radheef.info
ރަދީފު


ވަރު
ނ (1) މިންވަރު (2) ދަރަޖަ (3) ހަކަތަ (4) ބާރު (5) ބައެއް (6) ހަވަރުގެ ބައެއް (7) އެއްޗަކުން ޖަހައިގެން ނުވަތަ އެއްޗެއްގައި ޖެހި ފިތިގެން ހަށިގަނޑުގެ ތާކުން ފެންނަން ހުންނަ ނިޝާން (8) ފަންތޮށިން ނަގާ ފަތި
ކަނޑުބޭރުކުރުން
މ (1) އައު ކުއްޖަކު އިރުވަރުން ކަނޑުމައްޗަށް އެރުވުން (2) އަލަށް ބަންނަ އޮޑިދޯނިފަހަރު ކަނޑަށް ނެރުން
ކަނޑުބޭރުފުޅުކުރެއްވުން
މ ގަނޑުވަރުތެރޭގެ ބޭފުޅަކު އަލަށް ކަނޑުމައްޗަށް އަރައިވަޑައިގަތުމާއި އެކަމާގުޅޭ ރަސްމީ ކަންތައްތައްކުރުން
ކަން
ނ (1) ޢަމަލު. (2) މަސައްކަތް. (3) ދެފަރާތުގެ ދެބިތް ނުވަތަ ދެކައިރި ޖެހޭތަން. (4) ހުރަހާއި ދިގާ ޖެހޭތަން. (5) ދެގަނޑެތި ސީދާ ނޫން ގޮތަށް ޖެހޭތާ ކޮޅު. (6) އޮށްވަޅު ގޮނޑީގެ ދެފަރާތުން ފިހާރަދޮށު ދެ ވަޅު. (7) ބޮލުގައި އަލާރުމާލުގެ ކަނާ ކައިރީގައި ހަތަރެސް ކަނަށް ހުންނަގޮޅި މިގޮޅި ކަޅުކޮށްނާއި ހުދުކޮށް ހުރެއެވެ. (8) އަލަމާރިއާއި ސޯކޭސްފަދަ ތަކެތި ވަރުގަދަ ކުރުމަށް ކަނަކަށް ލެވޭގޮތަށް އެތެރޭގައި ހަރުކުރާން ޕުލާސްޓިކު ނުވަތަ އެފަދަ އެއްޗަކުން ހަދައިފައި ހުންނަ އެތިކޮޅު. (9) ކަމެއް ހިނގި ހިނގާ ހިނގާނެ ނުވަތަ ހިނގައިފާނެކަމެއް ބަޔާން ކޮށްދޭ ކޮންމެ ބަހެއް )01( ކެއުން މިބަހުގެ ވާކަން
ކަންހިފާކުޅުން
މ އޮށްވަޅު ގޮނޑީގައި ކުޅޭކުޅިވަރެއް. މިކުޅިވަރު ކުޅެނީ ވަޅަކަށް ހަތަރު ފުއްލައިގެން ފިހާރަޔަށް ނުލައެވެ. މިކުޅިވަރުގައި ފިހާރައަކީ ހަތަރުކަނުގައި ހުންނަ ހަތަރުވަޅެވެ
ކަންހުދުކުރުން
މ ކަންހުދުރުމާލުގެ ހަތަރު ކަނުގައި ހުންނަ ހަތަރެސް ކަން ހަތަރު ގޮޅިން. )ރުމާއޮޅީމާ( ފެންނަން ހުންނަ ތަންތަން އުނގުޅައި ސާފުކޮށް ހުދުކުރުން. މިކަންކުރާގޮތަކީ މިކަމަށް ތައްޔާރުކޮށްފައި އޮންނަ ފިލާ ފޮއްޗެއްގައި ގިނަ ފަށް ހުންނާނެހެން ހުދު ފޮތިކޮޅެއް ފަތްޖަހައި އޮޅައިލައިފައި ކަންގަނޑުގެ ދަށަށް ލައްވައިގެން ބޮނބިން ހަދައިފައި އޮންނަ "ދަނޑި" ކޮޅަކުން ފެންލައިގެން އުނގުޅައި ސާފުކޮށްފައި އަސުރުމާ އޮށުގެ އެތެރޭގައި އޮންނަ ފުށްކޮޅުނަގައިގެން ފެންޖަހައި ފިއްތައި ގަށައިފައި ކަން ތަކުގައި ހާކައި އެއްވަރުކުރަނީ އެވެ. މިފުށް ހާކާނީ ހަރުލަކުޑީގެ އޮމާން ދަނޑި ކޮޅަކުންނެވެ. ފަހަކަށް އައިސް މިގޮތަށްކަން ހުދު ކުރުމުގެ ބަދަލުގައި ހުދުކުރަނީ ކަރުދާސް ތަތްކޮށް ގެންނެވެ ކަންހުދު ރުމާ ލަކީ ފަސްރޮނގު ރުމާލެވެ
ކަންއިލި
ނ ކުދިވަރުގެ މަހަށް ހަރާން ގެންގުޅޭ ކަނިފަށްލީ ދަގަނޑު
ކަންޒަށްލުން
މ ހަނގުބޭކަލުންނާއި އަވަށުމީހުންފަދަ މީހުންކުރެ މަސައްކަތަށް ކުށް ކުރާ މީހުނަށާއި މަސައްކަތަށް ނުނުކުންނަ މީހުންނަށް އަދަބު ދިނުމުގެ ގޮތުން ކޮންމެވެސް ގަނބާ ކިސަޑު ގަނޑަކަށް އެރުވުން ގަނޑުވަރުތެރެ ވަށާ މިކަންޒު އޮތް ޒަމާނުގައި އެފަދަ މީހުން އަރުވަނީ އެކަންޒަށެވެ
ކަރުލުން
މ (1) ސަރުބަތާއި ދިވެހި ހަކުރުފަދަ ތަކެތީގައި ގަނޑުގަނޑަށާއި ފުއްފުކަށް ހަކުރު އުފެދުން (2) ބޮނޑިއާއި މެޓާ ފަދަ ތަކެތި ހިލައި ވަރުވެގެން ބާލަން ވީމާ ދޯބުރާލިހަކުރު ނުވަތަ ނަބާޒު ހަކުރު މުގުރައިފައި އެޅުން (3) ދިވެހި ހަކުރު ކަރުލާގޮތް ހެދުން
ކަޅިހި
ނ (1) ފިލޮޅުގެ ބާވަތެއް މިމަހުގެ ކުލައަކީ މަޑުވައިލެޓުކުލައާ ގުޅޭ މުށިކުލައެކެވެ މަހުގެ ތުންފަތް ހުންނަނީ ފިޔާތޮށި ކުލައެއްގައެވެ މަހުގެ ކަރުތާފަތްގަނޑުގައި މަތީ ތުން ކައިރީގައި ރަތްކުލައިގެ ލަފެއް ހުރެއެވެ (2) ކިއްސަރުވަޑާން ކުރާ މީހުން ފާހަގަ ލާން ދެލިޖައްސާ ކަށަވަރު
ކަޅިހިއަބު
ނ ދެއެއްޗެއް ހިމުން ކުރަން އެކަތި އަނެކައްޗާއި ގާތްކޮށް އެކަތީގެ އަރިމަތި ހުންނަގޮތަށް އަނެކަތީގެ އަރިމަތި ހެދުމަށް ކަޅިހި އަޅާއިރު ދެއެތިގަނޑު ދޭތެރެ އެއްވަރު ކުރުމަށްޓަކައި ދެއެތިގަނޑު ދޭތެރެ ދުރުކުރުމަށް ދެއެތިގަނޑު ދޭތެރެއަށްޖަހާއަބު
ކަޅުވެން
ނ ވެނުގެ ބާވަތެއް މިއީ އެންމެބިޔަވާ ވައްތަރުގެ ވެނެވެ މިވެން ގާތްގަނޑަކަށް 2 2 މީޓަރަށް ބޮޑުވެއެވެ ދަތްތައް ހުންނާނީ ވައްކޮށް ވަރަށް ވަރުގަދަކޮށެވެ މިބާވަތުގެވެން އިންސާނުންނަށް ނުރައްކާތެރި ހަމަލަދީ އުޅެއެވެ މިވައްތަރުގެ ވެނުގެ ކުލަ ހުންނާނީ ކަޅުކުލައަކާއި ގަދަމުށި ނުވަތަ ކަޅުރަތް ކުލައަކަށެވެ
ކަޅުފޮއި
ނ )އ ( (1) އިރާކޮޅު ހަނދުވަރު ނުދޭ ދުވަސްވަރު (2) ހަނދުމަހުގެ ފަނަރައިގެ ފަސް (3) ސޯޅަފޮއި
ކަކާބޭކަލުން
ނ (1) ގަނޑުވަރުތެރޭ ފިރިހެން ބޭފުޅުންގެ އަރިހުބޭކަލުންގެ ތެރެއިން އެންމެ އަރިހަށް ތިބޭ މީހުން. ފަރިއްކޮޅު ބަހައްޓައި ރޭކޮށް ހަދަނީވެސް އެމީހުންނެވެ (2) ޚައްދާމު ބޭކަލުން
ކައިރުބޮލި
ނ ރިހާކުރުބޮލީގެ ސިފައަށް އެއަށްވުރެ ބޮޑުކޮށް ހުންނަ ގާތްގަނޑަކަށް 3 އިންޗިވަރުގެ ބޮއްޔެއް. މީގައި ހުންނާނީ ގަދަމުށި ކުލަޔާ ކިސުޑިކުލައިގެ ތިއްތިއްޖަހައިފައެވެ. ބަނޑުދަށް ފަރާތް ހުންނަނީ ރިހާކުރު ބޮއްޔާ އެއްގޮތަށެވެ
ކައިވަތުއިލޮށިނެގުން
މ ހުނަރުވެރިކަމުގެ ކުޅިވަރެއް. މިކުޅިވަރުގައި ކައިވަތެއްގެ ދިގުމިނުގެ ތިންއިލޮށިކޮޅު ކޮންމެ ދެއިލޮށިކޮޅު ދޭތެރޭ ކައިވަތެއްގެ ދުރުމިން ހުންނާނޭހެން ހަމަތާކު ބާއްވާފައި ފުރަތަމަ އިލޮށިކޮޅުގެ ދެކޮޅުގައި ދެފައިގެ ބޮޑުވާއިގިލިކުރި ޖައްސައިގެން އުޑަފައިން އިށީނދެ ދެއަތް ދެފައިގެ ދޯނގިދޮށުން ކުރިމައްޗަށްނެރެ މެދުގައިއޮތް އިލޮށިކޮޅުގެ ދެކޮޅުގައި ދެއަތުގެ ބޮޑުވައި އިނގިލި އެޅުމަށްފަހު ކުރިމަތީގައި އޮތްއިލޮށިކޮޅު އަނގައިން ނެގުން
ކައިވަތުމަޅިނެއްޓުން
މ ކައިވަތެއްގެ ދިގުމިން ހުންނަވަރު މަޅިއެއްހަދައި އެއްފައިގެ ދަށުން ދެއަތް ކައްތިރިވާނޭހެން ނަގައި ދެއަތުކުޑަހުޅުގައި އެމަޅިއެޅުވީމާ އަމިއްލައަށް މަޅިނެއްޓުން
ކައުޘަރު
ނ ސުވަރުގޭގެ ޚާއްޞަ ފެންއާރެއް މިއީ ކީރިތި ރަސޫލާއަށް ޚާއްޞަ އާރެކެވެ
ކައްޅިކުއްޅިވުން
މ )ސ ( އެއްޗެއްގެ އެކިތަނުގައި އެކިވަރަށް ކުލަހުރުން މިސާލު: ފޮތިގަނޑެއްގައި ކުލަޖައްސާއިރު ކުލައެއްވަރު ނުވެ ތަފާތުވެފައި ހުރުން
ކައްކާބަދިގެ
ނ އިހުގައި ގަނޑުވަރުތެރޭގައި ހުރި ބަދިގެއެއް. ގަނޑުވަރުތެރޭގައި ކައްކާ އަހަރުމައްޗާއި މަސްމައްޗާއި ސަމާތެރޭގައި ޒިކުރުވެރީންނާއި ބެރުދުންމާރިވެރީންނާއި ކޮށީ މީހުންގެ ކޮއްތާއި އަރިހު ބޭކަލުންނާއި އަތަރުގޭ މީހުންގެ ކޮއްތު ކައްކަނީ މިތާނގައެވެ
ކައްޓެޅި
ނ ފަރުމަހުގެ ބާވަތެއް މިއީ ދިގުކޮށް ފަތިކޮށް ހުންނަ މަހެކެވެ އަނގައާއި ލޯބޮޑެވެ މަހުގެ ދަތްތައް ކޮޅަށް އޫވެފައި ވަރުގަދައެވެ މަހުގެ ކުލައަކީ ގަދަމުށިކުލައެވެ މުޅި މަހުގައި ވައިލެޓު ކުލައިގެ އޮފެއް ހުރެއެވެ