radheef.info
ރަދީފު


ކުރަ
ނ (1) ދިރޭ އެއްޗެހީގެ ހަމުގައި ބޯކޮށް ރާޅުކޮށް ހެދިފައި ހުންނަ ތަންތަން (2) ބައެއް މޭވާއާއި ތަރުކާރީގެ ބޭރުގައި ބޯކޮށް ހަރުކޮށް ހުންނަ ތަންތަން (3) ގަސްގަހުގެ ތޮށީގައި ބޯކޮށް ހަރުކޮށް ހުންނަ ތަންތަން (4) )ސ( ވައްގަނޑުން އެއްޗެތި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު (5) )ބދ ( ފުށަތް
މުސަޅުކަން
ނއނ ޅަނދޮޅުކަން. )މިބަސްބޭނުންކުރަނީ ރަނގަޅަށް އުފެދި ބޮޑުވާ ކުދިންނާއި ޒުވާނުންނާ ނިސްބަތްކޮށެވެ
މުސައްލަކުނާ
ނ ގެފުޅާއި ޒިޔާރަތްފުޅު ކުރަހައިފައި ހުންނަ ކުނާ
މުސާރަވެރިން
ނ އުޖޫރައަށް މަސައްކަތްކުރަން ގެންގުޅޭ މީހުން
މުޒްދަލިފާ
ނ މިނާއާއި އަރަފާތާ ދެމެދު އޮންނަ ޚާއްޞަ ތަނެއް މިއީ ޙައްޖުވެރިން ރޭކުރަންޖެހޭ ތަނެކެވެ
މޫނުބުރުގާ
ނ އަންހެނުންގެ ބުރުގާގައި މޫނު ނިވާކުރަން އޮންނަ ފޮތިކޮޅު
މޫނުމަތީގައިމޮށުން
މ ތިމާ އިޙްތިރާމް ކުރަންޖެހޭ މީހެއްގެ ކުރިމަތީގައި ދޫނުކޮށް ޒުވާބުކުރުން
މޫނުދޮންނަތަށި
ނ މޫނު ދޮވުން ފަދަ ކަންތަކަށް ބޭނުން ކުރަން ހުންނަ ތަށި )ޢާއްމުކޮށް މިތަށި ހުންނާނީ ފާޚާނާގައެވެ
މެކުނު ފުމުނަކަސް ގާހަކަޔަކަށް ނުފުމެވޭނެ
)މުސްކުޅިބަހެއް( ކަމަކަށް އެކަށީގެންނުވާ މީހަކު އެކަމެއް ކުރަން އުޅުނީމާ ބުނާއެއްޗެއް
މެދުކަނޑާލުން
މ (1) ވިދިވިދިގެން ކުރަމުން އަންނަ ކަމެއް ދުވަސް ކޮޅަކަށް ހުއްޓައިލުން (2) ކޮށްކޮށްހުރިކަމެއް ވަގުތު ކޮޅަކަށް ހުއްޓާލުން
މެދުކެނޑުން
މ (1) ވިދިވިދިގެން ހިނގަމުން އައިކަމެއް ނުވަތަ ކުރަމުން އައިކަމެއް ނުވެ ވަގުތުކޮޅެއް ނުވަތަ ދުވަސްކޮޅެއް ދިއުން (2) ވަކި އުޞޫލެއްގެ މަތިން ހިނގަމުން އަންނަކަމެއް އެއުޞޫލުން ލަސްވުން
މެޓްރިކްސިސްޓަމް
ނ މިނެކިރުމުގައި ބޭނުންކުރާ ޑެސިމަލް އުޞޫލަށް ހަމަޖައްސައިފައިވާ ވަޒަންތަކެއް މިވަޒަންތަކުގައި ބޭނުންކުރަނީ މީޓަރާއި ކިލޯގުރާމާއި ލިޓަރެ ކެވެ
މޭނާކަން
ނ ކަންގަތި ކޮއްޔެއްގެ ނަން. މިކޮލި ލެވިފައިވާ ބޭކަލުން ކުރައްވަން ޖެހޭ ކަމަކީ ދައުލަތުގެ އެންމެމަތީ ވެރިޔަކަށް ލަފާ ދެއްވުމާއި ބޮޑެތި ޢިއްޒަތުގެ ރަސްމިއްޔާތު ފުރިހަމަ ކުރެއްވުމުގެ ގޮތުން ބައިވެރިވަޑައިގަތުމެވެ
މޭބިސްކުރަނޑި
ނ ދޫނި ސޫފާސޫފީގެ މޭގަނޑާއި ބިހާއި ކުރަނޑި )ކަނޑުމަހުގެ މެޔާއި ބިހާއި ބަނޑަށްވެސް މިހެން ކިޔައި އުޅެއެވެ
މޭއްޔަދައިތަދަރުބޮނޑި
ނ ޅަކުދިން އުކުނޑި ކޮށްޓަން ފެށީމާ ރަނގަޅު ކުރަން ނިތްކުރީގައި ޖަހާ އެތިކޮޅަކަށް އިހުމީހުން ކިޔާ ނަމެއް. މިއީ ބިލެތް ކޮޅެއް ފަންކޮޅެއް ފަދަ އެތިކޮޅެކެވެ
މޭދާގަދަކަން
ނއނ (1) ހިތުދަސްކުރަން ފަސޭހަކަން (2) ހިތްއަލިކަން
މޭދާގަދަވުން
މ (1) ހިތުދަސްކުރަން ފަސޭހަވުން (2) ހިތްއަލިވުން
މޭލުދަޅު
ނ އިހުގައި ނިޔަމި ކަމާބެހޭ ސާމާނު ރައްކާކުރަން ގެންގުޅުނު ދަޅެއް
މޯ
ނ (1) ވަނަށް އެއްޗެހި އަޅައިފައި ހިމުންކުރަން ނުވަތަ ގޮވާމުގެ ތޮށިފިލުވަން ތެޅުމަށް މަޢުދަނަކުން ނުވަތަ ލަކުޑިން ހަދައިފައި އޮންނަ އެއްޗެއް (2) ބޭހާއި ދަވާދުފަދަ ތަކެތި ހިމުންކުރުމަށާއި ގެށުމަށް ހިލައިން ހަދައިފައި އޮންނަ އެއްޗެއް މަޖާޒު: (3) އެއްވެސް ކަމެއް ނުދަންނަ މީހާ (4) އަންހެން ދުޅާ ފިރިހެނާ
މޯލުން
ނ (1) ދިރިއުޅުމުގައި މައިގަނޑު ގޮތެއްގައި ފިރިހެނުންކޮށް އުޅޭ މަސައްކަތް އަތުންފައިން ކުރަންނޭގޭ ފިރިހެނުން (2) އަންހެންދުޅާ ފިރިހެނުން
ފަހަރު
ނ (1) ދަނޑިވަޅު. (2) ތަންވަޅު. (3) ދުވަސްވަރު. (4) ކަމެއްކުރި ނުވަތަ ކުރަންވީ ނުވަތަ ކުރާނެ ޢަދަދާ ގުޅިގެން ބޭނުންކުރާ ބަހެއް. މިސާލު: )ހ( ތިންފަހަރު ބޭސްބޮއިފި. )ށ( ކޮންމެ ދުވަހަކު އެއްފަހަރު އެގެއަށް ދާންވާނެ. )ނ( ދުވާލަކު ދެފަހަރު އޭނާ އަންނާނެ. (5) އަދަދެއްގައި އަނެއް އަދަދެއް ހިމެނިފައިވާ ބާރު. މިސާލު: ހައެއްގައި 2 ހިމެނިފައިވާ ފަހަރުގެ އަދަދު. (6) އުޅަނދު ގިނަކުރުމަށް ބޭނުންކުރާ ބަހެއް. މިސާލު: އޮޑިފަހަރު ދޯނިފަހަރު