radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ނަލަހިކާ
ނ ހިކާގެ ބާވަތެއް: މިއީ ރީތި ކުލަތަކެއް ލިބިފައިވާ ކުޑަވަރެއްގެ ހިކައެކެވެ މީގެ ފިރިހެން ހިކާ ހުންނަނީ ފެހި ކުލައިގައެވެ އޮރެންޖު ކުލައިގެ ރޮނގުތަކެއް ހުރެއެވެ އަންހެން ހިކާ ހުންނަނީ ފިޔާތޮށިކުލައިގައި ރީނދޫ ކުލައިގެ ރޮނގުތަކެއް ދަމާފައެވެ އަންހެން ހިކާގެ ބުރިކަށިމަތީ ކޮތަރީގައި ކަޅުކުލައިގެ ދެލައް ހުންނާނެއެވެ މިދެލަކުގެ ކައިރިފަށް ހުންނަނީ ހުދުކުލައިގައެވެ
ނަގާކިއުން
މ (1) އިސްވެކިއުން (2) ބަޔަކު މީހުންގެ ބަސްކިޔުން މިސާލު: ބަޔަކު މީހުން ލަވަކިޔާއިރު މައިގަނޑު ކިޔައިދީފައި އެހެން މީހުން މައިގަނޑު ކިޔާއިރު ކަޑި ކިޔަމުން ގެންދިއުން
ނަގާފައިހުރި ދިދައެއް ހެން
(މިސާލުބަހެއް) މީހުންގެ ލޮލުގައި އަޅައިގަންނަފަދަ ގޮތަކަށް
ނަގިލި
ނ ފުރާދުއްވާ ބޮޑެތި އެއްޗެހި ބަނދަރުގައި އަޅާންވައްޓާލާ ދަގަނޑު މީގައި ހުންނަނީ ދެދަތެވެ
ނަގިލިނެގުން
މ (1) ބަނދަރު ކުރުމަށްލައިފައި އޮންނަ ނަގިލިނެގުން (2) އިހުގައި ނާކޮޅު މީހުން ރާތިބު ކުރާއިރު އަންބާ ކިޔައިފައި ކުޅޭ ކުޅިވަރެއް
ނަގިލިކަހައިލުން
މ (1) ނަގިލިލައި ހަރުކޮށްފައި އޮތް އެއްޗެއްގެ ނަގިލި ކެހިގެން ދިއުން (2) މަޖާޒު: އަނބިމީހާ ރުޅިހަދައިލައިފައި ދިއުން
ނަގިލިކަސްމަތިންދިއުން
މ (1) ނަގިލިލައިފައި އޮންނަ ކެނބު ބޯރުދޫއާ ހަމައިން ކަނޑައިލުން (2) މަޖާޒު: ކުއްލިއަކަށް އަނބިމީހާ ވަރިކުރުން
ނަގިލިލުން
މ (1) ފުރާދުއްވާ އެއްޗެހި ތަންތާ ހަރުކުރާން ނަގިލިވައްޓައިލުން (2) މަޖާޒު: ދެމީހަކު ހިތާވެގެން އުޅޭތީ އެކަން ފާޅުކުރުމަށްޓަކައި އެހެން ބަޔަކު ދޮން ވެލިން މަގުމަތީގައި ނަވެއް ކުރަހައި އެނަވުގެ ދެނަގިލި އެދެމީހުންގެ ދެގޭދޮށަށްލުން
ނަގުލަށްގުއިފޭބުން
މަޖާޒު: ކޮންމެވެސް ގޮތަކުން މީހާގެ ގަދަރުނެތި ދެރަވުން
ނަގޫހުދުމަޑި
ނ ނަގޫ ހުދުކޮށް ހުންނަ މަޑިއެއް މިއީ ތިލަފަޅުފަޅާއި ފަރުބޭރުގައި އުޅޭ މަޑިއެކެވެ މީގެ އެންމެ ޚާއްޞަ ސިފައަކީ ނަގޫ ހުދުކަމެވެ ބުރަކަށި ފަރާތް ހުންނާނީ ކަޅުކުލައިގައި ހުދު ތިކިތަކެއްޖަހާފައެވެ މަޑީގެ ނިގޫ ގާތްގަނޑަކަށް އޭގެ ހަށިގަނޑާ އެއްވަރުވާނެއެވެ
ނަގޫކެނޑި
ނ (1) މަޑިޔާދާ މީހުން މަޑީގެ ނަގޫ ބުރިކޮށްލަން ގެންގުޅޭ ދިގުވަޅިއެއް މިއީ ވަރަށް ބަރު ވަޅިއެކެވެ (2) ނަގޫ ބުރިކޮށްފައި އޮތް ބުޅާ ކުއްތާފަދަ ތަކެތި (3) ނަގޫބަޅު
ނަގޫއެނބުރުން
މ މީހަކާ ދިމާއަށް "ނަގޫބަޅެ" ކޭ ނުވަތަ "ނަގޫކެނޑި" އެކޭ ބުނުން
ނަގޫފިތުން
މ މަޖާޒު: މީހަކު އަނެކަކު ދެކެ ރުޅިއަރުވާން ވާހަކަދެއްކުން
ނަގޫދިގުބުޅާހެދުން
މަޖާޒު: އޮޅުބުޅާ މީހުންގެ ގައިގައި ހޭކިއުޅޭގޮތަށް މީހަކާ ގައިގޯޅިވެގެން އުޅުން
ނަސަބުވެރިން
ނ މާތްދަރިކޮޅުގެމީހުން
ނަސީބުވެރިން
ނ ނަސީބު ލިބިފައިވާ މީހުން
ނަސޭހަތް
ނ މީހަކަށް ހެޔޮމަގެއް ދެއްކުމަށްޓަކައި އޯގާވެރިކަމާއެކު އެމީހަކާ ދައްކާ ވާހަކަ
ނަސްރުގެ އާޔަތް
ނ "ނަޞްރު" މިލަފުޒު އަންނަބައެއް އާޔަތް ނަޞްރު ދެއްވުން އެދި ބައެއްމީހުން މިއާޔަތްތައް ކިޔަވައި އުޅެއެވެ
ނަޑަރު
ނ ވެލާގެ ޒަކަރު މީހަކު ދެރަކޮށްލުމަށް އެމީހާއީ އެއްވެސް އެއްޗެއްނޫން ކަމުގައި ހަދައިފައި މިނަމުން ބުނެއެވެ
ނަޒަރިއްޔާ
ނ (1) ޢިލްމީ ގޮތުން ގަބޫލުކުރެވޭ ޢާއްމު އުޞޫލު (2) ދެކޭގޮތް (3) އުޞޫލު