radheef.info
ރަދީފު


ބުން
ނ (1) ގަހުވަހަދާއޮށް (2) ނާފަހަރުގެ ގޯސީގެ ދަންމާނު ދަމާން ދުއްވާފައި އޮންނަ ގަސް (3) ސަބުދެރިޔާ މަތީން ދިރުނބަލަށް ނެރެފައި އޮންނަގަސް (4) ޒީލައިގެ އިދިކޮޅު (5) )ބދ ( ބަޑި (6) މަޒާޖު: ރުޅިމައްޗަށް ގޮސްގެން އަގައިން ނުބުނާ ނުބުނުން
ތަންފާރު
ނ ބަލިމީހަކު އެއްތަނެއްގައި އަބަދު އެއްފަރާތަކަށް ނުވަތަ އެއްގޮތަކަށް އޮތުމުގެ ސަބަބުން އެމީހާ ގައިގައި އުފެދޭފާރު
ތަންފާރުވުން
މ ބަލިމީހަކު އަބަދު އެއްގޮތަކަށް ނުވަތަ އެއްފަރާތަކަށް އޮތުމުގެ ސަބަބުން ދަށަށް އޮންނަ ފަރާތުގައި ފާރުއުފެދުން
ތަންޑާއެރުން
މ (1) ހޫނުގަދަވުމުގެ ސަބަބުން ނުވަތަ ލިބޭ އަނިޔާޔަކުން ބީތާވުން (2) ބުރާންތިވުން (3) އަނބުރައިގަތުން (4) މަޖާޒު: ނިދައިފައިތިބުން
ތަރަތަރަ
ނއ (1) ކެކިއެރުން މިސާލު: )ހ( ތެޔޮތާހަށް ފެންޖެހީމާ ދިޔައީ ތަރަތަރަ ޖަހައިގެންނެވެ )ށ( އެއްވެފައިވާ މީހުންތައް ރުޅިއައިސްގެން ތަރަތަރަ ލަނީއެވެ (2) އެއްޗެއްގައި ހުންނަ ދަޅައިގެ ސަބަބުން ނުވަތަ ގަދަ އައްޔެއްގެ ސަބަބުން ބަލަން ނުކެރޭ ނުކެރުން (3) ރުޅިއައިސްގެން ލާ ހަޅޭއް
ތަރަތަރަލުން
މ (1) ކެކިއެރުން (2) އަލީގެސަބަބުން ނުވަތަ ދަޅައެޅިފައި ހުރުމުގެ ސަބަބުން ލޮލަށް އުނދަގޫވުން (3) ރުޅިއައިސްގެން ހަޅޭއްފަޅޭއްލުން
ތަބާވުން
މ (1) ބޯލެނބުން (2) ކިޔަމަންވުން (3) އަމުރުވެރިކަން ޤަބޫލުކުރުން (4) އަނެކަކު ދައްކާމަގުން ހިނގުން (5) ބަސްޤަބޫލުކުރުން
ތައު
ނ މަސްދޯނިފަހަރުގެ ކުނބުންފެށިގެން ދިރުނބާކޮޅުގައި ހަފޮޅުގެ ތިރީކައިރިޔާ ހަމައަށް އަޅައިފައިވާ ހުރަސްތަކުގެމަތިން ދިގަށް އަޅައިފައި އޮންނަދެފަތް
ތައްގަނޑުޖެހުން
މ (1) ކަނޑައި ނަގައިފައި އޮންނަ މާދިރީ އެއްގެސިފަ އެއްޗަކަށް ނަގުލުކުރުން މިސާލު: ގަންޖުފަރާހުގައި ތައްގަނޑުޖެހުން (2) ތަނެއްގެ ނުވަތަ މީހެއްގެ ނަމާއި ނިޝާން އެކުލެވިގެންވާގޮތަށް ތައްޔާރުކުރާ ސިއްކައެއް އޮބުން
ތަދު
ނ (1) ކާބޯތަކެއްޗަށްވާދަތި (2) ގައިގެ ތަންތާނގައި އަޅާވޭން (3) ޢާއްމުނޫން (4) ލިބުންދަތި (5) ފެންނަލެއްމަދު
ތަދުބޭސް
ނ ލިބުންދަތި ބޭސް
ތަދުމަޑުކަން
ނއނ ކާބޯތަކެތި ނެތުމުގެ ސަބަބުން ނުވަތަ މަދުވުމުގެ ސަބަބުން ލިބިފައިވާ ދަތިކަން
ތަދުމަޑުކަންފިލުން
މ (1) ތިޔާގިކަންލިބުން (2) ތަނަކަށް ކުރިމަތިވެފައިވާ ކާބޯތަކެތީގެ ދަތިކަންފިލުން
ތަދުމަޑުޙާލު
ނ (1) ކާބޯތަކެތީގެ ގޮތުން ލިބިފައިވާ ދަތިކަން (2) ކާބޯތަކެތި ނުލިބުމުގެ ސަބަބުން ކުރިމަތިވާ ދަތިކަން
ތަދުދުވަސްވަރު
ނ ކާބޯތަކެތި ލިބުން ދަތި ދުވަސްތައް
ތަތްލުން
މ (1) ހިފާގޮތްވުން (2) އެއްޗެއްގައި ހުންނަ ތެތްކަމެއް ނުވަތަ ތަތް ކަމެއްގެ ސަބަބުން އަނެކައްޗެއްގައި ޖެހުމުން ހަރުލާގޮތްވުން
ތަލުކޮޅުވަތް
ނ (1) ކުޑަބުންދުވަތް (2) މާވަތު ދިރުބަވަތް (3) ކޮށިގަނޑުވަތް
ތަޖުރިބާވުން
މ (1) ކަމެއްގައި ޢަމަލީގޮތުން ބައިވެރިވެގެން އެކަމެއްގެ ގޮތްފޮތް ދަސްވުން (2) ކަމެއްބަލައިގެން ނުވަތަ ކޮށްގެން އެކަމެއްގެ މަޢުލޫމާތު ލިބުން (3) ދިރިއުޅުމުގެ ތެރެއިން މީހަކަށް ދަސްވާ ކަންތައްތައް ދަސްވުން (4) ކަމެއްގެ އިޙްސާސާއި އަސަރުތައް ތިމާއަމިއްލައަށް ލިބުން (5) މަޖާޒު: މީހެއްގެ ގޮތްފޮތްއެނގުން
ތަޢުލީމުލިބުން
މ ޢިލްމު ލިބުން
ތާއީދުލިބުން
މ (1) ރުހުންލިބުން (2) އެއްބާރުލުންލިބުން
ތިރީކައިރި
ނ ބޯވަޅުއެޅި ލިބާހުގެ ވަށްބަގިޔާގެ މަތީގައި ކަސަބުން ގަތައިފައި އަޅާފަށް މިފަށް ވަށްބަގިޔާއަށްވުރެ ފުޅާވާނެއެވެ ތިރީކައިރިޔަކީ ބޯވަޅުގައި އޮންނަ އެންމެ ފުޅާ ކަސަބުގަނޑެވެ