radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ފާލިކީ
ނ (1) މީހުން އެރީމާ އުފުލައިގެން ގެންދަން ހަދައިފައި ހުންނަ ދޮޅިދާން (2) ފުލޯކު ވާހަކައިގައި ކިޔާގޮތުން ކަމަނާއަކު ނުވަތަ މަނިކުފާނަކު އަރައިވަޑައިގަތީމާ ހަވާގެތެރެއިން ޖިންނިން އުފުލައިގެން އެއްތަނުން އަނެއްތަނަށް ގެންދާ ދާން (3) ކަނޑީގެ މުށްގަނޑު
ފާލީސް
ނ ލަކުޑިން ހަދައިފައި ހުންނަ އެއްޗެއްސާއި ތަންތަނަށް އޮފުއެރުވުމަށާއި އޮމާން ކުރުމަށް އުނގުޅާ ދިޔާއެއްޗެއް
ފާލު
ނ (1) ޣައިބުގައިވާ ކަންތައް އޮޅުން ފިލުވުމަށްކުރާ ކަންތައް (2) ސޯބު ފަދަ ތަކެތި އެނބުރުނަ ނުދިނުމަށް އެޅުވޭ ގޮތަށް ހަދައިފައި ހުންނަ އެތިކޮޅު (3) ބަޑި ގޮވިޔަ ނުދިނުމަށް އަޅުވާ ތަންޑު
ފާލުބުރުމާ
ނ ފާލުއެޅޭގޮތަށް ހުންނަ ބުރުމާ
ފާގަ
ނ ވެލެއްގައި އަޅާ ހަށިގަނޑަށް ފައިދާހުރި ފެހި ތަރުކާރީއެއް މި ދޮންވީމާ ހުންނާނީ ރީނދޫ ކުލައިގައެވެ އޮށްތައް ހުންނާނީ ރަތްކުލައިގައެވެ
ފާސްދޯރު
ނ (1) އެއްކޮޅު ހިމަކޮށް ހަދާފައި ހުންނަ ދަގަނޑު ބުރިއެއް. މިއީ ޖަސްތުން ނުވަތަ ޓިނުން އެއްކޮޅުން ހިމަކޮށް އެއްޗެހި ހަދާއިރު އެއަށް ލައްވައިގަން ތަޅައި ސިފަގެންނަން ބޭނުން ކުރާ އެއްޗެކެވެ. (2) ވާ ފަލަސް ކުރުމަށް ގެންގުޅޭ އެއްކޮޅަށް ހިމަކޮށް ލަކުޑިން ނުވަތަ މަޢުދަނުން ހަދައިފައި އޮންނަ އާލާތެއް
ފާޑު
ނއ (1) ހުނަރުވެރި (2) ގޮތް (3) ވައްޓަފާޅި
ފާޑުހުރުން
މ ކަންތައް ކުރުމުގެ ހުނަރުވެރި ރީތިގޮތް ހުރުން
ފާޑުކިއުން
މ މީހުން ކުރާ ކަންތަކާ ދޭތެރޭގައި އެމީހަކަށް ފެންނަގޮތެއް ކިޔުން
ފާޑުވެރިން
ނ (1) މޭސްތިރިން (2) ކަންކަމުގެ ފާޑު ހުންނަ މީހުން
ފާޑުވެރިކަން
ނއނ (1) މޭސްތިރިކަން (2) ކަންކަމުގައި ފާޑު ހުންނަކަން
ފާޓާ
ނ ފޫއަޅައިފައި ހުންނަ ކުދިވަރުގެ ވަށްތާނގީ
ފާޓު
ނ (1) ފޮތިފޭލީގެ ފުޅާމިން (2) ރިޔަލުގައި ގުޅައިފައި ހުންނަ ބައިތަކުން ބައެއް
ފާޚާނާ
ނ ފެންވެރުމާއި ޤަޟާޙާޖަތް ކުރުމަށް ހަދައިފައި ހުންނަ ތަންތަން
ފާޚާނާވަޅުގަނޑު
ނ ފާޚާނާގެ ނަޖިހާއި ފެން އެޅެން ހުންނަ ވަޅުގަނޑު
ފިހާރަ
ނ (1) ވިޔަފާރިކުރަން ހަދާފައި ހުންނަ ތަންތަން (2) އޮށްވަޅު ގޮނޑީގެ ދެކޮޅުގައި ހުންނަ ބޮޑު ދެވަޅު
ފިހާރައަށްލުން
މ އޮށްވަޅުކުޅެމުން ދާއިރު އޮށްވަޅު ގޮނޑިގެ ދެކޮޅުގައި ހުންނަ ބޮޑު ދެވަޅުން ކުރެ ވަޅަކަށް ފުކެއް ވައްޓާލުން
ފިހާރަފަތި
ނ އެއްފިހާރަ އަނެއް ފިހާރަޔާ ގުޅޭގޮތަށް އަޅާފައި ހުންނަ ފިހާރަތައް
ފިހިވަޅު
ނ ކުލައާއި ދަވާދު ފަދަ ތަކެތި ލައިފައި ހުންނައިރު ފިހިޖެއްސިތަން އެނގޭގޮތަށް ހުންނަ ތަންތަން
ފިހިމަސް
ނ )ސ ( ފިހުނުމަސް