radheef.info
ރަދީފު


ރި
ނ (1) ފައްސަތޭކަ ފުށްބޮލި (2) ސަތޭކަ އަގި
ދުއްވުން
މ (1) ހަލުއިކޮށް ހިންގުން މިސާލު: )ހ( އަސްދުއްވުން )ށ( ކާރުދުއްވުން )ނ( މީހުން ދުއްވުން (2) ފުރާ ދުއްވާތަކެތި ދަތުރު ކުރުން މިސާލު: ބޯޓްދުއްވުން (3) ސަފުސާންލުން (4) ވިރިކެކޭ އެއްޗެއްގެ ފަށަލައެއްލުން މިސާލު: ތެލީތެރޭގައި ތިމަރަފަށެއް ދުއްވުން (5) ވަސްހިއްޕުން މިސާލު: މީރުވަސްދުއްވުން (6) އެތެރެހަށީގައި ހުރިއެއްޗެއް ކޮންމެވެސް ދޮރަކުން ބޭރަށް ނެރުން މިސާލު: )ހ( ހޮޑު ދުއްވުން )ށ( ހީސްދުއްވުން (7) އެއްޗެއް ވަކިގޮތަކަށް ފޮނުވައިލުން މިސާލު: ބަޑީގެ ވަޒަން ދުއްވައިލުން (8) ފެންހިންގުން މިސާލު:ފެން ދުއްވުން (9) ވަށްއެއްޗެއް އެނބުރެމުން ނުވަތަ ފުރޮޅެމުން ކުރިއަށް ދާނެގޮތް ހެދުން
ދުއްދުން
މ (1) ތައްޔާރުކޮށްފައި ބެހެއްޓުން މިސާލު: ބަޑިޖަހަން ދުއްދައިފައި )ތައްޔާރުކޮށްފައި( ބެހެއްޓުން (2) މަޖާޒު: ދުރަށްނުގޮސް އަބަދު ކައިރީގައި ހުރުން (3) އަޅައިގަންނަގޮތަށް އެއްޗެއް ދިއްކޮށްފައި ބެހެއްޓުން (4) ކިރިޔަކިރިޔާ ހިފެހެއްޓޭވަރަށް ތަނެއްގައި އެއްޗެއް ވިއްދުން
ދުއްލިސާ
ނ އިހުގައި ގެންގުޅުނު ތެޔޮއަޅައިފައި ފުއްލައިގެން ދިއްލަން ހަދައިފައި ހުންނަބައްތިއެއް މިބައްތީގެ ދިއްލާބައި ހަދައިފައި ހުންނަނީ އުސްކޮށް ތިރިކޮށް ހެދޭގޮތަށެވެ
ދުވަނި
ނ ޢާންމުކޮށް ކުޑަކުދިންގެ ގައިންނަގާ ބައްޔެއް މީގެ ދެތިން ވައްތަރު ހުރެއެވެ އެއީ )ހ( ގޮށް ދުވަނި )ށ( ރަސްދުވަނި މިއެވެ މިތަނުން އެންމެ ނުރައްކަލީ ރަސްދުވަންޏެވެ މިދުވަނިނަގާނީ ކަނދުރާއިން މަތިންނެވެ ތިރިއަށް ފައިބަމުންގޮސް މެޔަށްވުރެ ތިރިވެއްޖެނަމަ ވަރަށްބޮޑަށް ނުރައްކާވާނެއެވެ ބޮޑެތިމީހުންގެ ގައިން މިދުވަނި ނަގައިފިނަމަ ކިޔަނީ މާވިހައެވެ ދުވަނިވެއްޖެނަމަ ހުންނާނީނޫކޮށް ނުވަތަ ރަތްކޮށެވެ ގޮށް ދުވަނި ނަގާނީ ތަންތަން ކޮޅުގައިގޮށް ގޮށަށެވެ
ދުވަތިރުނަސަންދާނަ
ނ )ބދ ( ހުރިހާ ގޮތަކުން އެންމެ ރަނގަޅު ދުވަސް
ދުވަސްދިއުން
މ މަޖާޒު: (1) އުމުރު ހުސްވުން (2) ތަނަވަސްކަން ނެތިގެން ދިއުން (3) ޙާލުހުރިގޮތުން ކަންތައްކޮށް އުޅެވޭވަރުނުވުން
ދުވަސްދުއްވާލުން
މ މަޖާޒު: (1) މީހަކަށް އާދަޔާ ޚިލާފަށް ހާނީއްކަ ކުރުން (2) މީހެއްގެ ދިރިއުޅުން ގެއްލޭ ފަދަ ކެއްސެއް ދިނުން (3) ބޭނުންނުކުރެވޭ ވަރަށް ހަލާކުކޮށްލުން
ދުވާރަ
ނ ނކ ނަކަތްތެރިން ނަކަތްތައް ބަހައިފައި ހުންނަ ބައިތަކުގެ ތެރެއިން ދެމިހުރުން އެދެވޭ ކަންތައްނުކުރާ ނަކަތްތަކަށް ދީފައިވާ ނަމެއް
ދުވާރު
ނ މަގުގެ ދެފަރާތުއަރިމަތީގައި ހިނގަން އޮންނަތަން
ދުވާފަރުދަންޑަހެލު
ނ ޣާޒީބަންޑާރައިންގެ އަރިހުގައި އުޅުނު ވަރަށް ހަލުވި އެހައިމެ ހުސިޔާރު ވަފާތެރި ޚާދިމެއް އޭނާއަކީ ކަޅުއޮށް ފުންމީގެ ދަންޑަހެލެވެ
ދުވުން
މ (1) ބާރަށްހިނގުމަށްވުރެ މާއަވަހަށް ފިޔަވަޅު އަޅަމުން ކުރިޔަށް ދިއުން މ (2) ހަލުއިކޮށް ހިނގުން (3) ފުރާދުއްވާ ތަކެތި ދަތުރުކޮށްކޮށް ހުރުން (4) ވަހެއް އިޙުސާސްވުން (5) ވަށް އެއްޗެއް އެނބުރެމުން ނުވަތަ ފުރޮޅެމުން ކުރިޔަށް ދިއުން (6) ވެޔޮވެލާވެލި ކުރިލައި ހެދެމުން ދިއުން (7) ހަލުއިކޮށް ކުރިޔަށް ހަރަކާތް ކުރުން
ދުވެލި
ނ (1) ދުވުމުގެ ބާރުމިން (2) މަޖާޒު: ކުރިޔަށް ދާބާރުމިން
ދުދިލުން
ނ (1) ގާތަށް ޖެހިލުން (2) ކައިރިވެލުން (3) ބެހިލުން
ދުދުން
މ މީހަކާ ނުވަތަ ތަނަކާ ވަކިހިސާބަކަށް ކައިރިވުން މިސާލު: އަހަރެން އެހިސާބަށް ދުދިވެސްނުލާނަމެވެ
ދުލަށްއައިހާއެއްޗެއްގޮވުން
ގބ (1) ރުޅި އައިސްގެން ހިތަށް އެރިހާ އެއްޗެއް ކިއުން (2) ހުތުރުބަހުން އަރާރުންވުން
ދުލުންފާފަވެރިވުން
މ ފާފަވެރިވާ ކަހަލަ ބަހެއް ބުނުން ނުވަތަ އެފަދަ ވާހަކައެއް ދެއްކުން
ދުސްމިނުވުން
މ (1) އަދާވަތްތެރިވުން (2) ދުސްމިނުކަން ހިތުގައި އުފެދުން (3) ދެކޮޅުވެރިކަން އަށަގަތުން
ދުޢާވެރިކަން
ނ (1) އިހުގައި މާލޭގެ ޒިޔާރަތް ޒިޔާރާތްދޮށުގައި ދުޢާވެރިންކިޔަވާ ކިޔެވުން (2) ރޯދިބަރަކާތަށް ކިޔަވާ ކިޔެވެލި
ދުޢާވެރިކަންކިޔެވުން
މ (1) އިހުގައި ދުޢާވެރިކަން ކިޔަވާ މީހުން ރޭގަނޑު ނުވައެއް ޖަހާއިރުގައްޔާއި އެގާރަޖަހާއިރު މެދުޒިޔާރަތްދޮށުގައި ޞަލަވާތް ފާތިޙާ ކިޔަވައި ދުޢާކުރުން (2) ރޯދިބަރަކާތަށް ކިޔަވާ ކިޔެވެލި ކިޔެވުން
ދޫ
ނ (1) އިންސާނުންގެ އަނގައިގެ ތެރޭގައިވާ ވާހަކަދެއްކުމަށް އެހީވެދޭ ގުނަވަން. (2) ރަހަބެލުމުގެ ގުނަވަން. (3) ގޮނޑި އަލަމާރި މޭޒު ދޮރު ދޮރުފަތްފަދަ ތެދުއުއިވަޑާމުގެ ތަކެތި ހެދުމުގައި އެއްބައި އަނެއް ބަޔަށް މެހުމަށް ވަށައިގެން ކަނޑައި ކޮޅުން ނެރެފައި ހުންނަ ތަންކޮޅު. (4) ތަޅުލުމަށާއި ހުޅުވުމަށް ތަޅާއި ތަޅުދަނޑީގައި ހުންނަ ތަންކޮޅު. (5) ވައިޖަހާ އެއްޗިއްސަށް ވައިވައްދަން ހުންނަ ތަންކޮޅު. (6) ބާރު މިބަހުގެ ހަތަރުވަނަ މާނައިގެ އިދިކޮޅު (7) ވާން މިބަހުގެ އިދިކޮޅު (8) ފަލިތަންޑުގެ ކޮޅުގައި ފެނުގައި އެޅުވުމަށް ހަރުކޮފައި ހުންނަ ފިލާކޮޅު (9) ރަށް