radheef.info
ރަދީފު


ގާ
ނ (1) ކެލްސިޔަމް ކާބަނޭޓުން ކަނޑުގެ މާހައުލުގައި އުފެދިގެން ބޮޑުވާ ހަރުއެއްޗެއް. މިއީ އޭގެ އަމިއްލަ ޒާތުގައި އުފެދި ގިނަވާ އެއްޗެކެވެ (2) ރާތަލެއްގެ ހަތަރުބައިކުޅަ އެއްބައި (3) ބައެއްކަހަލަ ތަކެތި ހިކިގެންވާހަރު މިސާލު: އުވަތައް ހުރީ ގާވެފައެވެ (4) ގަސްގަހާ ގެހި ކުރިލަމުން ހެދޭގޮތް ހުއްޓޭ ހުއްޓުން މިސާލު: އެމިރުސްގަސް މިހާރު ގާވެއްޖެއެވެ (5) މަޖާޒު: ކުދިން އުމުރާ އެއްވަރަށް ބޮޑުނުވެ ވާހަރު މިސާލު: އެކުއްޖާއެހެރީ ގާވެފައެވެ (6) ހިތްކޮށި މިސާލު: އެއީ ވަރަށް ހިތްގާ ކުއްޖެކެވެ
ކަށިކެޔޮލިޔާވަޅި
ނ ކަށިކެޔޮ ލިޔަން ޚާއްޞަކޮށް ހަދައިފައި ހުންނަ ވަޅި މީގެ ތިލައިގެ ދިގުމިނަކީ ގާތްގަނޑަކަށް ތިން އިންޗިއެވެ މުށްގަނޑުގައި ގާތްގަނޑަކަށް މުށެއް ހުރެއެވެ މިނޫންގޮތް ގޮތަށްވެސް މިވަޅިހަދައި ފައި ހުރެއެވެ
ކަށިއަރޮޅި
ނ ބޭހަށް ބޭނުންކުރާ އެއްޗެއް މިއީ އެތެރެ ބެދިފައި އޮންނަ ހަރު އޮށެއް ކަހަލަ އެއްޗެކެވެ މީގެ ކުލައަކީ ކަޅުކުލައެވެ މިއޮންނަނީ ހިކިފައިހުންނަ ބޮޑެތި މޭބިސްކަދުރާ ގާތް ސިފައެއްގައި ހިމަދިގުކޮށެނެވެ
ކަށިމިޔަރުތެޔޮ
ނ ކަށިމިޔަރުގެ މެއިން ނަގާ ތެޔޮ މިއީ ބޭހަށް ބޭނުންކުރާ ތެލެކެވެ
ކަށިފީރި
ނ )ސ ( ގަސްގާނާ ފީރު
ކަށިތިޔާރުކުރުން
މ ޗާޓުރޯލާއި ފަރުގާލުގެ ވަސީލަތުން ޗާޓުން މިޞްރާބު ބެލުން
ކަށިގަނޑު
ނ (1) ކަށީގެ ބައެއް ނުވަތަ ބުރިވަރެއް. (2) އެކިއެކި ބޭނުމަށްޓަކައި އަންގައިލުމަށް ފުމެން ގެންގުޅޭ އެއްޗެހި. މިސާލު: )ހ( ސިފައިންގެ ކަށިގަނޑު. )ށ( ބޯޅަކުޅޭއިރު ފުމޭ ކަށިގަނޑު. )ނ( އާގުބޯޓު ފަހަރުގައި ފުމޭން ގެންގުޅޭ ކަށިގަނޑު. (3) ތަތްފަތާއި ސިނަފަތް ބޯން ގެންގުޅޭ އެއްޗެއް. (4) ދިރޭ ތަކެތީގެ މަސްފިލާފައި އޮންނަ އޮނިގަނޑު. (5) ގުންބާ އުނދުނާއި ބިގަރުފަދަ ތަކެތީގައިޖެހޭ ކުނި ނައްޓާން ހަރާ ނަރުކޮޅު (6) ބިންވަޅު ނަގާ ކުރަހަން ގެންގުޅޭ ތޫނު އާލަތެއް: (7) އިސްކުރު އަނބުރަން ގެންގުޅޭ އާލަތެއް (8) ތުނޑު ދެފަޅިއަށް ހުރެފައި ދެފަށް ދޭތެރެއަށް ދެލިއަޅައިގެން ރޮނގުދަމާންގެންގުޅޭ އާލަތެއް (9) ހަމުގެ ދަރަޖަބަލާން ގެންގުޅޭ އާލަތެއް :)01( ޑަކްތަރުން ބަލިބަލާން ގެންގުޅޭ އާލަތެއް: (11) ވިއްސާރައިގެ އެކިއެކިގޮތްގޮތް ބަލާން ހަދައިފައި ހުންނަ އާލަތް: (21) ކާންގެންގުޅޭ އޫ
ކަށިގަންޖު
ނ (1) ރޮނގުދަމާ ކަށިގަނޑާއި ފަރުގާލާއި މިބާވަތުގެ އެއްޗެހި އަޅާ ޚާއްޞަ ފޮށި (2) ފަރުގާލުފޮށި
ކަނދުފަތި
ނ (1) އެއްކޮޅު ނުވަތަ ދެކޮޅު ނަރުވިލިކޮށް ހަދައިފައި ހުންނަ ލަކުޑިތަކެއް އެއްކޮށް ބަނދެ ފެނުބާރު ހިފާގޮތަށް ހަދައިފައި ހުންނައެއްޗެއް މިގިނައިން ގެންގުޅެނީ ފަޅުތެރޭގެ އެކިއެކި ބޭނުމުގައި ދަތުރުކުރާށެވެ (2) ފެނުބާރު ހިފާގޮތަށް ހަދައިފައި ހުންނަ އެއްޗެއް މިއީ އެއްޗެހި އުފުލުމަށް ކަނބާފައި ގެންދާ އެއްޗެކެވެ (3) މަޖާޒު: ހިތާވެގެންއުޅޭ ދެމީހުން ދޭތެރޭ ހިނގާމީހާ
ކަނިބުޅި
ނ )ޅ ( އޮޑީގެ ދެފަރާތުގާ ކަނިކުރެއްޖާ ދިމާއިން ތިރީގައި މަތިކަނަށް ޖަހައިފައި ހުންނަ ބުޅި
ކަން
ނ (1) ޢަމަލު. (2) މަސައްކަތް. (3) ދެފަރާތުގެ ދެބިތް ނުވަތަ ދެކައިރި ޖެހޭތަން. (4) ހުރަހާއި ދިގާ ޖެހޭތަން. (5) ދެގަނޑެތި ސީދާ ނޫން ގޮތަށް ޖެހޭތާ ކޮޅު. (6) އޮށްވަޅު ގޮނޑީގެ ދެފަރާތުން ފިހާރަދޮށު ދެ ވަޅު. (7) ބޮލުގައި އަލާރުމާލުގެ ކަނާ ކައިރީގައި ހަތަރެސް ކަނަށް ހުންނަގޮޅި މިގޮޅި ކަޅުކޮށްނާއި ހުދުކޮށް ހުރެއެވެ. (8) އަލަމާރިއާއި ސޯކޭސްފަދަ ތަކެތި ވަރުގަދަ ކުރުމަށް ކަނަކަށް ލެވޭގޮތަށް އެތެރޭގައި ހަރުކުރާން ޕުލާސްޓިކު ނުވަތަ އެފަދަ އެއްޗަކުން ހަދައިފައި ހުންނަ އެތިކޮޅު. (9) ކަމެއް ހިނގި ހިނގާ ހިނގާނެ ނުވަތަ ހިނގައިފާނެކަމެއް ބަޔާން ކޮށްދޭ ކޮންމެ ބަހެއް )01( ކެއުން މިބަހުގެ ވާކަން
ކަންނެޔޮބަލިކަން
ނ ލޭނުބައިވުމުގެ ސަބަބުން ހަށިގަނޑުގެ ބައެއްތަންތަނުގައި ނަގާ މުލިހި ފާޑުގެ ގަނޑެއް ގިނައިން މިގަނޑު ނަގަނީ އަތްފަޔާއި އުކުޅުވަޅު ފަދަ ތަންތާނގައެވެ
ކަންއިތުރު
ނ ކަމަކަށް އިތުރު ސިފައެއް ގެނެސްދޭ ބަހެއް މިސާލު! "ހަރުކޮށް" ހިނގާ
ކަންފަތްޕުޅަށް އެރުވުން
މ އެންމެ މާތް ބަހުރުވައިގައި މީހެއްގެގާތުގައި އެއްޗެއް ބުނުން
ކަންތަކުކިޔުން
މ ބޭނުންވާ ކަންކަމު އަނެކާގާތު ބުނުން
ކަންސަމާ
ނ މޮޅު މީހުންގެ ގާތަށް ކަންތަކުދާ މީހުންގެ ވާހަކަގެންގޮސް ގެނެސް ހަދާން ތިބޭމީހުން
ކަރަންފޫއާވި
ނ ކަރަންފުލުން ނަގާ އަރަގު
ކަރަންޓީނު
ނ (1) ގައިންގަޔަށް އަރާ ނުރައްކާތެރި ބައްޔެއް އުޅޭ ރަށަކުން އަންނަ އުޅަނދު ފަހަރުގައި އެފަދަ ބައްޔެއްޖެހިފައި ހުރި މީހަކު ހުރިތޯބެލުމަށް އެ އުޅަނދަކަށް މީހުންއަރާ ފޭބިޔަނުދީ އެހެން އުޅަނދު ފަހަރާ ދުރުގައި ވަކިމުއްދަތެއް ވަންދެން ކުރާ ބަންދު (2) ބޭރު ރަށަކުން އަންނަ އުޅަނދެއްގައި ގައިން ގަޔަށް އަރާ ބައްޔެއް ޖެހިފައިވާ މީހަކު ހުރިނަމަ އެ އުޅަނދަކުން މީހުން އަރާ ފޭބިޔަނުދީއެހެން އުޅަނދު ފަހަރާ ދުރުގައި ވަކި މުއްދަތެއް ވަންދެން ކުރާ ބަންދު (3) ނުރައްކާތެރި ރޯގާއެއް އުޅޭ ރަށްރަށަށް މީހުންއަރާ ފޭބިޔަނުދީ ވަކިމުއްދަތެއް ވަންދެން އެރަށްރަށް ކުރާ ބަންދު
ކަރަންޓީނުކުރުން
މ (1) ގައިންގަޔަށް އަރާ ނުރައްކާތެރި ބައްޔެއް އުޅޭ ރަށަކުން އަންނަ އުޅަނދު ފަހަރުގައި އެފަދަ ބައްޔެއް ޖެހިފައި ހުރި މީހަކު ހުރިތޯ ބެލުމަށް އެ އުޅަނދަކަށް މީހުންއަރާ ފޭބިޔަނުދީ އެހެން އުޅަނދު ފަހަރާ ދުރުގައި ވަކި މުއްދަތެއް ވަންދެން ބަންދުކުރުން (2) ބޭރު ރަށަކުން އަންނަ އުޅަނދެއްގައި ގައިންގަޔަށް އަރާ ބައްޔެއް ޖެހިފައިވާ މީހަކު ހުރިނަމަ އެ އުޅަނދަކަށް މީހުން އަރާ ފޭބިޔަނުދީ އެހެން އުޅަނދުފަހަރާ ދުރުގައި ވަކިމުއްދަތެއް ވަންދެން ބަންދުކުރުން (3) ނުރައްކާތެރި ރޯގާއެއް އުޅޭ ރަށްރަށަށް މީހުން އަރާ ފޭބިޔަނުދީ ވަކި މުއްދަތެއް ވަންދެން އެރަށްރަށް ބަންދުކުރުން
ކަރަންޓީނުވުން
މ (1) ގައިންގަޔަށް އަރާ ނުރައްކާތެރި ބައްޔެއް އުޅޭ ރަށަކުން އަންނަ އުޅަނދު ފަހަރުގައި އެފަދަ ބައްޔެއް ޖެހިފައި ހުރި މީހަކު ހުރިތޯ ބެލުމަށް އެއުޅަނދަކަށް މީހުން އަރާ ފޭބިއަނުދީ އެހެން އުޅަނދު ފަހަރާ ދުރުގައި ވަކި މުއްދަތެއް ވަންދެން ބަންދުވުން (2) ބޭރު ރަށަކުން އަންނަ އުޅަނދެއްގައި ގައިން ގަޔަށް އަރާ ބައްޔެއް ޖެހިފައިވާ މީހަކު ހުރިނަމަ އެއުޅަނދަކުން މީހުން އަރާ ފޭބިޔަނުދީ އެހެން އުޅަނދުފަހަރާ ދުރުގައި ވަކި މުއްދަތެއް ނިމެންދެން ބަންދުވުން (3) ނުރައްކާތެރި ރޯގާއެއް އުޅޭ ރަށްރަށަށް މީހުންއަރައި ފޭބިޔަނުދީ ވަކި މުއްދަތެއް ވަންދެން އެރަށްރަށް ބަންދުވުން
ކަރުފައި އަޅާވަރިވުން
މ މަޖާޒު: ފިރިމީހާގެ ގާތުން ގަދަކަމުން ވަރިވުން