radheef.info
ރަދީފު


ލީ
ނ (1) އުކުނުގެ ބިސް (2) ލުން މިބަހުގެ ނިމި ނިމުނުކަން
ވޭން
ނ (1) ދެމިހުންނަ ތަދު (2) ކެކުޅުން (3) ރިހުން (4) އެއްގަމުގައި ދުއްވާ ހަތަރު ފުރޮޅުލީ އެއްޗެއް (5) މަޖާޒު: ހިތާމަ
މަހަރަމޯ
ނ ނަކަތްތެރިންގެ ޚިޔާލީދެތްވެއް
މަންޑި
ނ ކުޅިވަރެއްގެ ނަން. މިކުޅިވަރު ކުޅެނީ 3 އިންޗި ހުންނަވަރުގެ ފޯލިތަކަކާއި އެފޯލީގައި ޖަހަން ބޭނުންކުރާ ދަނޑި ގަނޑަކުންނެވެ
މަރަ
ނ )ބދ ( މާވާނިޔަ ބޮނޑި )ނިޔަވާ ބޮނޑި( ފައިގެ ބޮޑުވާ އިނގިލީގެ ކޮޅު
މަރުތެޔޮ
ނ ދަގަނޑު ތެޅުމާއި މޮހޮރުޖެހުންފަދަ ކަންތަކަށް ބޭނުންކުރަން ދަގަނޑުން ހަދައިފައި ހުންނަ ދަނޑިލީ އާލަތެއް
މަޅި
ނ (1) އެއްޗެހީގައި ބެއްދުމަށް ގޮށެއް ޖަހައިގެން ހަދާ ބޮޅެއް މި ބޮޅު އޮންނާނީ އެއްކޮޅަށް ދަމާލީމާ ބާރުވެބެދޭ ގޮތަށެވެ (2) ނަނު ރޯނު ފަދަ ތަކެތިން ހަދާބޮޅެއް މިއީ އެއްޗެހި އަޅުވަން ނުވަތަ އެއްޗެހީގައި އަޅުވަން ބޭނުންކުރާ މަޅިއެކެވެ (3) މަޖާޒު: ކެހި
މަޅިޖެހުން
މ (1) ކުކުޅު ނުވަތަ ދޫނިފަދަ އެއްޗެއް ހިފުމަށްޓަކައި މެދުގައި ހުސްބުރެއް އޮންނާނޭހެން ދޫގޮށެއްޖެހުން )މިގޮށްޖަހައިފައި ހުންނާނީ ދަމާލީމާ ބާރުވާގޮތަށެވެ ( (2) މަޅި ހެދުން
މަކުނުފިލާ
ނ ފަތްޕިލާވެލީގެ ބާވަތެއް މީގެ ފަތް އެންމެ ވައްތަރުވާނީ ތަންމަކުނާއެވެ
މައިބުރީކިހުނު
ނ ކިހުނުގެ ބާވަތެއް މިބަލީގައި ފުރަގަސްފަރާތުން ލެއާއި ދޮސް އައުންފަދަ ކަންތައްވެސް ވާނެއެވެ
މައިދާން
ނ (1) ހާމަޔަށް އޮންނަ ތަނަވަސް ބިން. (2) ޚާއްޞަ ކަންކަމަށްޓަކައި މީހުން ނުކުމެ ތިބޭތަން. މިސާލު: ހަނގުރާމައިގެ މައިދާން. (3) މަޖާޒު: ވަކި ޚާއްޞަ ރޮނގެއް. މިސާލު: ކުޅިވަރުގެ މައިދާން ތަޢުލީމީ މައިދާން
މަދުކަށީވައި
ނ ރާއްޖެބަލީގެ ވައްތަރެއް
)ދަތުވާ( މަތިވައު
ނ ނަގިލީގެ ދަތުގައި ޖަހާވައު
މަގު
ނ (1) ހިނގުމަށާއި އެއްޗެހި ދުއްވުމަށް ޚާއްޞަ ކުރެވިފައިވާތަން (2) ޓިނާއި އީޓްފަދަ ތަކެތީގައި ފެންދަތުރުކުރުމަށް ޓަކައި އަޑިކޮށްފައި ހުންނަތަން (3) ގޮތް (4) ހަމަ (5) ދިޔާ އެއްޗެހި ބޯން ބޭނުންކުރާ ޖޯޑުވައްތަރުގެ އުޅައްލީ ތަށްޓެއް
މަސްރޯވުން
މ ލޮލުގެ ބައްޔެއް މިބަލީގައި ވާގޮތަކީ ލޮލުގައި މަސްކޮޅެއް އުފެދެނީއެވެ
މަސްބުރި
ނ (1) ކަނޑުގައި ދިރިއުޅޭ މަހެއް ބުރިކޮށްލީމާ އޮންނަ ބުރި (2) މާކުދިނޫން ސައިޒަކަށް ބުރިކޮށްފައި ހުންނަ މަސް
މަޑަ
ނ (1) ބޮޑެތި މަހަށް ޖަހަން ދޮއްދަނޑީގެ ކޮޅުގައި ހަރުކޮށްފައި ހުންނަ ކަނިފަށްލީ ދަގަނޑު އާލަތެއް (2) )ބދ ( އުރަމަތި
މަޑިކަރުއެޅުން
މ ގޮދަޑިއާއި ބާލީސް ފަދަތަކެތި ފަހާއިރު އެބަހައްޓަން ބޭނުން ބޯމިނަކަށް ވަށައިގެން ފޮތިފަށެއް އެޅުން
މަޑު
ނއ (1) ހަރުކަމެއް ނެތުމުގެ ސަބަބުން އޮބައިލީމާ ފިތިގެންދާގޮތް ހުންނަ ހުރުން (2) ކަނޑުގެ ރާޅުތައް ކުދިވެ ހަމަހިމޭންވެފައި އޮންނައޮތުން (3) ޙަރަކާތްތެރިކަންކުޑަ (4) ފަނޑު (5) ނޭފަތާއި ލޮލާއި ކަންފަތުން ނެގޭ ހަޑިއެއްޗެއް (6) ފެނާއި ތެލުގެ ތެރޭގައި އުފެދޭ ހަޑި (7) ކާއެއްޗެއްގެ ރަހަޔަކުން ވާއުނި (8) ގަދައާއި ހަރުގެ އިދިކޮޅު
މަޑުވުން
މ (1) ހަރުކަމެއް ނެތުމުގެ ސަބަބުން އޮބައިލީމާ ފިތިގެންދާގޮތްވުން (2) ކަނޑުގެ ރާޅުތައް ކުދިވެ ހަމަހިމޭންވުން (3) ޙަރަކާތްތެރިކަން ކުޑަވުން (4) ފަނޑުވުން (5) ހިނގައިފައިދާމީހަކު ހުއްޓުން ނުވަތަ ހިނގުމުގެ ބާރުމިން ލަސްވުން (6) ދުއްވާފައިދާ އެއްޗެއްގެ ދުވެލި ލަސްވުން ނުވަތަ ހުއްޓުން
މަޖިލީހަށް އެރުން
މ އިހުގައި ދައުލަތުން ދެއްވާ ވަކި ދަރަޖައެއް ލިބުން މިދަރަޖަ ލިބިފައި ތިބޭ މީހުންނަށް ޢާއްމުގޮތެއްގައި ކިޔައި އުޅެނީ ކަލޭފާނެވެ ނަމަވެސް ދީދި ނުވަތަ މަނިކު ނުވަތަ ތުއްތު ކިޔާމީހަކު މަޖިލީހަށް އަރުވައިފިނަމަ އޭނާގެ ނަމަކަށް ބަދަލެއް ނާންނާނެއެވެ