަތަ މުޅިމީހާ ދުޅަވެފައި ހުންނަހެން ފެންނަގޮތަށް ބޯވެފައި ހުންނަ ހުރުން
ފޮމެކާ
ނ ތަންތަނާއި އެއްޗެހީގައި ތަތްކުރުމަށް އޮފުލައިފައާއި އޮފުނުލާ ހަދައިފައި ހުންނަ ވަރަށް ތުނި ފިލައެއް
ފޮފަ
ނ ސިމެންތި ޖެހުމުގައްޔާއި ވަޑާން ކުރުމުގެ މަސައްކަތުގައި ބޭރަށް ފުއްޕުން ލައިފައި ހުންނަ ފަށް
ފޮފަނަގާރޮންދާ
ނ ވަޑާންކުރުމުގެ ތެރޭގައި ބޭރަށް ފުއްޕުން ލައިފައި ހުންނަ ތަންތަން ބޭރަށް ފުއްޕުން ލުމަށްޓަކައި ހަދައިފައި ހުންނަ ރޮންދާއެއް
ފޮފަނެގުން
މ ސިމެންތި ޖެހުމާއި ވަޑާން ކުރުންފަދަ މަސައްކަތުގައި ބޭރަށް ފުއްޕުންލައިފައި ހުންނަ ތަންތަން ބޭރަށް ފުއްޕުންލުން
ފޮފަޅި
ނ މަރުޖާނުގެ ބާވަތެއް މިއީ މިނާގެ ތެރޭގައި ތަންކޮޅެއް ބޮޑެތިކޮށް މެދުގައި ލޯވަޅެއް އަޅައިފައި ހުންނަ އެއްޗެކެވެ
ފޮފި
ނ )ޏ.ސ.( ކޮލީގެ ބާވަތެއް. މިއީ ކުރުފަލަކޮށް ކަޅުރަތްކުލައެއްގައި ހުންނަ މަހެކެވެ
ފޮދަޖެހުން
މ )ސ ( (1) ތިކިތެޅުން (2) ހޮނދުޖެހުން