radheef.info
ރަދީފު


ރަށް
ނ (1) ޖަޒީރާ (2) މީހުން އާބާދުވެ ދިރިއުޅޭ ހިސާބު ހިސާބު
ބޮޑުމާލިނެށުން
މ އުނަގަނޑުން ތިރި ވަށައިގެން އެއްވަރަށް ބޮޑުކޮށް ފުއްޕައިފައި ހުންނަ ރޫބައެއް ލައިގެން ކޮނޑުމާޖަހައިފައި ބޮލުގައި ވައްތަރެއްގެ ތާޖެއް އަޅައިގެން ބެރުގައިޖަހާ ލަވަޔާ ކިޔާލަވަޔާ ހަމަވާގޮތުން ނެށުން
ބޮޑުމާލޫދު
ނ ރަށް ފުށުގައި އެހެން ރަށްރަށުގެ މީހުންނަށް ކިޔައިގެން ކިޔައި އުޅޭ މާލޫދު
ބޮޑުފަތަފޮޅި
ނ ހަވަރު ތިނަދޫ ވަރުވާގެ ތެރޭގައި އަހަރަކު އެއްފަހަރު ހަވަރަށް ގެނެސް އުޅުނު ފަތިރޮއްޓެއް
ބޮޑުފަތަފޮޅިބެހުން
މ ބޮޑުފަތަފޮޅި ހަވަރަށް ބެހުން. މިއީ ވަރަށް ބޮޑު ރަސްމީ ގޮތެއްގައި ކޮށް އުޅުނު ކަމެކެވެ
ބޮޑުފިނިހައް
ނ ފިނިހަކުގެ ބާވަތެއް. މިހުންނަނީ ފޫއެނބުރި ފާޑަށް އެއަށްވުރެ ފަލަކޮށްނެވެ. މިއީ ގަސްގަހަށް ގެއްލުންދޭ އެއްޗެކެވެ. މިފިނިހަކައަކީ ވަރަށް އަވަހަށް ގިނަވާ ވިހަ އެއްޗެކެވެ މީގެ ތޮށިގަނޑު އާދައިގެ ފިނިހަކުގެ ތޮށިގަނޑަށްވުރެ ތުނިވާނެއެވެ މިފިނިކަމުގެ ތޮށިގަނޑުގައި ހުންނަނީ ގަދަމުށިކުލައެވެ ތޮށިގަނޑުގައި ފަނޑު މާޒާން ކުރެހުމެއް ހުރެއެވެ
ބޮޑުތޮޅި
ނ (1) ފަރުމަހުގެ ބާވަތެއް މިއީ ތުންގަނޑު ކުރުކޮށް ހުންނަ ތޮޅިޔެކެވެ (2) ވަރަށް ބިޔަކޮށް ހެދޭ ލަކުޑި ދެރަ ގަހެއް މިގަހުގެ ތޮޅި މުށެއްހާ ދިގުވާނެއެވެ
ބޮޑުގުންބާ
ނ ބޮޑުކަމުބޭރަށް ދެވޭނެގޮތް ހެދުމަށާއި އެހެނިހެން ބޭނުމަށްޓަކައި ފުރަގަސްފަރާތުން ދިޔާތަކެތި ފޮނުވާން ގެންގުޅޭ އާލަތެއް
ބޮޑުގުގުރީގައި ވާޖެހުން
މ މަޖާޒު: ނިދީގައި ބާރަށް ގުގުރި ދެމުން
ބޮޑެވައްޓޭބޮޑި
ނ )ގ ( އިހުޒަމާނުގައި ހަވަރު ތިނަދޫން ހަވަރަށް ގެންނަ ބޮޑު ފަތަފޮޅި
ބޯހުރިމަޑި
ނ )މ ( މަޑީގެ ބާވަތެއް މިއީ ބުރިކަށިމަތި ކަޅުކޮށް ބަނޑުދޮށް ހުދުކޮށް ނަގޫކުރުކޮށް ހުންނަ މަޑިއެކެވެ މީގެ ނަގޫ ހުންނާނީ ދެފަރާތުގެ ފިޔަގަނޑާ ގުޅިފައެވެ މިއީ ވަރަށްފުނުގައިއުޅޭ ފުމޭ މަޑިއެކެވެ މިމަޑީގެ ބޯ ހުންނާނީ އެހެންމަޑިތަކާ ތަފާތުކޮށް ކުރިޔަށް ނުކުމެފައެވެ
ބޯނަސް
ނ ޢާންމުކޮށް ނުވަތަ ކޮންމެހެންދޭންޖެހޭ މިންވަރަށްވުރެ އިތުރަށްދެވޭ ކޮންމެ އެއްޗެއް
ބޯރީނދޫ ކޮކާމަސް
ނ ކޮކާމަހުގެ ބާވަތެއް. މިއީ ވަރަށް ރީތިކުލަތަކަކުން ކުރެހުން އެޅިފައި ހުންނަ އެތެރެވަރީގެ ގުންޑޮޅިތަކުގައި ދިރި އުޅޭމަހެކެވެ މަހުގެ ލޮލާއި ނިންމަތިހުންނާނީ ރީނދޫ ކުލައިގައެވެ މަހުގެ ތުނބާއި ކޯމަތީގައި ހުންނަނީ ކަޅާއި ރީނދޫ ކުލައިގެ ތިކިތަކެއްޖަހައިފަ އެވެ
ބޯރީނދޫބިބީ
ނ ބިބީގެ ބާވަތެއް މިއީ ވަރަށްރީތި ކުޑަމަހެކެވެ މަހުގެ ދެއަރިމަތީގެ ކުލައަކީ ހުދު އަޅިކުލައެވެ މަހުގެ އަރިމަތީގައި ލެނބިފައި ހުންނަ ފަސްވަރަކަށް ރޮނގު ފާޅުކޮށް އެނގެންހުރެއެވެ މަހުގެ ތުނބާއި ބޮލުގެ ތިރީބަޔާއި މަހުގެ ގިނަބައިތަކުގެ ކުލައަކީ ރީނދޫ ކުލައެވެ
ބޯޅަ
ނ (1) ތަފާތު ކުޅިވަރުތައް ކުޅުމަށްޓަކައި ވަށްކޮށް ހަދައިފައި ހުންނައެއްޗެއް (2) ބެޑްމިންޓަން ކުޅެން ގުންގުޅޭ މަލެއްހެން ހަދައިފައި އޮންނަ އެތި (3) ރަނގަބީ ކުޅެން ގެންގުޅޭ ކުކުޅުބިސް ބުރަށް އޮންނައެތި
ބޯޅަޖެހިފާނަ
ނ ފާނައިގެ ބާވަތެއް މިއީ ވަރަށް ހިމަ ދިގުކޮށްހުންނަ މަޑުމުށިކުލައިގެ ފާނައެކެވެ މަހުގައި ރަތްކުލައަކަށްދާ ކުދިކުދި ތިކިތަކެއް ހުރެއެވެ މިތިކިތަކުގެ ތެރޭގައި މަހުގެ ދިގަށްވާގޮތަށް ހުދުކުލައަކަށްދާ ރޮނގުތަކެއްހުރެއެވެ
ބޯކު
ނ (1) ދަގަނޑުފަދަ އެއްޗަކުން ނުވަތަ ލަކުޑިޔާ ދަނޑިފަދަ ތަކެތިން ނުވަތަ ރޭނުމުގައި ހަނދުފަޅިބުރަށް ދޮޅި ދާންހެން މަތިވައްކޮށް ހަދާ އެއްޗެއް. މިއީ ހައްދާ ވެޔޮގަނޑުފަދަ ތަކެތި އޭގެ މައްޗަށް އެރުވުމަށް ހަދައިފައި ހުންނަ އެއްޗެކެވެ (2) )ގ ( ބޮއް
ބޯކެނޑުން
މ (1) ބޮލާ ހަށިގަނޑާ ވަކިކުރުން (2) އިސްކުރުބޯ ފެތޭވަރަށް ލޯވަޅުގެމަތި ބޮޑުކޮށްލުން
ބޯކެއުން
ނ މަޖާޒު: މީހެއްގެ ގާތުގައި އުދަނގޫވާވަރަށް ކަންތަކު ކިޔުން
ބޯދޮށުން ކަންނެޔޮދެމުން
މ (1) މަރުވާން ކައިރިވީމާ ބޯދޮށުގައި އޮންނަ ކަންނެޔޮ ނެގުން (2) މަޖާޒު: މަރަށް ހާޒިރުވުން
ބޯދޮލަނގު
ނ ފަނަރަ ބާވަތުގެ ބުއިމުން ތައްޔާރު ކުރެވޭ ކެއުމުގެ ރަސްމީ ދޮލަނގެއް. މީގައި ހުންނަނީ ހަތްބާވަތުގެ ފަންޏާ ހަތް ބާވަތުގެ ކަންޖާ އަދި ހިތިބުލި ބުއްޔަކާއެވެ މިގެންދަނީ ހިތިވިލޭރޭ އިރުއޮއްސޭ އިރަށް ކޮންމެވެސް ބޮޑުބޭކަލެއްގެ ގެއަކުން ހިތި ގެއަށެވެ