radheef.info
ރަދީފު


މަތި
ނ (1) ތިރީގެ އިދިކޮޅު (2) އެއްޗެހީގެ އަނގަމަތި ނިވާކުރަން ޖަހާ ނުވަތަ ބާއްވާއެތި (3) ދަށުގެ އިދިކޮޅު (4) އެއްޗެއްގެ މަތީކައިރި (5) ހަމައެއްޗެއްގެ ސަތަހަ (6) އެއްޗެއްގެ މަތީކޮޅު
މަޖައްލާ
ނ ކަނޑައެޅިފައިވާ ގޮތެއްގެ މަތިން ނުކުންނަ މަޒްމޫނާއި ވާހަކައާއި ޅެންފަދަ ތަފާތު ލިޔުންތައް ހުންނަފޮތް
މަޤާމްފުޅު
ނ ރަސޫލު ބޭކަލުންނާ ނަބީބޭކަލުންނާ ވަލީވެރި ބޭކަލުންގެ އަސަރުފެނިގެން ނުވަތަ އެބޭކަލުންގެ ހަނދާނުގައި ހަދައިފައިވާ ތަންތަނަށް މަތިވެރި ކުރުމުގެ ގޮތުން ކިޔާއުޅޭ ނަމެއް މިސާލު: އިބްރާހީމުގެފާނުގެ މަޤާމުފުޅު ތަބުރޭޒުގެ ފާނުގެމަގާމުފުޅު
މަޝްރިޤު
ނ (1) އިރުއަރާފަރާތް (2) އިރުމަތި
މާހެފުން
ނ ރޯދައަށް ކުރިމަތިކޮށް އެމަސްފެށުމުގެ ކުރިން އެމަހުގެ ފުރަތަމަ ދުވަހާއި ގާތްދުވަހެއްގައި ޖަމާޢަތް ހަދައިގެން މާހެފުމުގެ ނަމުގައި ކާ ކެއުން )އިހުޒަމާނުގައި މިކަންކޮށް އުޅެނީ ޝަޢުބާންމަހު 92 ވަނަދުވަހުއެވެ
މާނޭވާ
ނ (1) ވަރުބަލިވެގެން ކުރުކޮށް އަވަސްކޮށްލެވޭ ނޭވާ (2) މަތި ނޭވާ
މާނޭވާލުން
މ (1) ވަރުބަލިވެގެން ކުރުކޮށް އަވަސްކޮށްލެވޭނޭވާލުން (2) މަތި ނޭވާލުން
މާބަގީޗާ
ނ މާމެލާމެލި އަޅާގަސް ތަރުތީބެއްގެމަތިން އިންދާ ހައްދާފައި އޮންނަތަން
މާއޮނިފަރާތް
ނ އޮޑިދޯނި ފަހަރުގައި ދިރުނބާކޮޅަށް ކުރިމަތި ލައިގެން ހުންނައިރު ވާތްފަރާތް
މާވަނިފަރާތް
ނ ދޯނީގެ ދިރުނބާކޮޅަށް ކުރިމަތިލައިގެން ހުންނަ މީހާގެ ކަނާތްފަރާތް
މާވައްދިހަރޭ
ނ )ގ ( ރަށަށް އަރާ ފައިބާ އުޅޭ އެންމެ ޚާއްޞަ އަތިރިމަތި
މާމުގުރުމޫދަށްލުން
މ އޮޑިދޯނިފަހަރު ބަންނައިރު މަތިކަން އަޅާ ނިމުނީމާ ފަށްގަނޑު ނުޖަހަނީސް ރަށުގެ އަންހެނުންގެ ބަޔަކު ނުކުމެ މުގުރުގެންގޮސް މޫދަށް އެއްލާފައި އިރުކޮޅަކަށްފަހު ގެނެސް ދޮވެ އަތަރު ލައްވައިގެން ގެންގޮސް ހަރުގޭގައި ބޭއްވުން މިދޮވުމަށް ކިޔަނީ ފެންވެރުވުމެވެ މިއީ އިހުގައި ކުރާ ކަމެކެވެ
މާތް
ނއ (1) މަތިވެރި (2) ބަރަކާތްތެރި (3) އަޚްލާޤު ރަގަޅު
މާތްކަން
ނއނ (1) މަތިވެރިކަން (2) ބަރަކާތްތެރިކަން (3) އަޚްލާޤު ރަގަޅުކަން
މާތްވުން
މ (1) މަތިވެރިވުން (2) ބަރަކާތްތެރިވުން (3) އަޚްލާޤު ރަގަޅުވުން
މާގަނޑު
ނ (1) ރާނބާގަސް ކަނދޮޅުގަސް ފަދަގަސް ގަހުގައި އަންނަ މައު. (2) އިހުޒަމާނުގައި ބައެއް މީހުން ލައިއެޅުނު ހަރުވާޅުގެ ދާގަނޑުގެ ކޮޅުގައި ނުވަތަ މުންޑުގެމަތިން އައްސާ ރޮދިގަނޑުގެ ކޮޅުގައި ފަށުވިން ނުވަތަ އުއިން ނުވަތަ އެފަދަ އެހެން އެއްޗަކުން ވައްކޮށް ނުވަތަ އެހެންވެސް ސިފައަކަށް ހަދާހަރުކޮށްފައި އޮންނަ އެތި. (3) ފެން ވެރުމަށްޓަކައި ފެން އިސްކުރުދޫކޮށްލުމުން ފެންދޭ އެއްޗެހިން ފެންފައިބާގޮތަށް ފެން އަންނާނެހެން ހަދައި މަތީގައި ހަރުކޮށްފައި ހުންނަ އެއްޗެއް. (4) ގާއޮޑިލަވަ ލަނގިރި ދަނޑިޖެހުން ފަދަ ކުޅިވަރު ކުޅޭއިރު ގެންގުޅޭ ދަނޑީގެ ކޮޅުގައްޔާއި ދުންކުނި އަނބުރާ ދަނޑީގެ ކޮޅުގާ ފޮތިން ނުވަތަ އުއިން ނުވަތަ ކަރުދާހުން ވައްކޮށް ނުވަތަ އެހެންވެސް ސިފައަކަށް ހަދައި ހަރުކޮށްފައި އޮންނައެތި (5) މޫދުމާގަނޑު (6) ބައެއްމީހުން ރީއްޗަކަށް ބައިސްކަލުގެ ފުރޮޅުގެ ބޫސް ދަގަނޑަށް މަހާލައިގެން ބޭނުންކުރާ އެއްޗެއް މިހަދައިފައި އޮންނާނީ ވައްކޮށް ދެތިންކުލަ އެކުލެވޭ ގޮތަށެވެ
މާގައިވުން
މ )ސ.( ކަންދިމާވާގޮތަކުން އަންހެނުންގެ ކުރިމަތިފަރާތުގެ ދަރިދޮރު ބޮޑުވުން. )މަސައްކަތުގެ ތެރޭގައިވެސް އެކުރާކަމެއްގައި އެއްޗެއް މިންވަރު ކުރާތަނަކުން ދޫވެއްޖެނަމަ މީ މާގައި ވެފައިވާ އެއްޗެކޭ ބުނެއެވެ
މާޗްޕާސްޓްކުރުން
މ ރަސްމިއްޔާތެއްގެ ޝަރަފުވެރި މެހްމާނަކަށް ސެލިއުޓްދީގެން އެކަމަށް ޚާއްޞަ ކުރެވިފައިވާ ބަޔަކު އެބޭފުޅެއްގެ ކުރިފުޅުމަތިން ދިއުން.
މިއަމަތި
ނ މިޔަމަތި
މިއަމަތިވުން
ނ މިޔަމަތިވުން
މިލަފޭލި
ނ ތަންމަތިއަޅައިފައި އޭގެމަތިން އަޅާފޮތިގަނޑު