radheef.info
ރަދީފު


ވެސް
އ (1) ދޭދޭ ބަސް ގުޅައިލުމުގައި ބޭނުންކުރާ އަކުރެއް. މިސާލު: އަޙްމަދު ވެސް އަނީސްވެސް އައެވެ. (2) އިތުރުކުރުން ހިމެނުން މިސާލު: އަހަރެން ވެސް ދާނަން
އޮށްވަޅު
ނ ފަރާތެއްގައި އަށްވަޅު ދެފަރާތުގައި ސޯޅަވަޅު ދެކޮޅުގައި ފިހާރައޭ ކިޔާ ބޮޑު ދެވަޅުހުންނަ ގޮނޑިއަކަށް ބޮލިއަޅައިގެން ކުޅޭ ކުޅިވަރެއް ބިންމަތީ މިގޮތަށް ވަޅުކޮނެގެން އެއަށް އޮށް އަޅައިގެންވެސް މިކުޅިވަރު ކުޅެއެވެ އާދައިގައި މިކުޅެނީ ވަޅަކަށް އަށްފުށް އަޅައިގެންނެވެ
އޮނުފަތިރާރާ
ނ ވޮއްޑުންޏެއްގެ ސިފައިގައި ލަނބައިފައި އޮންނަ އޮނުފަތި ކޮޅެއްގައި ކަށިކެޔޮ ގަހު ހިކިފަތުގެ ވަރުފަށެއް ނުވަތަ އެކަހަލަ ކޮންމެވެސް އެއްޗެއް ހަރުކޮށްގެން ހަދާއެއްޗެއް. މިއީ އެއްލާމަޑި ވައު ކޮކާފަދަ އެއްޗެތީގެ މައި ދުނީގެ މަތީކޮޅުގައި ހަރުކޮށްގެން ކައްޗާ ދުއްވާއިރު ވަރަށް ރީތި އަޑެއް ގޮވާއެއްޗެކެވެ
އޮޅިމެދު
ނ ހަނގުކަމާ ވަރުހަނގުކަމާ އައްތާރަފަނިކަމާ އަސްކަރުކަމާ މިހަތަރުކަންތައް މިއިން ކޮންމެ ކަމަކީވެސް އޮޅިމެދެކެވެ
އޮއި
ނ (1) ކަނޑާއި މޫދު ފަދަ ތަންތާގެ ލޮނުގަނޑު ނުވަތަ ފެންގަނޑު ކޮންމެވެސް އެއްކޮޅަކަށް ދެމޭދެމުން (2) މިދެމޭ ބާރު އާހުގައި ހިނގާ މިފަދަ ބާރަކަށްވެސް މިހެން ކިޔައެވެ
އޮއިކުނި
ނ އޮޔާއެކު އަންނަކުނި މީގެތެރޭގައި އޮޔާއެކު އަންނަގަސް އެއްޗެހިވެސް ހިމެނެއެވެ
އޮއްޓަރު
ނ (1) ކާބާވަތުގެ ކޮންމެވެސް އެތިކޮޅެއް (2) ގޮވާމުގެ އޮށް
އޮއްޓަރުކުރެއްވި
ނއ ކާތަކެތީގެ ތެރެއިން އޮށް އޮށަށް ނުވަތަ ފުއްފުކަށް ހުންނަ ކާތަކެތީގެ ތެރެއިން ދިޔާނޫން ތަކެއްޗާމެދުވެސް މިބަސް ބޭނުންކުރެއެވެ
އޮފިސަރު
ނ (1) ސަރުކާރުގެ ކޮންމެވެސް ކަމެއް ބަލަހައްޓާން ޙަވާލުވެފައިވާމީހާ (2) ސިފައިންގެ ނުވަތަ ފުލުހުންގެ ވަކިދަރަޖައެއްގެ ވެރިއެއް
އޮޑާ
ނ ވަޑާންކުރާން ގެންގުޅޭ އާލަތެއް. މިއީ އުދަލިހެން ދަނޑިއިންދަން ހަދައިފައި ހުންނަ އެއްޗެކެވެ. މީގެ ތިލަ ހުންނާނީ އުދަލި ތިލައަށްވުރެ ހިމަ ދިގުކޮށް ބޯކޮށް އެތެރެއަށް ގޮނިކޮށް އަދި މިޔަވެސް އަޅާފައެވެ. އޮޑައަކަށްވާނީ މިތިލައިގައި ދަނޑި އިންދީމާއެވެ
އޮޑިހަނު
ނ ބޭސްފަދަ އެއްޗެހި ގޭނުމަށްޓަކައި ކުރަދާއި ލާއިން އޮޑިބުރަށް ހަދައިފައި ހުންނަ ހަނެއް މިހަނު ވަށްކޮށްވެސް ހުރެއެވެ
އޮޑިބަންބޮނޑި
ނ މަޖާޒު: ރިހާކުރު ބޮނޑިއެއް މިބޮނޑިއަށްވާގޮތަކީ ފަޅަން އުޅެހަރުކަމުން އަތުން ނުފެޅިގެން ނުކައި ބާއްވަނީއެވެ ދެން އޮންނަ ކެއުމުގެ ވަގުތުގައިވެސް ހަމައެބޮނޑި ނަގާނެއެވެ ނަމަވެސް އެފަހަރުވެސް ނުކެވިގެން ބާއްވަނީއެވެ މިހެންގޮސް އެތައް ދުވަހެއް ވާއިރުވެސް )އޮޑި ބަނދެނިމޭ އިރުވެސް( ބޮނޑިއޮތް ގޮތަށް އޮންނަނީއެވެ
އޮޑިވަރުދޯނގި
ނ ހުޅުހުޅު ދުޅަވާ ބައްޔެއް. މިބަލީގައި ބައެއް ފަހަރަށްމޫނު ފޮއްސިވުން ހުޅުހުޅުގައި ކުރަހެދުން ފަދަ ގޮތްވެސް ވެދާނެއެވެ
އޮޑިމޯ
ނ (1) ވަޑާންކުރާއިރު ގެންގުޅޭ އާލާތެއް. މޮހޮރުނަގަން ބޭނުންކުރާ ތަނަކާއި މޮހޮރުޖަހަން ބޭނުންކުރާ ތަނަކާއި އެއްޗެތިފަޅަން ބޭނުންކުރާތަނެއް މީގައި ހުންނާނެއެވެ. މ. މަޖާޒު: (2) އެދުންވެރިކަމުގެގޮތުން ވަކިޖިންސަކަށް ބެލުމެއްނެތި ދެޖިންސާވެސް ގުޅުންބަހައްޓާ މީހުން
އޮޑިދޮށުންތިލަވުން
(1) މަސްއައިނެއް ނުވަތަ އެނޫންވެސް އެއްޗެއް އޮޑިކައިރިން ފެނުން މަޖާޒު: (2) ބޭނުންވެގެން އުޅޭ ކަމަކަށްޓަކައި މާބޮޑު މަސައްކަތެއްނުކޮށް ހުއްޓާ ކުއްލިއަކަށް އެކަންވާގޮތްވުން (3) ބޭނުންވެގެންއުޅޭ ކަމެއް ކުއްލިއަކަށް ކާމިޔާބުވާގޮތްވުން
އޮޑިދޮށް
ނ ފުރާދުއްވާ އެއްޗެތީގެ ކައިރި މިބަހުގެ ބަދަލުގައި ބައެއްމީހުން އޮޑިދަށްވެސް ކިޔައެވެ
އޮޑިތާންކަލޭގެ
ނ އިހުގައި އުޅުނުކަމަށް ބުނާމީހެއް. މީނާއަކީ ފަންޑިތަވެރިއެއްކަމަށާ ރައިވަރުހަދާ މީހެއްކަމަށް ބުނެއެވެ މީނާގެ ރައިވަރު ހުންނާނީ ބަނޑުވައް އަކުރުވެސް އަދި ނިމޭ އަކުރުވެސް ރައިވަރުގެ ޤަވާއިދުން އެއްގޮތް ނުވެއެވެ
އޮޑިތާންކަލޭގެރައިވަރު
ނ (1) އޮޑިތާންކަލޭގެ ހަދައިފައިހުރި ކަމަށްބުނާ ރައިވަރު މަޖާޒު: (2) ބަނޑުވައް އަކުރުވެސް އަދި ނިމޭ އަކުރުވެސް އެއްގޮތްނުކޮށް ހަދާފައި ހުންނަ ރައިވަރާއި ޅެން
އޯ
އ (1) ކީކޭހޭ އެހުމުގެ ބަދަލުގައި ބުނާ އަދަބުވެރިގޮތް (2) އޯތްޔޭ ބުނުމުގެ ބަދަލުގައިވެސް މިއަކުރު ބޭނުން ކުރެވެއެވެ
އޯބަތް
ނ މިނާބޭހުގެ ބާވަތެއް މިއީ ފެނަށްއެޅީމާ މަސްލާ ކުދިއޮށެކެވެ ބައެއް މީހުން ރިހައަށްވެސް ލައި އުޅެއެވެ
އޯޑަރު
ނ (1) އަމުރު. (2) ވިޔަފާރީގެގޮތުން ނުވަތަ އެހެންވެސް ބޭނުމަކަށްޓަކައި އަދަދާއި ބާވަތް ކަނޑައަޅައި އެއްޗެއް ފޮނުވުމަށް އަންގާއެންގުން