radheef.info
ރަދީފު


މަޖާ
ނ (1) އުފާވެރިކަން އެކުލެވިފައިވާ ކަންތައްތައް. (2) ރިހާކުރާއި ހުތާއި ގިތި ފަޅޯ ފަދަ އެއްޗެހި އެއްކޮށްގެން ހަދާ ވަރަށް ކުޅިގަދަ އެއްޗެއް (3) ނއ އުފާވެރިކަން އެކުލެވިފައިވާ
ކަނޑިންމާއުޅާގަނޑު
ނ (1) މާލޭކަނޑިންމާ ބަންދުކޮށް ހުޅުވައިއުޅުނު ޒަމާނުގައި ދެފަރާތު ފައިކަށީގައި ޖަހައިފައި ހުރި އަރުގޯލައިގެ އުޅައްގަނޑު (2) މަޖާޒު: އަބަދު އަނގަ ގަދަކުރާމީހާ
ކަނޑިޔާކަނޑިއެޅުން
މ (1) ދެމީހުން ދެކަނޑި ހިފައިގެންނުކުމެ ގަދަބައްޔަށް ޙަމަލާދިނުން (2) މަޖާޒު: މާބޮޑަށް ދުޝްމިނުވުން
ކަނޑުކޮސް
ނ (1) ކަނޑުގައި އެއްކޮޅު ހިއްލިފައި ދެފެންދޭތެރޭ ހުންނަ އެތިކޮޅު (2) މަޖާޒު: ތާކުންތާކު ނުޖެހޭ މީހާ
ކަނޑުވަނުން
މ (1) ތޮށިނެތިފަޅު ތެރެއަށް ކަނޑުއައިސްވަދެފައިވުން (2) މަޖާޒު: ވަކިމިންވަރެއްނެތި އެއްޗެހިލިބޭގޮތް މެދުވެރިވުން
ކަނޑުފަޅުފީނުން
މ މަޖާޒު: މަހަށް ފަރަށް ދިއުމުގެ މަސައްކަތްކުރުން
ކަނޑުގައިހުއްޓައިއަގުކިޔުން
މ މަޖާޒު: ކަމެއް ނުވެއޮއްވާ އެކަމާދޭތެރޭ ހަދާނެގޮތް ކިޔުން
ކަނުހަސަނަށްއަމާފެނުން
މަޖާޒު: )ޏ ( މޮޔަހަސަނަށް އަމާފެނުން
ކަނުހޭވުން
މ މަޖާޒު: (1) ނޭނގޭ ކަމެއް ކުރަން އުޅުން (2) އަނދިރީގައި އެއްޗެއް ހޯދާން ނުވަތަ ކަމެއް ކުރާން އުޅުން
ކަނުވުން
މ (1) ލޮލަށް ނޭނގޭ ގޮތްވުން (2) އާދައިގެ އޮށްވަޅު ކުޅޭއިރު ފުރަތަމަ ކުޅިގަނޑަށްފަހު އެމީހަކަށް ލިބޭ ފުއްތައް ވަޅުވަޅަށް އަޅަމުންދާއިރު ވަޅަށް ފުއް ހަމަނުވެގެން ވަޅުހުސްވުން (3) މަޖާޒު: ހިތަށް ނުވިސްނޭގޮތްވުން
ކަންނެލިކެނޑުން
މ މަޖާޒު: ތަންމައްޗަށް ކުޑަކަމުދެވުން
ކަންކައްޓަށްއަތްދޮވެލުން
މަޖާޒު: ކަންކަށީގައި ބާރަށް އަތުން ޖެހުން
ކަރުފައި އަޅާވަރިވުން
މ މަޖާޒު: ފިރިމީހާގެ ގާތުން ގަދަކަމުން ވަރިވުން
ކަރުދަންޖެހުން
މ މަޖާޒު: ތިމާގެ އަބުރަށް ނުވަތަ ހަށިގަނޑަށް ގެއްލުން ލިބޭ ހިސާބަށް ކަމަކާހެދި އުޅުމަށް ބުނެ އުޅޭ ބަހެއް
ކަރުދެމުން
މ (1) މާބޮޑަށް ބޭނުންވެފައިވާ އެއްޗަކާ ދިމާއަށް ހަރުކޮށް ހިނގައިފައި ނުވަތަ އުދުހިފައި ދިއުން (2) މަޖާޒު: މާބޮޑަށް ބޭނުންވެފައިވާ އެއްޗެއް ނުލިބިގެން އެ އެއްޗެއް ފެންނަ ހިސާބުގައި ބަލަ ބަލައިފައި އެނބުރުން
ކަރުގައިއެޅުން
މ (1) ދިރުވާލި އެއްޗެއް ކަރުތެރޭގައި ތާށިވުން (2) ކަނދުރާގައި އެއްޗެއް އެލުވުން (3) މަޖާޒު: ނުރުހެވޭ ކަމަކާ ހަވާލުވާން ޖެހުމުން ބުނެއުޅޭގޮތް
ކަޅަށް ޖެއްސުން
މ މަޖާޒު: ހިލޭއަންހެނުން ހޯދަން ރޭގަނޑު ގޭގޭދޮށަށް ދިއުން
ކަޅާކުރުން
މ މަޖާޒު: ބައްކުރުން
ކަޅިއެރުން
މ މަޖާޒު: (1) ކަޅިހުއްޓުން (2) ކަމަކަށް އެދުންވެރިވެގެން އެކަމަށް ފެން ބޮވައިގަނެގެން އުޅުން
ކަޅުމީހުން
ނ (1) ގައިކުލަ ކަޅުމީހުން (2) މަޖާޒު: ޔޫރަޕް ނޫންތަންތާނގެ މީހުން
ކަކާރަނެގުން
މ (1) ކުޅިޖެހުމުގައި އައްޑަނަކޮށީ މީހުން ތިރިވެ ދާނޑުގައި އޮވެގެން ކަނޑި އައްޑަނައިން ވަކިގޮތެއް ހެދުން (2) މަޖާޒު: ތަނެއްގައި އެނބުރި އެނބުރިފައި ހިނގަ ހިނގައިފައި އުޅެގަތުން