radheef.info
ރަދީފު


ތައް
ނ (1) ތައްކަށިންޖަހާ ފާހަގަ މިފާހަގަ ޖަހަނީ ރުއްގަހުގެ ވެރިފަރާތް ފާހަގަކުރުމަށްޓަކައެވެ ފާހަގަހުންނަނީ ވަށްކޮށް ކަނޑައި ނަގައިފައެވެ (2) ނަން ގިނަކުރުމަށް ބޭނުންކުރާ އަކުރެއް މިސާލު: މޭޒުތައް (3) )ބދ ( އަނގަ މިސާލު: އޭނާއިނީ ތައް ބައްދައިގެންނެވެ
ކަށިކޮތަ
ނ ރައިވެރިމަހުގެ ބާވަތެއް މިއީ ކަރުތާފަތްމަތީގައި ތޫނުކަށިތަކެއް ހުންނަމެހެކެވެ މިމަހުގެ ހުޅުނބުތައް ވަރަށް ތޫނުވާނެއެވެ މަހުގެ ކުލައަކީ ރަތްކުލައެވެ
ކަށިކޮލި
ނ ކޮލީގެ ބާވަތެއް މިއީ ލޯބޮޑު އަނގަ ކުޑަ މަހެކެވެ މުޅިމަހުގައި ތޫނުކަށިތަކެއް ހުރެއެވެ މިމަހަށް ގޯނާއެއް ކޮށްފިނަމަ މި މަސް ވަށް ބޯޅައެއްހެން ފުއްޕައިލައި ކަށިތައް ކޮޅަށް ޖަހައެވެ މިއީ ވަރަށް ވިހަގަދަ މަހެކެވެ
ކަށިވިދުރި
ނ ގައިންގަޔަށް އަރާ ބައްޔެއް. މިއީ ނުރައްކާތެރި ގަދަ ހުމަކާއެކު ގައިން ބިހިތަކެއް ނަގައިފައި ޖެހޭ ބައްޔެކެވެ. މިބިހިތައް ހަފުތާއެއްގެ ފަހުން ދޮސްއަރައިފައި ހުންނަ ފޮޅުތަކަކަށް ބަދަލުވެއެވެ. މިއީ ވައިރަހެއްގެ ސަބަބުން ޖެހޭ ބައްޔެކެވެ. 7 ދުވަހާއި 02 ދުވަހާދޭތެރޭ މިބަލި ރަނގަޅުވާއިރު ދާއިމީ ގޮތެއްގައި ނުފިލާ ހުންނަ ލަކުނުތަކެއް ގައިގައި ހުރެއެވެ މިއީ މިހާރު ދުނިޔެއިން ނައްތައިލެވިފައިވާ ބައްޔެކެވެ
ކަނދި
ނ އުފުލިލައިގެން އޮލައަޅައިގެން ކައްކާ ފޮނިބުއިމެއް މި ކިތައްމެ ބާވަތަކަށް ކިތައްމެ އެއްޗެއްގައި ކައްކައެވެ
ކަނދު
ނ (1) ތެދަށްހެދޭ ބިޔަވާގަހެއް. (2) ކަނދުގަހުގެލަކުޑި. މިއީ އާރުނުލާ ލުއިލަކުޑިއެކެވެ. މިލަކުޑީގައި ފެނު ބާރުގަދަ ވާނެއެވެ. މީގެ ދެވައްތަރެއް ހުރެއެވެ. (3) ކަނދުފަތި ފަހާށާއި އެހެނިހެން ބޭނުމަށްޓަކައި އޭގެ ކޮޅު ނަރުވިލިކޮށް ބޯކޮށް ހަދައިފައި ހުންނަފިލާ. މިގިނައިން ހަދަނީ ކަނދުގަހުގެ ލަކުޑިންނެވެ. (4) އޮޑިދޯނިފަހަރު އެހެލައި ބަލާއިރު ފަށަން ދޮށަށްލައްވާ ލަކުޑިބުރި. (5) ފެނަށްތިރިކުރާ މަތިންދާބޯޓުގެ ދެފަރާތު ފިޔަފަތުގެ ދަށުގައި ފެނުބާރުހިފާން ހުންނަ ބަރާ. (6) ރާޅާ އެޅުމަށާއި މޫދުގެ ކުޅިވަރުތައް ކުޅުމަށް ގެންގުޅޭ ފެނުބާރު ހިފާގޮތަށް ހުންނަ އެއްޗިހި
ކަނދޮޅަކަށްހެދުން
މ )މިސާލުބަހެއް( ދިވެހި ރުކެއްގެ އިހާތައް އެކީ ކޮށައި ލުމުން ބުނެއުޅޭ ބަހެއް
ކަނދޮޅު
ނ ފަތް ހިމަދިގު ކޮށްހެދޭ ފަސޭހައިން މަރުނުވާ ކުޑަވަރެއްގެ ގަހެއް މީގެ ކިތައްމެބާވަތެއްހުރެއެވެ މިގަހުގެ ބަނޑުފަތުން ދުލި ނަގައިގެން ބޭސްވެރިކަމަށާއި އެހެނިހެން ބޭނުމަށް ގެންގުޅެއެވެ
ކަނޑި އެނބުރުން
މ ކުޅިހުއްޓާ ރޭ ބަންޑާރަކޮށީ މީހަކު ދެމިޔައެޅި ދެކަނޑި ދެއަތުން އަނބުރަމުން ކުރާ ހެވިކަމެއް މީ ކަނޑިހެވިކަމުގެ ވަރަށްބޮޑު ކަމެކެވެ މިކަންތައް ކުރާނީ ކޮށީގެ އިސްދަރިވަރެކެވެ
ކަނޑިބުރި
ނ ތިލަ އިތިކޮށް ކޮޅުކައްޗަށް ބުރިކޮށްލައިފައި ހުންނަ ވަޅިއެއް މި ވަޅި ބޭނުންކުރަނީ ކަތިވަޅިން ކުރާ ކަންތައްތަކަށެވެ
ކަނޑުބޭރުފުޅުކުރެއްވުން
މ ގަނޑުވަރުތެރޭގެ ބޭފުޅަކު އަލަށް ކަނޑުމައްޗަށް އަރައިވަޑައިގަތުމާއި އެކަމާގުޅޭ ރަސްމީ ކަންތައްތައްކުރުން
ކަނޑޫފައު
ނ ކަނޑޫގަސްތައް ހެދިފައި އޮންނަތަން
ކަނުވުން
މ (1) ލޮލަށް ނޭނގޭ ގޮތްވުން (2) އާދައިގެ އޮށްވަޅު ކުޅޭއިރު ފުރަތަމަ ކުޅިގަނޑަށްފަހު އެމީހަކަށް ލިބޭ ފުއްތައް ވަޅުވަޅަށް އަޅަމުންދާއިރު ވަޅަށް ފުއް ހަމަނުވެގެން ވަޅުހުސްވުން (3) މަޖާޒު: ހިތަށް ނުވިސްނޭގޮތްވުން
ކަނުލޯބި
ނ (1) އުނިސިފަތައް ނުފެންނަ ލޯބި (2) ދޮންފުތު ލޯބި
ކަންހިމުން
މ (1) ކުރަމުންދާ ގިނަކަންތައް ކަމުދިއުން (2) ގިނައެދުން ފުދެމުން ދިއުން
ކަންހިމެނުން
މ (1) ކަންހިމުން (2) ކަންތައްތަކެއްގެ ޢަދަދު ބެލުން
ކަންހުދުކުރުން
މ ކަންހުދުރުމާލުގެ ހަތަރު ކަނުގައި ހުންނަ ހަތަރެސް ކަން ހަތަރު ގޮޅިން. )ރުމާއޮޅީމާ( ފެންނަން ހުންނަ ތަންތަން އުނގުޅައި ސާފުކޮށް ހުދުކުރުން. މިކަންކުރާގޮތަކީ މިކަމަށް ތައްޔާރުކޮށްފައި އޮންނަ ފިލާ ފޮއްޗެއްގައި ގިނަ ފަށް ހުންނާނެހެން ހުދު ފޮތިކޮޅެއް ފަތްޖަހައި އޮޅައިލައިފައި ކަންގަނޑުގެ ދަށަށް ލައްވައިގެން ބޮނބިން ހަދައިފައި އޮންނަ "ދަނޑި" ކޮޅަކުން ފެންލައިގެން އުނގުޅައި ސާފުކޮށްފައި އަސުރުމާ އޮށުގެ އެތެރޭގައި އޮންނަ ފުށްކޮޅުނަގައިގެން ފެންޖަހައި ފިއްތައި ގަށައިފައި ކަން ތަކުގައި ހާކައި އެއްވަރުކުރަނީ އެވެ. މިފުށް ހާކާނީ ހަރުލަކުޑީގެ އޮމާން ދަނޑި ކޮޅަކުންނެވެ. ފަހަކަށް އައިސް މިގޮތަށްކަން ހުދު ކުރުމުގެ ބަދަލުގައި ހުދުކުރަނީ ކަރުދާސް ތަތްކޮށް ގެންނެވެ ކަންހުދު ރުމާ ލަކީ ފަސްރޮނގު ރުމާލެވެ
ކަންނެތް
ނއ (1) މުރާލިނޫން (2) ކަންތައްކުރާންނުކެރޭ (3) ބަރުހެލި
ކަންނެތްކަން
ނއނ (1) މުރާލި ނޫންކަން (2) ކަންތައް ކުރާން ނުކުރޭކަން (3) ބަރުހެލިކަން
ކަންނެތްވުން
މ (1) މުރާލިނުވުން (2) ކަންތައް ކުރާން ނުކެރުން (3) ބަރުހެލިވުން
ކަންކަން
ނ (1) ކަން މިބަސް ގިނަކުރާގޮތެއް (2) ކަންތައް