radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ތަރަތަރަ
ނއ (1) ކެކިއެރުން މިސާލު: )ހ( ތެޔޮތާހަށް ފެންޖެހީމާ ދިޔައީ ތަރަތަރަ ޖަހައިގެންނެވެ )ށ( އެއްވެފައިވާ މީހުންތައް ރުޅިއައިސްގެން ތަރަތަރަ ލަނީއެވެ (2) އެއްޗެއްގައި ހުންނަ ދަޅައިގެ ސަބަބުން ނުވަތަ ގަދަ އައްޔެއްގެ ސަބަބުން ބަލަން ނުކެރޭ ނުކެރުން (3) ރުޅިއައިސްގެން ލާ ހަޅޭއް
ތަރަޖަމާ
ނ )ސ ( ތަރުޖަމާ
ތަރި
ނ (1) ޖައްވުގައިވާ އެތިކޮޅުތައް އެއްވެގެން އުފެދިފައިވާ ބޮޑުއެއްޗެއް މީގައި އަމިއްލަޔަށް ދިއްލޭފަދަ ގޭސްތަކެއް އެކުލެވިފައިވެއެވެ މީގެބައެއް އެއްޗެހި ދުނިޔެއަށްވުރެ ބޮޑެއްޗެވެ އަނެއްބައި އެއްޗެހި ދުނިޔެ ދަތުރުކުރާ ބުރަށްވުރެވެސް ބޮޑެއްޗެވެ މީގެސިފައަކީ ޢާއްމުކޮށް ވަށް ބޯޅައެއްގެ ސިފައެވެ މިއީ ރޭގަނޑު އުޑުން ފިޔަޖަހައި އަލިކަން ފޯރުވާ އެއްޗެކެވެ (2) ފަސްފިޔަ ނުވަތަ ހަފިޔަހުންނަގޮތަށް ހަދައިފައިވާ ނުވަތަ ކުރަހައިފައި ހުންނަ އެއްޗެއް (3) އިއްޒަތުގެ ނިޝާނެއްގެ ގޮތުން ކޮނޑަށް ނުވަތަ މޭ މައްޗަށް އަރާ ނިޝާނެއް މަޖާޒު: (4) ކަމަކުން މަޝްހޫރުވެފައިވާ މީހާ (5) ތަމްސީލުގައި ނުވަތަ ފިލްމުގައި މައިގަނޑު ބައިތައް ކުޅޭމީހުން
ތަރިބޭލުން
މ މަޖާޒު: ހިތާވެގެން އުޅޭ މީހެއްގެ ގާތުގައި ފިރިހެނަކު ދައްކާ ފޮނި ވާހަކަތައް ދެއްކުން
ތަރިއޮއްސުން
މ (1) ގިނިހިލައިގައި ރޯވެގެންގޮސް ހުލިވުން (2) ތަރިނިވުން މަޖާޒު: (3) ކަމަކަށް މަޝްހޫރުމީހަކު މަރުވުން (4) މަޝްހޫރުކަން ދިއުން ނުވަތަ ލިބިލިބިހުރި ރަނގަޅެއް ހުއްޓުމަކަށް އައުން (5) ނަސީބުދަށަށް ދިއުން
ތަރުތޯރާވުން
މ )ސ ( (1) ހަމަޖައްސައިލުން (2) އިންތިޒާމުކޮށްލުން
ތަރުޖަމާނު
ނ (1) ތަރުޖަމާކުރާމީހާ (2) ރަސްމީ ދާއިރާއަކުން ނުވަތަ ނުރަސްމީ ފަރާތަކުން ކަމެއް ކުރިގޮތުގެ ތަފްސީލު ދޭން ހުންނަމީހާ
ތަރުޖަމާނުކަން
ނއނ ތަރުޖަމާކުރާ މީހާގެ ވަޒީފާ
ތަރޮޖަމާ
ނ )ޏ ( ތަރުޖަމާ
ތަރޮޖަމާކެރުން
މ )ޏ ( ތަރުޖަމާކުރުން
ތަބުލާ
ނ މިޔުޒިކުކުޅޭއިރު ބެރުޖަހާގޮތަށް ޖަހަން ގެންގުޅޭ އެއްޗެއް މިޖަހާއިރު ގެންގުޅެނީ މީގެދޭއްޗެވެ މިހުންނަނީ ބޮޑު އުނބެއްގެ ސިފައިގައެވެ މަތީގައި ހަންއަޅައިފައެވެ ތަބުލާޖޯޑުގެ ދޭތީގެ ސިފަ ތަފާތެވެ
ތަޅައިބުރުއްސުން
މ (1) ކުކުޅުހާފަދަ ތަކެތިގޭދޮށަށް ނާންނަގޮތަށް ފައްސައި ދުރަށްލުން (2) މަޖާޒު: ވަކިހަމައެއްނެތި ބޭކާރުގޮތުއި ފައިސާ ނުވަތަ މުދާ ހޭދަކުރަމުން ގެންދިއުން (3) އެއްވެފައިވާ މީހުންތަކެއް ވިއްސިވިހާލިކުރުން
ތަޅާއަޅައިފައިދިއުން
މ މަޖާޒު: މާބާރަށް ދާދިއުމަށް ބުނެއުޅޭ ގޮތެއް
ތަޅާލުން
މ (1) ފުނޑުފުނޑުވާގޮތަށް މުގުރޭގޮތަށް ހުރިއެއްޗެއް ނުވަތަ ތަނެއްހަލާކުކޮށްލުން (2) މީހަކަށް ވަރަށް ބޮޑަށް ހާނީއްކަކުރުން (3) މަޖާޒު: އަންހެނަކާ ނަހަމަގޮތުން ޖިންސީގުޅުން ހިންގުން
ތަޅިލިއެޑުން
މ )ޏ ( ތަޅުއިލިޖެހުން
ތަޅުއިލި
ނ ތެދުއުއި ވަޑާމުގައި ކޮނެއިންދާ އެއްޗެހި ވަކިނުވާގޮތަށް ހިފެހެއްޓުމަށް ޓަކައި ތޮރުފައިފައިޖަހާ ލަކުޑީގެ އިލި
ތަޅުއިލިއެޅުން
މ ތަޅުއިލިޖެހުން
ތަޅުވަޅު
ނ ތަޅުގެ ތަޅުދަނޑިޖަހާ ލޯވަޅު
ތަޅުވައިލުން
މ (1) ހަލުވައިލުން (2) ގުޑުވައިލުން މަޖާޒު: (3) ވާހަކައެއް ފަތުރައިލުން (4) މީހެއްގެ ކިބައިން ވަކިވާހަކައެއް ހޯދަންވެގެން އޭނާލައްވައި ވާހަކަދެއްކުވުން
ތަޅުވައިގަތުން
މ (1) ހަލުވައިގަތުން (2) މަޖާޒު: އަނގަ ގަދަކޮށްގަތުން