radheef.info
ރަދީފު


ބަ
އ އައްބަ
ފަސްގަނޑު ކަނޑައިގެންދިއުން
މ (1) ބިންގަނޑަށް އަންނަ ބަދަލަކުން ފަސްގަނޑު ކެނޑި ފޭވުން (2) ދެމިގެން އަންނަ ފެންގަނޑު ފެތުރިގެން ދިޔަ ނުދިނުމަށްޓަކައި ހަދާފައި ހުންނަ ވެލީގެ ހުރަސް ގިރާލުން
ފަސްގަނޑުކަނޑައިލުން
މ (1) ކޮންނަމުން ދާ ވަޅެއްގެ ކައިރިފަށް އުދަލިން ކަފައިލުން (2) ވެލިފުންޏެއް ނަގަމުން ދާއިރު ވެލި ފުނީގައި ގުޅިފައި ހުންނަބައި އުދަލިން ކަފައިލުން
)މިސާލުބަހެއް( މީހާކޮންމެ ތަނެއްގައި ހުއްޓަސް އެމީހާ މަރުވާން އިރާދަ ކުރައްވާ ތަނަކަށް ގެންދަވާނެކަން ބަޔާން ކުރުމަށް ބުނެއުޅޭ ބަހެއް ފަސްގަނޑެއް ނުދާނެއެވެ ދާނީ މީހާއެވެ
ފަސްޖެހުން
މ (1) ކަމަކާމެދު ޖެހިލުންވެގެން އެކަމެއް ކުރަން ނުކެރުން (2) ފަސްއެޅުން (3) )ހ ( ވެލިޖެހުން (4) ބަޑިގޮއްވާލުމުން ބަޑިފަހަތަށް ދިއުން
ފަސްޖެއްސުން
މ (1) ކުރަންވެފައި އޮތްކަމެއް ލަސްކޮށްފައި ބޭއްވުން. (2) ފަސްޖެހުން މިބަހުގެ 1 ވަނަ 2 ވަނަ 3 ވަނަ މާނައިގައި ބުނާގޮތް
ފަސްޙިއްސު
ނ އިވުމާއި ފެނުމާއި ރަހަލުމާއި ވަސްދުވުމާއި އެނގުން މިއީ އިޙުސާސުގެ ފަސްބައެވެ
ފަޑައްކު
ނ (1) ހަނޑުލާއި ބިންބިފަދަ ގޮވާމުގެ ބާވަތްތައް ގެންގުޅޭ ތަންތަނަށް އެޅިފައި ހުންނަ އޮށްޓަރު. (2) ބަސްތާފެޅިގެން އެޅިފައި ހުންނަ ހަކުރާއި ފުށާއި ސިމެންތި ފަދަ ތަކެތި
ފަޑައްކުތެޅުން
މ (1) ހަނޑުލާއި ބިންބި ފަދަ ގޮވާމުގެ ބާވަތްތައް ގެންގުޅޭ ތަންތަނަށް އެޅިފައި ހުންނަ އޮށްޓަރުތައް ނަގައި ސާފުކުރުން. (2) ބަސްތާ ފެޅިގެން އެޅިފައި ހުންނަ ހަކުރާއި ފުށާއި ސިމެންތި ފަދަ ތަކެތި ނަގައި ސާފުކުރުން
ފަޑި
ނ (1) އެނދާއި އުނދޯލި ފަދަ ތަކެތީގެ ދެކޮޅާއި ބިތްދޮށުގައި ހުރަސް ތޭރިމައްޗަށް ފަތިހަރުކޮށް ހަދައިފައިވާ ބައި (2) ފުރާދުއްވާ އުޅަނދު ފަހަރުގެ ދެއަރިމަތީގައްޔާއި އަރާފައިބަން ހަދާފައިވާ ސިޑި ފަދަތަންތާނގެ އަރިމަތީގައި ހިފޭ ގޮތަށް ހަދައިފައިވާ ބައި
ފަޑީކޮޅުންބޭރަށް ދިއުން
މ މަޖާޒު: އެއްޗެއް އަތްމަތިވެފައި ނުލިބި ދިއުމުން ބުނެއުޅޭ ބަހެއް
ފަޑެއި
މ )ސ.( ހުތުރު ބަހުން އެނަކަކު ދެރަކޮށްލުމަށް ނުވަތަ ކަލެއަށް ދޫނުކުރާނަމޭ ބުނުމުގެ ގޮތުން ބުނާ ބަހެއް
ފަޓާސް
ނ ބޯކަރުދާހުން ހަދައި އެތެރެއަށް ބަޑިބޭސް އަޅައި ކޮޅުގައި ފުކެއްލައިފައި އޮންނަ ހިމަކުޑަ އެއްޗެއް މިއީ ކުޅިވަރަށް ޖަހާއެއްޗެކެވެ މީގެ ފުކުގައި ރޯކޮށްލީމާ ވަރަށް ބާރަށް ގޮވާނެއެވެ
ފަޗިސް
ނ ގޮޓިކިޔާ ކުޅިތަކަކާއި އެތެރެއަށް ތިމަރަ އަޅައިފައި ހުންނަ ރިހާކުރު ބޮލީގެ ހަ ބޮލިން ވަކިގޮތަކަށް ހަދައިފައި އޮންނަ ފޮތި ގަނޑެއްގެ މަތީގައި ކުޅޭ ކުޅިވަރެއް. މިއީ ހަތަރު މީހުން ބައިވެރިވެގެން ކުލޭ ކުޅިވަރެކެވެ
ފަޗިސްއެޅުން
މ ފަޗިސް ކުޅޭއިރު ބޮލިތައް ތަޅުވާފައި އޮއްސައިލާއިރު އެއް ބޮލި ބަނޑުން އަނެއް ފަސްބޮލި އުއްޑުން އޮތުން އޭރުން އެ އެޅުނީ ފައްސިއްސެކެވެ ނުވަތަ ފަޗިހެކެވެ
ފަޗިސްފޮތިގަނޑު
ނ ފަޗިސްކުޅެން ހަދައިފައި އޮންނަ ފަތިގަނޑު މި އޮންނާނީ ހުދު ފޮތިގަނޑެއްގައި ކަޅުފަށްތަކަކުން ގޮޅި ހަދައި މެދު ހަތަރެސްކަންވާ ގޮތަށް ހަތަރުފަރާށް ހަތަރުބައި ދިގުކޮށް އޮންނަގޮތަށެވެ
މަޖާޒު: ދެރަމީހުންގެ ބަސްނުވިކޭކަން އަންގައި ދިނުމަށް ބުނެއުޅޭ ބަހެއް ފަޤީރަކަށްވާނީ ހީއެކެވެ
ފަޟީޙަތް
ނ (1) ބޭޒާރު (2) ބަދުނާމު
ފަޟީޙަތްކުރުން
މ (1) ބޭޒާރުކުރުން (2) ބަދުނާމުކުރުން
ފަޟީޙަތްވުން
މ (1) ބޭޒާރުވުން (2) ބަދުނާމުވުން
ފަޞްލު
ނ (1) ބާބު (2) ބައި (3) ކިލާސް