radheef.info
ރަދީފު


ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
އަޅި
ނ (1) ތަކެތި އަނދައި ހުލިވީމާ ހިމުންކޮށް ހުންނަބައި (2) ދަރުފަދަތަކެތި އަނދައި ހުލިވީމާ ހިމުންކޮށް ހުންނަބައިގައި ހުންނަކުލަ (3) ނއ އަޅިކުލަހުރި
އަޅިވުން
މ އަނދައި އަޅިޔަށްވުން
އަކަރަކަރާ
ނ ބޭހެއްގެނަން މިހުންނާނީ ހިމަދަނޑިކޮޅުތަކެއް ހެނެވެ މިބިންދައިލައިފައި ކޮޅު ދުލުގައި ޖެއްސީމާ ކުޑަކޮށް ދޫތޮރުފާގޮތެއް ހުންނާނެއެވެ
އައިނަކަށްމަހެއް
ނ )ހ.( މޫދުގައި ކުޅޭކުޅިވަރެއް. މިކުޅިވަރު ކުޅޭގޮތަކީ ދެކުދިންގެ ހަތަރު އަތުން އަށިގަނޑެއްހެން ހަދައި އޭގެމައްޗަށް އެހެން ކުއްޖަކު އެރީމާ އެއްލައިލަނީއެވެ
އައު ކުކުޅަކަށް ގައު ބިހެއް އެޅުން
)މިސާލުބަހެއް( ތިމާޔަށް ވެވުނު ކުޑަ ކަމެއް ނުވަތަ ތިމާއަށް ލިބުނު ކުޑަކުޑަ ނިޢުމަތެއްގެ ވާހަކަ މާބޮޑު ކަމަކަށް ހަދައިގެން ދައްކަ ދައްކައިފައި އެކަމާ އުފާވެގެން އުޅުން
އައްސިއޮރި
ނ އާދައިގެ އޮރިޔަށްވުރެ ފަތިކޮށް ހުންނަ އޮރިއެއް. މިގައިގައި ބީހުނީމާ އައްސިވެ މީގެ މަސް ކޭމާ އައްސިފިލާކަމަށް ބުނެއެވެ
އައްސިފޮށި
ނ ހިފާނޭ ދެލޯލިލައިފައި އޭގައި ހިފީމާ އަތަށާއި ހަށިގަނޑަށް އިލެކްޓްރިކް ބާރު އަންނަގޮތަށް ހަދައިފައި ހުންނަ ކުޑަ މެޝިނެއް އެއަށް ބާރު އަންނަނީ އޭގައި ހުންނަ އަތްގަނޑެއް އެނބުރީމައެވެ
އަމަށަކުން
ކއ (1) އާދައިގައިވާގޮތަށް (2) އަސްލާ އެއްގޮތުން
އަމަރާލި
ނ ކޯއްޓޭ ދިދައިގެ މައްޗަށް ނަގާ ހަނިދިގު ކަފި ދިދައެއް މީގެކުރީގައި ލައިފައި ހުންނަ ދެވާގަނޑު ބިންމަތީގައި ޖެހޭ ވަރުވާނެއެވެ
އަމާންދިދަ
ނ (1) އިހުގައި ރަދުންނާއި ގަނޑުވަރުތެރޭ ހަތްކޮޅުނަގާ ބޭފުޅުން ޢިއްޒަތަށް ވަޑައިގަންނަވާއިރު ކުރީގައި ޖަޑިބު ހިފައިގެން ހުންނަ ބޮޑު ދިދަ މިހާރު އެދިދައިގެ ބަދަލުގައި ހުންނަނީ ޤައުމީ ދިދައެވެ މިހިފަނީ އެކަމަށް ޚާއްޞަ ކުރައްވައިފައި ހުންނަ މީހެކެވެ (2) އަމާން ދިންކަމުގެ ނިޝާން
އަފުނޯސްކަށި
ނ އެއްކޮޅުގައި ބޮލެއްލައިފައި އަނެއްކޮޅު ތޫނުކޮށް ހަދައިފައި ހުންނަ ކުދި ކައްޓެއް. މިހަދަނީ ލޯ ނުވަތަ ދަގަނޑުފަދަ އެއްޗެހީންނެވެ
އަދަރާދަގޮނޑި
ނ އިށީންނަށް ހަދައިފައި ހުންނަ މަޝްހޫރު ގޮނޑިއެއް މިގޮނޑި ދެއަތް ބާއްވަން އަތްގަނޑުލައިފަޔާއި އަތްގަނޑު ނުލައިހުރެއެވެ މިކަހަލަ ގޮނޑީގައި ލެގޭއަތްގަނޑު ހުންނާނެއެވެ
އަތަރުދާން
ނ އެތައް ފުޅިއެއް ބެހެއްޓޭނޭހެން. ލޯއިންހަދައި ފައިޖަހައިފައި ހުންނަ ބާވަތެއްގެ ތަބަކެއް
އަތާއަތާލުން
މ އެކެއްގެ އަތްތިލާގެ އިނގިލިތައް އަނެކެއްގެ އަތްތިލާގެ އިނގިލިތަކު ތެރެއަށްލާ މަހާ ބައްދައިގެން ދެމީހުންމެ ބާރުލައި އެކެއްގެ އަތް އަނެކަކު އަނބުރައިލުމަށް ބާރުލުން
އަތުރޮށި
ނ ފުޠޫރު ދޮލަނގު ހަދާއިރު ހަދާ ރޮއްޓެއް މި ހުންނާނީ ފޮނިރޮށި ހަދާގޮތަށް ހަދައި ތައްގަނޑަކަށް އޮބާފައެވެ
އަތްބިންދާއުކުޅު
ނ ހިފުމުގެ އުކުޅެއް މިގޮތަށް ވެދެގަތީމާ އެމީހާ ނުވެއްޓޭން ގަދަދައްކައިފިނަމަ އަތްބިންދައިގެންދާނެއެވެ
އަތްފުނައުއެޅުން
މ (1) ފުނާއަޅާ ފަދައިން ބޮލުގެ އިސްތަށިގަނޑު އިނގިލިތަކުން އޮމާންކުރުން (2) މަށަން ދަތިއަޅާ ފަދައިން އިނގިލިތަކުން ހޭވުން (3) މަޖާޒު: ގެއްލިގެންއުޅޭ ކުޑަވަރަކުގެ އެއްޗެއް ހޯދާން މުޅިގޭގެ އެތަންމިތަން ހާވައި ހޯދުން
އަތްދަށުންލުން
މ ތާކު ހިފަހައްޓައިފައި ނުވަތަ އަތްވިއްދައިފައި އެއަތްދަށުން ފުރޮޅިގެން ދިއުން
އަތްތޮޅުވުން
މ ބާރުގަދައީ ކާކުތޯ ބަލާން އެކަކު އަނެކަކުގެ އަތުގައި ހިފައިނައްޓުވައިހެދުން ދެމީހުން އޮޅުލައިގަތުމުގެ ކުރީގައިވެސް މިހެން ހަދައިއުޅެއެވެ
އަލަކަ
ނ ފެނުދޫންޏެއް މިއީވެސް އިލޮޅިފަދައިން ގޮނޑުދޮށާއި މޫދުގައިއުޅޭ ކުޑަވަރަކު ދޫންޏެކެވެ