radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ހުކުރުބެރު
ނ އިހުގައި ހުކުރުދުވަހު ނުވައެއްޖަހާއިރު ނާބުސްޚާނުގައި ޖަހާބެރު މިއީ މީސްތަކުން ހުކުރަށް ދާން ތައްޔާރުވުމަށް ޖަހާއުޅުނު ބެރެކެވެ
ހުއިފިލަނޑާ
ނ މޫދުގައިއުޅޭ ދިރޭ އެއްޗެއް މީގެ ތަފާތު ވައްތަރުތައް ހުރެއެވެ ބައެއް އެއްޗެހި ކަޅުކުލައިގައި އުންފަޅައިފައި އަނެއްބައި އެއްޗެހި ކުކުޅުބިސް ކުލައިގައި ކަޅުލައް ޖަހައިފައިހުރެއެވެ މީގެތެރެއިން ބައެއް އެއްޗެހީގެ ބަނޑުގައި ބިއްލޫރި ކުލައިގެ ހިމަދިގު މަހެއް އޮވެއެވެ
ހުއްދަބަލައިދިއުން
މ ގަނޑުވަރުތެރޭ ބޭފުޅުންނާއި ދައުލަތުގެ ކުރިޔަށް ތިއްބެވި ބޭފުޅުން ތިއްބަވާ ތަންތާނގެ ކައިރީގައި ތިބޭމީހުން އެބޭފުޅުން ތިއްބަވާ ތަންތާނގެ އެތެރެފެންނަވަރުގެ އުސްތާކަށް އަރަން ޖެހިއްޖިއްޔާ އެކަމުގެ އިޒުނަ ހޯދަން އެތަންތަނަށް ދިއުން
ހުއްގަނޑަ
ނ )ސ ( (1) ހުތް ހުންނަ ޒާތުގެ ދިޔާ ތަކެތި ކަމީރުވުމުން އަރާ ހުތްފޮނު (2) މަޖާޒު: ރުޅިގަނޑު
ހުއްޓި
ނ (1) ފުރާޅު ބަނުމުގައި ހުރަހަށް ބަހައްޓާ ދަނޑި (2) ފުޅަށް އެޅުމުގައި ދުރުދޭތެރެ ބައްދާން ބަހައްޓާ ދަނޑި (3) ފުޅަލީގައި ކޮޅަށް ބަހައްޓާ ދަނޑި (4) ލިޔާއިރު ޖުމުލަ ނިމުމުގައި ޖަހާ ތިކި )ފުލުސްޓޮޕް
ހުވަނދު
ނ (1) މީރުވަސް (2) މީރުވަސްދުވާތަކެތި (3) މަޖްލިސްމަޖްލިސްގައި ދޭން ގެންގުޅޭ އަތަރުފަދަ ތަކެތި
ހުވަނދުހެދުން
މ މަޖްލިސް މަޖްލިސްގައި ހުވަނދު ދޭން ފިނިފެނާއި މީރުވަސްދުވާ އަތަރާއި ސެންޓްފަދަތަކެތި އެއްކޮށް ތައްޔާރުކުރުން
ހުވަނދުބުލިބުލި
ނ މަޖްލިސް މަޖްލީހުގައި ދޭ ހުވަނދު އަޅައިގެން ގެންގުޅޭ ކަންވާރު
ހުވަނދުގޮށި
ނ ހުވަނދުއަޅާން ބިލެތްގަނޑަކުން ރޫޖައްސައިގެން ހަދާގޮއްޓެއް މިއީ ހުކުރު ދުވަހު ހުކުރުކުރާ ޚަޠީބެއްގެ ގެއިން މުދިން ބޭކަލަކު މިޙްރާބުގޭގައި ތިއްބަވާ ބޭކަލުންނަށް ދޭން ހުވަނދު ގެންގޮސް އުޅުނު އެއްޗެކެވެ
ހުވަނި
ނ (1) ހޫނުމޫސުމަށް ބައެއްގަސްގަހުގައި އަޅާ ވިހަފަންޏެއް މިޖެހުނީމާ ގައިކަހައި ބިހިނަގައެވެ (2) )ޏ ސ ( ކަޅުބިލަމަސް ބާނާ ބުޅި
ހުވަރޮދި
ނ ކުއްޖާއަށް ހަތްދުވަސްވާ ދުވަހު އަތްފައިގައި ފުރަތަމަ އަޅައިދީ އުޅުނު ނުއިރޮދިކޮޅު މިކަމަށް ފައްޓަރުފަށެއް އެޅިޔަސް ކިޔަނީ މިހެންނެވެ
ހުވަފެން
ނ )ބދ ( (1) ނިދައިފައި އޮންނައިރު ފެންނަ އެކިބާވަތުގެ ކަންތައް (2) )ސ ( ތުނިޔައާ ވައްތަރު އެޔަށްވުރެ ކުދި އެއްޗެއް (3) މަޖާޒު: ފޮނިއުންމީދު
ހުވާކަށަވަރު
ނ ޔަޤީންކަމުގެ އެންމެމަތީ ދަރަޖަ ފައުޅުކުޅައުމަށް ބުނާގޮތެއް
ހުވާކަށަވަރުވުން
މ އެންމެ މަތީ ދަރަޖައިގެ ޔަޤީންކަން ފައުޅުކުރުން
ހުދުހުދާ
ނ ބޮލުގައި ހުޅިއެއްހުންނަ ތިއްތިއްޖެހި ކުޑަވަރެއްގެ ދޫންޏެއް
ހުދުރާތް
ނ އަންހެނުންލައިއުޅުނު ފޭރާންދެރަ ލިބާހެއް މިއީ ރާއްޖޭގައި ވިޔެއުޅުނު ލިބާހެކެވެ
ހުދުކާޅު
ނ (1) ހުދުފަތް ހުންނަ ކާޅު. މިއީވަރަށްމަދު އެއްޗެކެވެ. (2) މަޖާޒު: ތިމާގެ މީހަކު ނުވަތަ ރައްޓެއްސަކު އެތައް ދުވަހަކު ނައިސްހުރެފައި ގެއަށްއައިމައި ހިތްހެޔޮކަމާއިއެކު ސަމާސާއަށް ބުނެއުޅޭ ބަހެއް މިބަސް ބުނެއުޅޭ ގޮތަކީ "އައްދޭ! ހުދުކާޅެއްދޯ!" (3) ނާދިރުއެއްޗެހި
ހުދުކޮކާ
ނ ދެމޫސުންބެދޭއިރު ރާއްޖެއިން ފެންނަ ކުދިހުދު ކޮކާލެއް
ހުދުކޮކާބޮލި
ނ (1) ކޮކާބޮލީގެ ހުދުވައްތަރު (2) ލައްޖެހިކޮކާބޮލި
ހުދުފުށްވުން
މ (1) މަސްމަހާމެހި ބަލިވެ ވަރުދެރަވެގެން ނުވަތަ މަރުވެގެން ބަނޑުފުށް މައްޗަށްޖެހުން. (2) މަޖާޒު: އެމީހެއްގެ ދިރިއުޅުމުގައި ކުރާ މަސައްކަތް ނުވެވޭގޮތްވެ ގޮތް ހުސްވުން