radheef.info
ރަދީފު


ހުންނާ
ނ )ގ ( ރާއެރިން އެތުގައިލާ އެންމެ ކުޑަ ގުޑި
މަލާފަތް
ނ (1) އެކިވަރުގެ ފަތާ ތަށިލުމަށްޓަކައި ލަކުޑިން ލިޔެފައި ހުންނައެއްޗެއް (2) ބިލަތް އެޅުމަށްޓަކައި ޚާއްސަކޮށް ލޮައިން ހަދައިފައިހުންނައެއްޗެއް މިއިންކޮންމެ މަލާފަތެއްވެސް ހުންނާނީ މަތިޖެހޭގޮތަށެވެ
މަސްމުގުރާން
ނ އެމުގެ ބާވަތެއް. މިއީ ކަންފަތްގަނޑުގެ ދިގުމިން ބޮލުގެ ދިގުމިނާ އެއްވަރު ލޯބޮޑު އަނގަކުޑަ އެއްޗެކެވެ މިއެމުގެ މަތީ ކޮތަރިބަޔާއި ބަނޑުދޮށްފަރާތު ކޮތަރިބައިގައި ހުޅުނބު ފަޅައިފައި ހުންނާނެއެވެ މިއެމުގެ މަތީބައި ނޫވާނެއެވެ އަރިމަތި ރީނދޫވާނެއެވެ ލޮލުން ފެށިގެން ނިގޫފަތުގެ ބުޑާ ހަމައަށް ފުޅާފަށެއް ހުންނާނެއެވެ
މަސްފުންނަ
ނ ފުންނައިގެ ބާވަތެއް މިމަސްހުންނާނީ ބޯކޮޅު ފަލަކޮށެވެ
މަޑުގަނޑު
ނ ގަލާ އެއްސިފައަކަށް މޫދުގައި ހުންނަ އޮބޭ އެއްޗެއް މީގައި ކުދިކުދި ލޯވަޅުތަކެއްވެސް ހުންނާނެއެވެ
މަޚުމާތޮޅި
ނ ވެލެއްގައި އަޅާތޮޅިއެއް )މީގެ ބޭރުގައި މަހުމާގޮތެއް ހުންނާނެއެވެ
މާރަނގަފިލާގަނޑު
ނ މާރަނގަ ކުރަނގިފަދަ ދޫނި ބައިތިއްބުމަށްޓަކައި ހަދައިފައި ހުންނަ ފިލާގަނޑު މިފިލާގަނޑު ހަރުކޮށްފައި ހުންނާނީ ކޮޅަށް ޖަހައިފައި ހުންނަ ދަނޑިއެއްގެ ކުރީގައެވެ
މާބުޅާ
ނ ބޭހަށާއި ކެއުމަށް ބޭނުންކުރާ ފަތްޕިލާވެއްޔެއް މިގަހުގެ ފަތުގައި ވަރަށް މަޑުކެހެރި ގޮތެއް ހުންނާނެއެވެ މާހުންނާނީ ރީނދޫ ކުލައިގައި ވަށްކޮށެވެ މީގައި އަޅާ ވަކި ހުންނާނީ ވަށްކޮށް ފިތްފިތަށެވެ އެއިން ކޮންމެ ފިތެއްގައި ދެތިން އޮށް އޮންނާނެއެވެ
މާބުޅާމާ
ނ މާބުޅާގަހުގެމާ މިމާހުންނާނީ ރީނދޫކުލައިގާ ވަށްކޮށެވެ
މާބޯށި
ނ ބޯށިގަހުގެ ބާވަތެއް މިގަހުގައި ނުކުންނާނީ ހުސްމާގަނޑެކެވެ މި މާގަނޑުގައި އޮށެއް ނުހުންނާނެވެ
މާކަނާތެޔޮފުޅި
ނ މޫދުގައި ހުންނަ ވިނަގަނޑު ތެރޭގައި ހެދޭ އެއްކޮޅުހިމަ ކުޑަ ފުޅިއެއްގެ ސިފައިގައި ހުންނަ އެއްޗެއް މީގެ ތެރޭގައި ބާވަތެއްގެ ފެނެއް ހުންނާނެއެވެ މިހުންނާނީ ކޯޅިކޯޅިއަށެވެ
މާކަންނެތާފޮޑަރު
ނ (1) އިހުޒަމާނުގައި އުޅުނުކަމަށްބުނާ މާބޮޑަށް ކަންނެތް މީހެއް (2) އިންތިހާ ދަރަޖައަށް ކަންނެތް މީހުންނާ ދިމާއަށް ބުނާ އެއްޗެއް
މާކޮތަން
ނ ކޮތަނުގެ ފަތްބޮޑެތި ބާވަތް )މިބާވަތުގެ ކޮތަނުގެ މާގަނޑު ހުންނާނީ ބޮނޑިކޮށެވެ
މާއޮށަނި
ނ ކަޅު އޮށަނީގެ ތެރޭގައި ހުންނަ ބާވަތެއް މިގަހުގައި ކުޑަކޮށް ކަށި ހުންނާނެއެވެ
މާމަކުނު
ނ ތަންމަކުނު ފާޑަށް އެއަށްވުރެ މާބޮޑުކޮށްތިބޭ ވަރަށް ބާރަށް ދައިގަންނަ ވިހަގަދައެއްޗެއް މީގައި ފިޔަ ހުންނާނެއެވެ
މާގެދަ
ނ ގެދައިގެ ބޮޑެތި ބާވަތް މިއީ ހުދުގެދައާއި ރަތްގެދައަށްވުރެ ބޮޑަށް ފެތުރެމުން ހެދޭގަހެކެވެ މިގެދައިގެ މަތީ ފަރާތުގައި ހުންނާނީ ފެހިކުލައެވެ ދަށް ފަރާތާއި ތަނޑުގަނޑުގައި ހުންނާނީ ދަނބު ކުލައެވެ
މިޔަރެން
ނ ހިމަ ދިގުކޮށް ހުންނަ އެމެއް މީގެ އަނގަ ހުންނާނީ މިޔަރުގެ އަނގަ ހުންނަހެން ބޮލުގެ ދަށް ފަރާތުން ބަނޑުދޮށަށް ވާހެންނެވެ މިއެމުގެ ދެފަރާތުގައި ރިހިކުލައެއްގެ ފުޅާ ރޮނގެއް ހުންނާނެއެވެ މިއީ ކަނޑު މަހުގެ މަސްވެރިކަމަށް އެންމެ ރަނގަޅު އެއްބާވަތެއްގެ އެމެކެވެ
މިޔައެޅުވުން
މ ވަޅިފުރޯ ފަދަތަކެތީގައި މިޔަހުންނާނެގޮތް ހެދުން
މުރުސަލު
ނ ރަސްރަސްކަލުންގެ ޢިއްޒަތުގެ ތެރޭގައި ގެންގުޅެވޭ ޚާއްޞަ އެއްޗެއް މިއީ ސާމަރާދޫނީގެ ފަތާއި ކެނދިފަށުއިފަދަ އެއްޗެހިން ހަދައިފައި ހުންނަ އެއްޗެކެވެ މީގެ ބޭނުމަކީ މެހި ފޮޅުމެވެ. މިއަށް ހުންނާނީ މީރުވަސްދުވާ އަތަރު ޖަހައިފައެވެ.
މުޅިއޮޑީގައިހަސަނުދެފައި
)މިސާލުބަހެއް( ތަނެއްގައި ނުވަތަ ކަމެއްގައި މީހުންނަށް އުނދަގޫ ވާގޮތަށް އެމީހެއްގެ ތަކެތި ބަހައްޓައިގެން އުޅޭ މީހުންނާ މެދު ބުނާބަހެއް
މުޅޯ
ނ (1) ދަރުފެޅުމަށާއި ގާފެޅުމަށް ބޭނުންކުރާ އާލަތެއް. މިހުންނާނީ ތިލައެއްގައި ދަނޑިއެއް އިންދައިފައެވެ (2) މަޖާޒު: ބޮޑުނުވާ އަންހެން ކުދީންނަށް ޖިންސީގޮތުން ގެއްލުންދޭ ފިރިހެނާ