radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ތަޅުމަޅުގަނޑުނެއްޓުން
މަޖާޒު: ކަމަކަށް އެޅިފައިވާ ހުރަހެއް ނެތިގެން ދިއުން
ތަޅުމަޅުގަނޑުއެޅުން
މަޖާޒު; (1) ކުރިންހުރިގޮތަށް ހަމެޖެހުން (2) ވަންހަނާކުރަން ބޭނުންކަމެއް ރަނގަޅަށް ވަންހަނާވާގޮތްވުން
ތަކާވަރު
ނ (1) ޖާގައޮތްވަރު (2) ތަނަކަށް މީހުންތަކެއް ނުވަތަ އެއްޗެހިތަކެއް ވެއްދޭވަރު
ތަކުރުފާނު
ނ (1) ފިރިހެނުންނަށް ކިޔައިއުޅޭ ނަމެއް (2) ތަކުރު މިބަހުގެ މާތްގޮތް (3) މަނިކު ކިޔާމީހަކަށް ކޮއްޔެއްލުމުން ނުވަތަ މަޖިލީހަށް އެރުވުމުން ނުވަތަ ޒިކުރަށް އެރުވުމުން ކިޔާގޮތް
ތަކުބީރުތެރެ
ނ ޙައްޖުވިލޭރޭ ފަތިސް ނަމާދުން ފެށިގެން އައްޔާމުއްތަޝްރީޤުގެ ފަހު ދުވަހުގެ އަޞުރު ނަމާދުގެ ނިޔަލަށް އޮންނަވަގުތު
ތަކުބީރުލައިގަތުން
މ ޙައްޖުވިލޭރޭ ފަތިސް ނަމާދަށްފަހު ތަކުބީރު ކިޔާންފެށުން
ތައް
ނ (1) ތައްކަށިންޖަހާ ފާހަގަ މިފާހަގަ ޖަހަނީ ރުއްގަހުގެ ވެރިފަރާތް ފާހަގަކުރުމަށްޓަކައެވެ ފާހަގަހުންނަނީ ވަށްކޮށް ކަނޑައި ނަގައިފައެވެ (2) ނަން ގިނަކުރުމަށް ބޭނުންކުރާ އަކުރެއް މިސާލު: މޭޒުތައް (3) )ބދ ( އަނގަ މިސާލު: އޭނާއިނީ ތައް ބައްދައިގެންނެވެ
ތައްބެއްދުން
މ މަޖާޒު: އަނގައިން ނުބުނެ އިނުން
ތައްކަށި
ނ ތައްޖަހަން ގެންގުޅޭ އެއްޗެއް މިއީ މުށްގަނޑެއްލައި ފިލިއަޅައިފައި އޮންނަ ދަގަނޑު ހޮޅިބުރިއެކެވެ
ތައްކަށިރުއް
ނ ތައްކަށްޓަށް ނަގާރުއް. ރަށްރަށުގައި މީހުން އިންދައިފައި ހުންނަ ރުއްރުކުގައި ތައްޖަހައި ބަންޑާރަ ބަޔާއި އަމިއްލަބައި ވަކިކުރުމުގައި އެކެއްގެ ފަންސަވީސް ރުކުން އެއްރުއް ތައްކަށީގެ ނަމުގައި ބަންޑާރަޔަށް ނަގައެވެ މިރުކުގައި ހުންނާނީ ތިންތައްޖަހައިފައެވެ މިއީ ގޮއިފާލައްބައިގެ ތެރޭގައި ހިމެނޭ ވަކިން ވަރުވާކޮށް ލިއެދެއްވާ ބައެކެވެ
ތައްކަތު
ނ (1) ހަމަޖެހޭ ހަމަޖެހުން (2) ހަމަހިމޭން (3) ކަމެއް ނުވަތަ ތަނެއްވާ މައިތިރި
ތައްކަތުވުން
މ (1) ހަމަޖެހުން (2) މައިތިރިވުން (3) ހިމޭންވުން
ތައްދިހަ
ނ )ގ ( ހުދުކުލައިގެމަހެއް މިމަހުގެ ތުނބުގައި ދެނަރުވާ ހުންނާނެއެވެ ނަރުވާލައްޕައިލީމާ ޖެހޭތާނގައި ރަތްކުލައިގެ ދެރޮނގު ހުންނާނެއެވެ
ތައްގަނޑަށްޖެހުން
މ އުޅާބައިގެ ފިތްތައް ފަދަ އެއްޗެހި ފުއްވުމަށް ތައްޔާރުކޮށްފައި އޮންނަ ތައްގަނޑަށް ރަންރިހިފަދަތަކެތި ތަޅައި ތުނިކޮށްފައި ޖެހުން
ތައްގަނޑު
ނ (1) އެއްޗެއްގެ އަސްލާއެއްގޮތަށް އެއްޗެއް ހެދުމަށް ނުވަތަ ކުރެހުމަށް ބޭނުންކުރާ އެއްޗެއް މިސާލު: )ހ( މެޓާ އޮބާ ތައްގަނޑު )ށ( ހުންގާނުގެ މާދާފަދަ ތަކެތި ހެދުމަށް ވިރުވާ އަޅާތައްގަނޑު )ނ( ގަސްމުށި ފަދަތަކެތި ހެދުމަށް ސިމެންތި ފަދަ ތަކެތި ގަށައިގެންއަޅާ ތައްގަނޑު )ރ( ރަސްމީ ނުވަތަ އަމިއްލަ ނިޝާންޖަހާ ތައްގަނޑު (2) ކަނޑައި ނަގައިފައި ހުންނަ ނަމޫނާ (3) ގޮންގްރެޓް ކުރާ އިރު ގޮންގްރެޓް އެޅުމަށް ލަކުޑިން ނުވަތަ ދަނގަނޑުން ތައްޔާރުކުރާ އެތި (4) ތަނެއްގެ ނުވަތަ މީހެއްގެ ނަމާއި ނިޝާން އެކުލެވިގެންވާ ގޮތުން ތައްޔާރުކުރާ ސިއްކަ
ތައްގަނޑުއޮބުން
މ ތައްގަނޑުޖެހުން
ތައްގަނޑުޖެހުން
މ (1) ކަނޑައި ނަގައިފައި އޮންނަ މާދިރީ އެއްގެސިފަ އެއްޗަކަށް ނަގުލުކުރުން މިސާލު: ގަންޖުފަރާހުގައި ތައްގަނޑުޖެހުން (2) ތަނެއްގެ ނުވަތަ މީހެއްގެ ނަމާއި ނިޝާން އެކުލެވިގެންވާގޮތަށް ތައްޔާރުކުރާ ސިއްކައެއް އޮބުން
ތައްޔާރު
ނ (1) ކުރިމަތިވެދާނެ ކަމަކަށް ހުރިހާ ގޮތަކުން ސަމާލުވާ ސަމާލުވުން (2) ކަމެއްޖެހުމުގެ ކުރިން އެކަމަކަށްޓަކައި ކަންތައްތައް ހަމަޖައްސައި ނިންމާ ނިންމުން (3) ކަމަކަށްޓަކައި ފުރިހަމަކޮށްފައިވާ ފުރިހަމަކުރުން (4) ކަމަކަށް ފަށައިގަތުމަށް ނުވަތަ ތަނަކަށް ދިއުމަށް ވެހުންނަ ސަމާލު
ތައްޔާރުކުރުން
މ (1) ކަމެއްޖެހުމުގެ ކުރިން އެކަމަކަށްޓަކައި ކަންތައްތައް ހަމަޖައްސައި ނިންމުން (2) ކަމަކަށްޓަކައި ފުރިހަމަކުރާންޖެހޭ ކަންތައް ފުރިހަމަކުރުން (3) ކަމަކަށް ފަށައިގަތުމަށް ނުވަތަ ތަނަކަށް ދިއުމަށް ކުރަންޖެހޭ ކަންތައްތައްކުރުން
ތައްޔާރުވުން
މ (1) ކުރިމަތިވެދާނެ ކަމަކަށް ހުރިހާގޮތަކުން ސަމާލުވުން (2) ކަމެއްޖެހުމުގެ ކުރިން އެކަމަކަށް ޓަކައި ކަންތައްތައް ހަމަޖައްސައި ނިންމުން