radheef.info
ރަދީފު


ބަ
އ އައްބަ
ފަޅު
ނ (1) ރަށްރަށުގެ ތޮށްޓާއި ރަށާދެމެދުގައި އޮންނަ ތިލަ ހިސާބު ފަރާއި ގިރިޔާ ގުޅިގެން ވެސް ފަޅުއޮވެއެވެ (2) ނއ މީހުން ދިރި ނޫޅޭ (3) ތަނެއްގައި ހުންނަންވީ އެއްޗެއް ނުވަތަ ބަޔެއްގެ ތެރޭ ހިމެނެންވީ މީހަކު ނެތިގެން ވާ އުނި
ފަޅުރަށްކެއުން
މ ސަރުކާރުން ނުވަތަ ރަށްވެރިޔާގެ އަތުން ވަރުވާ އަކަށް ފަޅުރަށެއް ލިއުއްވައިގެން އެރަށް ބަލަހައްޓައި ލިބޭ އެއްޗެއް ބޭނުންކޮށް އުޅުން
ފަޅުކުރެއްވުން
މ "ފަޅުކުރުން" މިބަސް މާތްކޮށް ބުނާގޮތް
ފަޅުކޮއްތު
ނ (1) ދަތުރުކުރާ އުޅަނދެއް ބަނދަރުކޮށްގެން އޮންނައިރު ފަޅު ވެރިންނަށް އެއުޅަނދުން ދޭ ކެއުން (2) ސަރުކާރުގެ އުޅަނދު ފަހަރު ބަނދަރުގައި އޮންނަ ދުވަސްވަރު ފަޅުވެރިންނަށް ދޭ ކާޑު
ފަޅޯބަޑި
ނ ކުދިންކުޅެން އޮނުން ހަދާއެއްޗެއް. މިހަދައިފައި އޮންނަނީ ގާތްގަނޑަކަށް ފޫޓެއްވަރުގެ އޮނުބަދައެއްގެ ލޯވަޅުން ހިނގާވަރުގެ މުށްލީ ދަނޑިކޮޅެއްލައިފައެވެ. މިބަޑީގެ އުންޑައަކީ އޮނުކޮޅުގެ ދެކޮޅަށް ލައްވާ ގިތި ދެ ފަޅޯކޮޅެވެ މިބަޑި މަގޫ ދަނޑިންވެސް ހަދައެވެ
ފަޅޯމާމަ
ނ މީހާއަށް ވުރެ ބޮޑެތި ހެދުންލައިގެން އުޅޭ އަންހެނުންނަށް ބުނެ އުޅޭ މަލާމާތުގެ ބަހެއް
ފަޅޯގޮނޑި
ނ (1) ފަޅޯގަހުގެ މައިމުލުގެ ފަލަކޮށް ހުންނަބައި (2) )ހ ( ފަޅޯ ގަހުގެ ގަސްގަނޑުގެ އެތެރޭގައި މަޑުކޮށް ހުންނަބައި
ފަކީރުކުދިން
މ (1) އަތްމަތި ތަނަވަސް ނޫން މީހުންގެ ދަރިން. (2) މައިންބަފައިން މަރުވެފައިވާ ނުވަތަ އެފަދަ ފަރާތެއްގެ އެހީން މަޙުރޫމް ވެފައިވާ ކުޑަކުދިން (3) ޔަތީމު މިސްކީނު ކުދިން (4) ނިކަމެތި ކުދިން
ފައި
ނ (1) އިންސާނުންގެ އުކުޅުވަޅުން ފެށިގެން ތިރިޔަށް ހުންނަބައި. (2) ހަތަރު މޮށްގަނޑު ހުންނަ ޖަނަވާރުގެ ފަހަތު ދެމޮށްގަނޑު. (3) ގޮނޑި މޭޒު ފަދަ އެއްޗެހި ކޮޅަށް ބެހެއްޓުމަށްޓަކައި ހުންނަބައި. (4) ދިޔަހިއްކަން ލަކުޑިން ހަދައިފައި ހުންނަ އެއްޗެއް. (5) )ޏ.ސ( އެހެން އެހެންޏާ. (6) ކަންކުރި ފަރާތް އެއްގޮތްވުމާއެކު އެއްކަމެއް އަނެއްކަމަކާ ގުޅަމުން ގެންދިއުމުގައި ބޭނުންކުރާ އަކުރެއް މިސާލު: ޞާދިޤު އައިސް ވަދެފައި އެހެން ބުނެލައިފައި ހިނގައްޖެއެވެ
ފައިންޕުޅުންހުންނެވުން
މ ކޮޅަށް ހުރުމަށް އެންމެ މާތް ބަހުން ކިޔާގޮތް
ފައިންޕުޅުއެޅުއްވުން
މ ރަސްރަސްކަލުންނަށް ޚާއްޞަބަހެއް ތަނަކަށް ދިއުން މިބަސް ރަސްރަސްކަލުންނާމެދު ބުނާގޮތް
ފައިންޕުޅުދުށުން
މ މާތް މީހުންނާ ބައްދަލުކުރުން
ފައިންޕުޅުދެއްކެވުން
މ ބޭފުޅަކު މީހަކާ ނުވަތަ ބަޔަކާ ބައްދަލު ކުރެއްވުން
ފައިބަރުގުލާސް
ނ (1) ލޯންޗް ފަހަރާއި ބޮޑެތި ތާނގީ ފަދަ އެއްޗެހި ހެދުމަށް ބޭނުންކުރާ ޕްލާސްޓިކް ފަދަ އެއްޗެއް (2) ފައިބަރު ގުލާސް ތެރަސް މިއީ ފައިބަރުން ހަދައިފައި ހުންނަ ތަކެތި މަޑުކުރުމަށް ބޭނުން ކުރާ އެއްޗެކެވެ
ފައިބިމުޖެއްސުން
މ (1) އިހުގައި ވިހައިގެން އުޅޭމީހުން އެނދުން ބިންމައްޗަށް ބޭލުން މިކަން ކޮށް އުޅެނީ އިރުވަރު ބަލައި ފަންޑިތަވެސް ހަދައިގެންނެވެ
ފައިކަށި
ނ (1) ފަޅުފަޅުން ނިކުތުމަށާއި ވަނުމަށް ހަދައިފައި ހުންނަ ނެރުގެ އެއްފަރާތުގެ ތޮށިގަނޑު. މިސާލު: ކަނޑިންމާ ފައިކަށި. (2) ކަތުރާއި ހަނޑަސް ފަދަ ދެފައިކަށި ހުންނަ ތަކެތީގެ އެއްފަޅި (3) އައިނު ފަދަ ތަކެތީގެ ދުނިގަނޑުގެ ދެފަރާތުން ކަންފަތުގައި އެލުވޭގޮތަށް ހުންނަ ދެބައިން އެއްބައި (4) ބައިސްކަލް ފަދަ ތަކެތީގެ ފުރޮޅު ހިފެހެއްޓުމަށް ދެބަޔަށް ހުންނަބައި
ފައިކޮޅު
ނ (1) އިންސާނާ އާއި ދެފައިމައްޗަށް ތެދުވެ ހިނގައިއުޅޭ ތަކެތީގެ ތިރީބައި (2) ލިޔުމުގެ އަކުރުތަކުގައި ތިރިއަށާއި މައްޗަށް ދަމައި ލެވިފައިވާބައި
ފައިވައް
އޮޑިދޯނި ފަހަރުގެ ވަތް ވަތުގައި މަޑޫތައް ހިފެހެއްޓުމަށް އެތެރެ ފަރާތުން ބަނޑުފިލައިގައި ލަކުޑިން އަޅާ އެއްޗެހި މިހުންނާނީ ބުޑުވަކަށް ވުރެކުރުކޮށެވެ
ފައިވާން
ނ ހިނގައި އުޅުމަށްޓަކައި ފަޔަށް ލެއްވުމަށް ހަން ރަބަރު ފޮތި ޕްލާސްޓިކް ފަދަ ތަކެތިން ހަދައިފައި ހުންނަ އެއްޗެއް
ފައިވާންޖޯޑު
ނ ފައިވާނުގެ ދެކިބަޔަށް އެއްކޮށް ބުނާބަސް