radheef.info
ރަދީފު


ފެން
ނ (1) އޮކްސިޖަނާއި ހައިޑްރޯޖަން އެކުލެވިގެން އުފެދިފައިވާ އެއްޗެއް. މިއީ ފިނިވީމާ ގަނޑުވާ ހޫނުވީމާ އާތްވަށްވެގެން އަރާ ކުލައެއް ވަހެއް ނެތް ދިޔާ އެއްޗެކެވެ (2) ވާރޭ (3) ކަރުނަ (4) މަޖާޒު: މަނި (5) ނއ ފޯރިއެއް ރޫޙެއްނެތް
ފަރާސަތުޢިލްމު
ނ ބޭރުފުށުން ފެންނަށް ހުންނަ ސިފަތަކަށް ބަލައިގެން އެމީހަކީ ކޮންކަހަލަ މީހެއްކަން ދެނެގަތުމުގެ ޢިލްމު
ފަރުތޮޅި
ނ ކަނޑުއޮޅިތަކުގެ އަނގަމަތީ ގައްޔާއި އެތެރެވަރީގެ ދެފެން ދޭތެރެއާއި ފެންމަތީގައި އުޅޭ ތުންދިގު ހިމަދިގު މަހެއް މިތޮޅި މާތޮޅިޔަށްވުރެ ބޮޑު ވާނެއެވެ އަނގައިގައި ވަރަށް ގިނައިން ދަތް ހުންނާނެއެވެ
ފަރުޟުހިނެވުން
ނ ދީނީގޮތުން ވާޖިބުވެގެން މައްޔިތާ ފެންވަރުވާ ފެންވެރުވުން
ފަރުޟުފެން
ނ ދީނީގޮތުން ވާޖިބުވެގެން ވަރަންޖެހޭ ފެންވެރުމުގައި ކުނިމިލަތަކުން ހަށިގަނޑު ތާހިރުކުރުމަށްފަހު ނިޔަތާއެކު އަޅާފެން
ފަޅިހަނދު
ނ ހުޅެވިހަނދުން ފެށިގެން ދިހައެއް އެގާރައާ ހަމައަށް ފެންނަން ހުންނަ ހަނދު
ފައިފުހި
ނ ފައިން ވެލިފުހުމަށް ނުވަތަ ފެން ފުހުމަށް ހަދައިފައި ހުންނަ އެއްޗެހި
ފައިތިލާފެން
ނ ފައިތިލަ ތެމޭ ވަރަށް ހުންނަ ފެން
ފައިލު
ނ ސިޓީއާއި މެސެޖް ފަދަ ލިޔުން ފަހުން ބަލަން ބޭނުން ވުމުން ފަސޭހައިން ފެންނާނެހެން އަމުނާފައި ރައްކާ ކުރެވޭގޮތަށް ހަދައިފައި އޮންނައެތި
ފައިލުކުރުން
މ ސިޓީއާއި މެސެޖްފަދަ ލިޔެ ކިޔުމުގެ ސާމާނު ނުވަތަ ނޫސް ފަދަ ތަކެތި ބޭނުންވުމުން ފަސޭހައިން ފެންނާނެ ގޮތަކަށް އަތުރައި އެ ކައްޗެއްގައި ބެހެއްޓުން
ފައްވާރާ
ނ ފެން އަރުވާ ވަޑާން
ފައްވާރު
ނ ފެން އަރުވާ ވަޑާން
ފައްތާލުން
މ (1) ފެންގަނޑެއްގެ އަޑިޔަށް ފޮނުވާލުން (2) މަޖާޒު: އަނެކަކަށް ބޮނޑިއެއް ދިނުން
ފަތްކޮޅު
ނ (1) ވަކިފެންވަރެއްގެ މަޤާމުތަކަށް އިސްކުރައްވާ ފަރާތްތަކަށް ވަޒީފާ ދެއްވިކަން އެންގެވުމުގެ ގޮތުން ދައުލަތުން ދެއްވާ ލިއުން. މިސާލު: އަތޮޅުވެރިކަމުގެ ފަތްކޮޅު. ވަޒީރުކަމުގެ ފަތްކޮޅު ސަފީރުކަމުގެ ފަތްކޮޅު (2) ޤައުމެއްގެ އިސްވެރިޔަކު އެދަރަޖައިގެ ވެރިޔަކަށް ނުވަތަ އެއަށްވުރެ ދަށުގެ މީހަކަށް ފޮނުއްވާ ރަސްމީ އެންގެވުން (3) ގަސްގަހުގެ ފަތުގެ މިންވަރެއް (4) މަޖާޒު: ބޮލުގައި މަދުން ހުންނަ އިސްތަށި
ފަލިފެނުގައިއެޅުން
މ ފަލިވަޅުގެ ހަމައިން ނެއްޓިގެން ފަލިދޫ ފެންގަޑުގެ ތެރެއަށް ވަނުން
ފަސޭހައުޅުން
މ މަޖާޒު: (1) ކޮންމެ ގޮތެއް ވަރިހަމަކޮށްލައިގެން އުޅުން. (2) ދިމާވީ ތަނަކުން ކައިގެން ޖެހުނު ތަނެއްގައި ނިދާފައި ފަސޭހަތާކުން ފެންވަރައިގެން އުޅުން
ފަސްކަނިދަށް
ނ ކަތިރިޔަލުގައި ދަތުރުކުރާއިރު ދޯނީގެ ދަށްކިބައިން މެދު އޮޑިން ފެށިގެން ދަންމާނު ބުޅިއާދޭތެރޭ ރިޔަލު ދަށުން ފެންނަތަން
ފަސްމީރުކޭން
ނ 7671 މ. ހާތާނގައި ކައްކައި އުޅުނު ކޭމެއް. މި ކޭމުގައި ހުންނާނީ 5 ތަށި ފޮނިރިހަ 5 ތަށި ދިޔާރިހަ )ތަފާތުކޮށް( ތެލުލިމަސް ލޮނު ހަކުރު ކިރު )ފޮނިކޮށް ކައްކައިފައި ހުންނަ( ގިތެޔޮ ބިސްގަނޑު ކަލިޔާ ހަލުވާ ޒިލޭބި ފެންފޮޅި މިއީ މުޅިކޭމުގެ މަތި ނިވާވާ ވަރަށް އަޅާ ފޮޅިއެކެވެ
ފަސްގަނޑު ކަނޑައިގެންދިއުން
މ (1) ބިންގަނޑަށް އަންނަ ބަދަލަކުން ފަސްގަނޑު ކެނޑި ފޭވުން (2) ދެމިގެން އަންނަ ފެންގަނޑު ފެތުރިގެން ދިޔަ ނުދިނުމަށްޓަކައި ހަދާފައި ހުންނަ ވެލީގެ ހުރަސް ގިރާލުން
ފާ
ނ (1) ކުއްޅަވަކާއި ކަނޑޫ ފަދަ ތަކެތި ހެދިފައި ހުންނަ ތަންތަން. (2) ބޮނބި މަޑުކުރަން އަޅާފައި ހުންނަ ތަންތަން. މިތަންތާނގައި ހުންނާނީ ފެން ހެދިފައެވެ. (3) ދަނޑި މޫދު އަޅާފައި ހުންނަ ތަންތަން. (4) އަށްހިޔަބޮލި (5) މޭވާ ފަދަ ތަކެތި ދޮންވެ ފައްކާވެގެން ގޮސް ވާ މަޑު. (6) ވިހައިގެން އުޅޭ މީހުންނަށް ހިލާ ބޭހެއް. (7) ކައިރި ހިސާބެއްގައި ކުނިބުނި ވަޅުލެވިފައި ހުރުމުގެ ސަބަބުން ނުވަތަ ގިނައިން ފެން ނެގުމުގެ ސަބަބުން ބައެއް ވަޅު ވަޅުގެ ފެން ގަނޑަށް އަންނަ ބަދަލު (8) ހަށިގަނޑުގެ ތަނަކަށް ހާނީއްކައެއް ލިބި އެތާނގެ ލޭ ނުބައިވުމުގެ ސަބަބުން ވާމަޑު
ފާހަގައެޅުން
މ (1) ފާހަގަޖެހުން (2) އަންހެނުން ވިހަން ކައިރިވުމުގެ ޢަލާމާތެއްގެ ގޮތުން ފެން ނުވަތަ ލޭފާޅުވުން